လံာ်ကွဲးနီၣ်တၢ်ခံဘ့ၣ်တဘ့ၣ် 15:11 - Sgaw Karen Common Bible

¹¹ လၢမုၢ်နံၤအဝဲအံၤန့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူ ယွၤအအိၣ်လၢတၢ်ဂုာ်န့ၢ်လၢအဝဲသ့ၣ်ဟဲက့ၤစိာ်ဝဲတဖၣ်အပူၤလၢ အမ့ၢ်, ဂီၤဖံးအဒုနွံကယၤဒီးသိအဒုနွံကထိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 7:5

အဝဲလုၢ်ထီၣ်ဝဲ, ဂီၤဖံးအဒုခံကလးခံကထိ, ဒီးသိအဒုတကလီၤခံကလးလၢတၢ်လုၢ်မၤဃူမၤဖိးတဖၣ်အဂီၢ်န့ၣ် လီၤ. ဒီးလၢတၢ်န့ၣ်အဃိအဝဲဒီးပှၤဂီၢ်မုၢ်ခဲလၢာ်ပာ်စီဆှံယွၤ အတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:6

လၢယွၤအဒဲစီဆှံအမဲာ်ညါန့ၣ်စီၤပၤဘူၣ်ထီၣ်ဘါထီၣ်ယွၤခီ ဖျိလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်လၢတၢ်လုၢ်လီၢ်တိၢ်ဘီအဖိ ခိၣ်န့ၣ်လီၤ. အဝဲအိၣ်ဒီးဆၣ်ဖိကီၢ်ဖိအဒုတကထိ လၢအဘၣ်တၢ်မၤသံအီၤဒီးဆူးကဲၤထီၣ်အီၤဒီတဒုခဲလၢာ်လၢတၢ် လုၢ်လီၢ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:21

ဘၣ်ဆၣ်ဒီးယပှၤတဖၣ်တမၤသံကွံာ်ဘၣ်သိဒီး ဂီၤဘုၣ်ဂီၤဖံးအဂ့ၤကတၢၢ်လၢအဖီၣ်န့ၢ်ဝဲတဖၣ်န့ၣ်ဘၣ်လီၤ. အခိၣ်တလိာ်, အဝဲသ့ၣ်ဟဲက့ၤစိာ်တၢ်တဖၣ်ဖဲအံၤန့ၣ်ဆူဝ့ၢ်ကံး လကၤလးလၢအကလုၢ်ထီၣ်တၢ်ဒ်တၢ်လုၢ်တၢ်ပာ်တမံၤဆူယွၤ, နကစၢ်ယွၤအအိၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:15

စီၤစီလူးစံးဆၢဝဲ, “ယပှၤတဖၣ်ဟံးန့ၢ်အီၤလၢပှၤဧမၤလ့း ဖိတဖၣ်အအိၣ်လီၤ. အဝဲသ့ၣ်ပာ်ဃးသိဒီးဂီၤဘုၣ်ဂီၤဖံးအဂ့ၤ ကတၢၢ်တဖၣ်ဒ်သိးကလုၢ်ထီၣ်အီၤဒ်တၢ်လုၢ်တၢ်ပာ်တမံၤဆူယွၤနကစၢ် ယွၤအအိၣ်ဒီးတၢ်အိၣ်လီၤတဲာ်အဂၤတဖၣ်န့ၣ်ပမၤဟးဂီၤတ့ၢ်ကွံာ် ခဲလၢာ်လီၤ.”

လံာ်တၢ်ဂံၢ် 31:50

လၢတၢ်န့ၣ်အဃိတၢ်ကယၢကယဲထူတဖၣ်, စုကွီၤတဖၣ်, ထံဖှံၣ်တဖၣ်, ပသံးတဖၣ်, နၢ်ဒံးတဖၣ်, ဒီးဖဲတဖၣ်လၢပဝဲ တဂၤဘၣ်တဂၤစုာ်စုာ်ပဟဲက့ၤစိာ်န့ၣ်ပလုၢ်ထီၣ်အီၤဆူယွၤအအိၣ် ဒ်ပသးသမူအပှ့ၤတဖၣ်အသိးဒ်သိးအဝဲကဒီဒၣ်အိၣ်ပှိၤပှၤအဂီၢ်န့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:10

အဝဲသ့ၣ်အိၣ်ဖှိၣ်ရိဖှိၣ်ဝဲလၢဝ့ၢ်ယရူၤၡလ့ၣ်အပူၤဖဲစီၤအၤ စါကဲစီၤပၤတဆံယဲၢ်နံၣ်တနံၣ်လါသၢလါတလါအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:12

ယွၤမၤနၢၤကွံာ်ပှၤကူၤၡးဖိအသုးမုၢ်, ဖဲစီၤအၤစါဒီးပှၤ ယူဒၤသုးမုၢ်ဟဲထီၣ်ဒုးအဝဲသ့ၣ်န့ၣ်လီၤ. အဝဲသ့ၣ်ထွးထီၣ်ဃ့ၢ်ကွံာ်ဝဲ,