လံာ်ကွဲးနီၣ်တၢ်ခံဘ့ၣ်တဘ့ၣ် 13:9 - Sgaw Karen Common Bible

⁹ သုဟီထီၣ်ကွံာ်တ့ၢ်ယွၤအပှၤလုၢ်တၢ်အခိၣ်တဖၣ်လၢအမ့ၢ်စီၤအၤ ဟရိၣ်အစၢၤအသွဲၣ်တဖၣ်, ဒီးသုဟီထီၣ်ကွံာ်တ့ၢ်ပှၤလ့ၤဝံ ဖိတဖၣ်န့ၣ်လီၤ. လၢအဝဲသ့ၣ်အလီၢ်န့ၣ်သုဃုထၢပာ်လီၤပှၤလုၢ် တၢ်အခိၣ်တဖၣ်ဒ်ပှၤကလုာ်ဂၤတဖၣ်မၤဝဲအသိးန့ၣ်လီၤ. ပှၤတဂၤလၢ်လၢ်လၢအဟဲစိာ်ဂီၤဖံးဖါတဒုမ့ၢ်ဂ့ၤ, သိနွံဒုမ့ၢ်ဂ့ၤန့ၣ်, ပာ်စီဆှံထီၣ်အသး, ဒ်ပှၤလုၢ်တၢ်အခိၣ်တဂၤသ့ဝဲလၢတၢ်တဖၣ်လၢသုကိးအီၤလၢသုကစၢ် တဖၣ်, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:9 Iomraidhean Croise

လံာ်စီၤပၤအခီၣ်ထံးတဘ့ၣ် 13:33

ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ် အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ် လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:18

ဒီးဒွဲၣ်အူကွံာ်အဝဲသ့ၣ်အကစၢ်တဖၣ်, လၢအတမ့ၢ်ဘၣ်ကစၢ်လ့ၤတ က့ၤ, မ့ၢ်ဒၣ်ထဲတၢ်ဂီၤတၢ်ဖီၣ်တဖၣ်လၢပှၤကညီမၤအီၤလၢသ့ၣ်ဒီးလၢၢ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:5

လၢကယဲၢ်တၢ်တမံၤလၢ်လၢ်လၢပှၤပိာ်တၢ်ဖိတဖၣ်ကမၤဝဲဒၣ်အဂီၢ်န့ၣ် လီၤ. ခဲအံၤမ့ၢ်မတၤတဂၤကအိၣ်ဒံးဝဲလၢအသးအိၣ်ဟ့ၣ်လီၤတၢ်သးအ့ၣ် တဲာ်အါအါဂီၢ်ဂီၢ်အတၢ်ဟ့ၣ်တမံၤဆူယွၤန့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 13:10

မ့မ့ၢ်, ပဝဲပမၤဒံးယွၤ, ပကစၢ်ယွၤအတၢ်မၤဒီးတလဲၤသဒၣ်ဘၣ်အီၤ ဘၣ်. ပှၤလုၢ်တၢ်အခိၣ်တဖၣ်လၢအဟဲလီၤစၢၤလၢစီၤအၤဟရိၣ်, မၤဝဲအတၢ်မူအဒါတဖၣ်, ဒီးပှၤလ့ၤဝံဖိတဖၣ်မၤစၢၤအဝဲသ့ၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 29:1

အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:29

စီၤအၤဟရိၣ်အပှၤလုၢ်တၢ်အခိၣ်အကူအသိးတဖၣ်န့ၣ်ကဘၣ်တၢ်ဟ့ၣ်လီၤ အီၤတဆီဘၣ်တဆီဆူအဖိခွါတဖၣ်အအိၣ်ဖဲ အဝဲသံအလီၢ်ခံလၢအဝဲသ့ၣ်ကသိးထီၣ်ဝဲဖဲအဘၣ်တၢ်ဖှူအီၤအခါန့ၣ်လီၤ.

လံာ်တၢ်ဟးထီၣ်ကွံာ် 29:35

မၤတၢ်ဖှူတၢ်အလုၢ်အလၢ်လၢစီၤအၤဟရိၣ်ဒီးအဖိခွါတဖၣ်အဂီၢ်နွံ သီလီၤတံၢ်လီၤဆဲးဒ်ယမၤလိာ်တ့ၢ်နၤအသိးတက့ၢ်.

လံာ်တၢ်ဟးထီၣ်ကွံာ် 32:29

ဒီးစီၤမိၤၡ့စံးဘၣ်ပှၤလ့ၤဝံဖိတဖၣ်, “တနံၤအံၤသုပာ် စီဆှံသုသးဒ်ပှၤလုၢ်တၢ်အခိၣ်တဖၣ်အသိးလၢယွၤအတၢ်မၤအပူၤခီဖျိ တၢ်မၤသံကွံာ်သုဖိခွါတဖၣ်ဒီးသုဒီပုၢ်ဝဲၢ်ခွါတဖၣ်လီၤ. မၤသးဒ်န့ၣ်ဒီးယွၤဟ့ၣ်လီၤသုလၢအတၢ်ဆိၣ်ဂ့ၤန့ၣ်လီၤ.”

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:32

ပှၤလုၢ်တၢ်အခိၣ်လၢအဘၣ်တၢ်ဖှူအီၤဒီးပာ်စီဆှံအီၤလၢကဟံးထီၣ်မူဒါလၢအပၢ်အလီၢ်န့ၣ်, ကဘၣ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီထီၣ်တၢ်န့ၣ်လီၤ. ကဘၣ်ကူထီၣ်သိးထီၣ်ဝဲပှၤလုၢ်တၢ်အခိၣ်အကူအသိးတဖၣ်,

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်သိၣ်လီၤသီလီၤတၢ် 32:17

အဝဲသ့ၣ်လုၢ်ထီၣ်ပာ်ထီၣ်တၢ်ဆူကစၢ်တဖၣ်လၢတမ့ၢ်တတီဘၣ်, ကစၢ်အသီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်တသ့ၣ်ညါတ့ၢ်ဝဲ, ကစၢ်တဖၣ်လၢကီၢ်အံၣ်စရ့လးတစူၢ်တ့ၢ်ဘၣ်အီၤနီတစုန့ၣ်လီၤ.