လံာ်ကွဲးနီၣ်တၢ်ခံဘ့ၣ်တဘ့ၣ် 15:12 - Sgaw Karen Common Bible

¹² အဝဲသ့ၣ်မၤတ့ၢ်တၢ်အၢၣ်လီၤအီလီၤတမံၤလၢအဝဲသ့ၣ်အၢၣ်လီၤဝဲ လၢအဝဲသ့ၣ်ကဘူၣ်ထီၣ်ဘါထီၣ်ယွၤအဝဲသ့ၣ်အမိၢ်ပၢ်ဖံဖုလၢပျၢၤ တဖၣ်အကစၢ်ယွၤ, လၢအသူၣ်ကံၢ်သးလဲဒီးအသးဒီဖျၢၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:12 Iomraidhean Croise

လံာ်စီၤပၤအခီၣ်ထံးတဘ့ၣ် 8:48

လၢကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ်နီၢ် လၢတၢ်သူၣ်တီသးလိၤအပူၤဒီးဘါထုကဖၣ်ဆူနအိၣ်ဖဲ အဃၣ်ဃီၤအမဲာ်ဆူထံကီၢ်လၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်အံၤ, ဒီးဝ့ၢ်လၢနဃုထၢတ့ၢ်နဲအံၤ, ဒီးယွၤအတၢ်လုၢ်ဟံၣ်လၢယသူၣ်ထီၣ်လၢနဂီၢ်အံၤန့ၣ်ဒီး,

လံာ်စီၤပၤခံဘ့ၣ်တဘ့ၣ် 11:17

ပှၤလုၢ်တၢ်အခိၣ်စီၤယဟိယဒါဒုးမၤစီၤပၤယိၤအၣ်ဒီးပှၤဂီၢ် မုၢ်လၢတၢ်အၢၣ်လီၤဒီးယွၤတမံၤလၢအဝဲသ့ၣ်ကမ့ၢ်ယွၤအပှၤဂီၢ် မုၢ်န့ၣ်လီၤ. အဝဲမၤစ့ၢ်ကီးတၢ်အၢၣ်လီၤတမံၤလၢစီၤပၤဒီးပှၤဂီၢ်မုၢ်အဘၢၣ် စၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:16

ပှၤဂီၢ်မုၢ်လၢကယဲၢ်အံၣ်စရ့လးအဒူၣ်တဖၣ်အပူၤ, လၢအသးအိၣ်နီၢ်နီၢ်လၢကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်, ပိာ်ထီၣ်ပှၤလ့ၤဝံဖိတဖၣ်အခံဆူ ဝ့ၢ်ယရူၤၡလ့ၣ်, ဒ်သိးကလုၢ်ထီၣ်ဘၣ်တၢ်လုၢ်တၢ်ပာ်တဖၣ်ဆူယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:4

ဘၣ်ဆၣ်တုၤတၢ်ကိၢ်တၢ်ဂီၤဟဲဝဲန့ၣ်, အဝဲသ့ၣ်ဃၣ်က့ၤအသးဆူ ယွၤ, အံၣ်စရ့လးအကစၢ်ယွၤအအိၣ်န့ၣ်လီၤ. အဝဲသ့ၣ်ဃုအီၤဒီးထံၣ်န့ၢ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:3

ဘၣ်ဆၣ်ဒီးလၢနပူၤန့ၣ်တၢ်အဂ့ၤအိၣ်ဒံးဝဲတနီၤန့ၣ်လီၤ. နသုးကွံာ်တ့ၢ်ကယဲၢ်ကစၢ်မုၣ်အၡ့ရၤအတၢ်ပနီၣ်တဖၣ်လၢပှၤဂီၢ်မုၢ် ဘူၣ်ထီၣ်ဘါထီၣ်ဝဲ, ဒီးနဂုာ်ကျဲးစၢးပိာ်ထွဲတ့ၢ်ကစၢ်ယွၤအတၢ်ဘၣ်အသးအခံန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 23:16

ပှၤလုၢ်တၢ်အခိၣ်စီၤယဟိယဒါမၢစီၤပၤစီၤယိၤအၣ်ဒီးပှၤဂီၢ် မုၢ်ပာ်ဖှိၣ်ဃုာ်အသးဒီးအီၤလၢကမၤတၢ်အၢၣ်လီၤအီလီၤတမံၤလၢ, အဝဲသ့ၣ်ကမ့ၢ်ယွၤအပှၤဂီၢ်မုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 9:38

မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 29:11

ပိာ်မုၣ်တဖၣ်ဒီးဖိသၣ်တဖၣ်, ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါ, လၢအကူာ်သ့ၣ်ဒီးစိာ်ထံလၢသုဂီၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 29:12

တနံၤအံၤသုအိၣ်ဖဲအံၤလၢသုကနုာ်လီၤဆူတၢ်အၢၣ်လီၤအီလီၤ အံၤလၢယွၤ, သုကစၢ်ယွၤမၤဝဲဒီးသုအပူၤဒီးလၢသုကတူၢ်လိာ်အတၢ်ဘျုးတၢ်ဖှိၣ်တဖၣ်အဂီၢ်,

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

လံာ်စီၤယိၤၡူ 24:25

ဒီးမုၢ်နံၤအဝဲန့ၣ်, စီၤယိၤၡူမၤတၢ်အၢၣ်လီၤအီလီၤဃုာ်ဒီးပှၤဂီၢ်မုၢ်, ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်လၢကပိာ်ထွဲဝဲအဂီၢ်ဖဲဝ့ၢ်ၡက့ၣ်န့ၣ်လီၤ.