လံာ်ကွဲးနီၣ်တၢ်ခံဘ့ၣ်တဘ့ၣ် 13:8 - Sgaw Karen Common Bible

⁸ ခဲကနံၣ်အံၤ, သုကူၣ်ထီၣ်လၢသုကဒုးတၢ်ထီဒါစီၤပၤအတၢ်စိ တၢ်ကမီၤ, လၢယွၤဟ့ၣ်တ့ၢ်စီၤဒၤဝံးအစၢၤအသွဲၣ်တဖၣ်န့ၣ်လီၤ. သုအိၣ်ဒီးသုသုးမုၢ်ဖးဒိၣ်တဖုဒီးသုအိၣ်ဒီးဂီၤဖံးဖါ ထူအဂီၤတဖၣ်လၢစီၤယၤရၤဘၣ်တ့န့ၢ်တ့ၢ်သုဒ်သိးကမ့ၢ်သုကစၢ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:8 Iomraidhean Croise

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 12:29

အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

စံးထီၣ်ပတြၢၤ 33:16

စီၤပၤတဘၣ်တၢ်မၤပူၤဖျဲးအီၤလၢ အသုးမုၢ်ဂီၢ်မုၢ်ဖးဒိၣ်အဃိဘၣ်. ပှၤသုးဖိတဘၣ်တၢ်မၤပူၤဖျဲးအီၤလၢ အဂံၢ်ဆူၣ်ဘါဆူၣ်အဃိဘၣ်.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”