လံာ်ကွဲးနီၣ်တၢ်ခံဘ့ၣ်တဘ့ၣ် 14:3 - Sgaw Karen Common Bible

³ အဝဲသုးကွံာ်ပှၤတခီဘီမုၢ်ဖိအတၢ်လုၢ်လီၢ်တဖၣ်ဒီးပှၤဘါတၢ် ဂီၤတၢ်ဖီၣ်အတၢ်ဘူၣ်ထီၣ်ဘါထီၣ်အလီၢ်တဖၣ်, မၤလီၤကလဲကွံာ်ပှၤဘါတၢ်ဂီၤတၢ်ဖီၣ်အလၢၢ်ထူၣ်စီၤဆှံတဖၣ်, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:3 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:14

စီၤပၤယိၤၡံယၤမၤကၢ်ကွံာ်လၢၢ်အထူၣ်တဖၣ်ဆူအက့အခီ, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်, ဒီးတၢ်လီၢ်လၢအဝဲသ့ၣ်အိၣ်ဆၢထၢၣ်ဝဲန့ၣ်အဝဲမၤဘၢကွံာ်ဒီး ပှၤကညီအဃံအကွဲသ့ၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:2

စီၤအၤစါမၤမုာ်တ့ၢ်ယွၤ, အကစၢ်ယွၤအသးခီဖျိမၤတၢ်လၢအဘၣ် ဒီးဂ့ၤဝဲအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:4

အဝဲဟ့ၣ်လီၤအကလုၢ်လၢကီၢ်ယူဒၤအပှၤဂီၢ်မုၢ်ကဘၣ်မၤဒ်ယွၤ, မိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်ဘၣ်အသး, ဒီးကဘၣ်စူၢ်အဝဲအတၢ်သိၣ်လိတဖၣ်ဒီးအတၢ်မၤလိာ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:17

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ကစၢ်ယွၤအတၢ်ဘူၣ် ထီၣ်ဘါထီၣ်အလီၢ်တဖၣ်လၢထံလီၢ်ကီၢ်ပူၤဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီတကတီၢ်ညါအပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:16

အဝဲဘှီကဒါက့ၤစ့ၢ်ကီးတၢ်လုၢ်လီၢ်ဖဲယွၤဘၣ်တၢ်ဘူၣ်ထီၣ်ဘါ ထီၣ်တ့ၢ်အီၤ, ဒီးအဝဲလုၢ်ထီၣ်ပာ်ထီၣ်တၢ်လုၢ်မၤဃူမၤဖိးတဖၣ်ဒီးတၢ်လုၢ် စံးထီၣ်ပတြၢၤတဖၣ်လၢအဖီခိၣ်န့ၣ်လီၤ. အဝဲဟ့ၣ်လီၤအကလုၢ်လၢကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ကဘူၣ် ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 34:13

အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.