လံာ်ကွဲးနီၣ်တၢ်ခံဘ့ၣ်တဘ့ၣ် 13:7 - Sgaw Karen Common Bible

⁷ လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 13:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:16

တုၤပှၤဂီၢ်မုၢ်ထံၣ်တ့ၢ်လၢစီၤပၤတဒိကနၣ်အဝဲသ့ၣ်ဘၣ်ဒီး, အဝဲသ့ၣ်ကိးထီၣ်ဝဲ, “ထုးလီၤကွံာ်, စီၤဒၤဝံးဒီးအဟံၣ်ဖိ ဃီဖိလၢစီၤပၤအလီၢ်န့ၣ်တက့ၢ်. အဝဲသ့ၣ်မၤတ့ၢ်တၢ်လၢပဂီၢ်မနုၤ လဲၣ်. အံၣ်စရ့လးအပှၤသ့ၣ်ဧၢ, မ်ပက့ၤဆူဟံၣ်န့ၣ်တက့ၢ်. မ်စီၤရဃၤဘၣ်ကွၢ်လီၤက့ၤဒၣ်အသးဒၣ်ဝဲန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 12:13

စီၤရဃၤဘၣ်ပၢတ့ၢ်တၢ်လၢဝ့ၢ်ယရူၤရှလ့ၣ်အပူၤဒီးမၤဆူၣ်ထီၣ် အစိကမီၤဒ်စီၤပၤအသိးန့ၣ်လီၤ. ဖဲအဝဲကဲထီၣ်စီၤပၤန့ၣ်အသးအိၣ်ဝဲလွံၢ်ဆံတနံၣ်, ဒီးပၢတၢ်တဆံနွံနံၣ်လၢဝ့ၢ်ယရူၤရှလ့ၣ်, ဝ့ၢ်လၢယွၤဃုထၢတ့ၢ်ဝဲလၢကယဲၢ်အံၣ်စရ့လးအလီၢ်ကဝီၤအပူၤဒ် တၢ်လီၢ်တတီၤလၢအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်န့ၣ်လီၤ. စီၤရဃၤဘၣ်အမိၢ်န့ၣ်မ့ၢ်နီၢ်နၤဧမၤ, ပှၤလၢကီၢ်ဧၣ်မိၣ်န့ၣ်လီၤ.

လံာ်စီၤယိၤဘး 30:8

အဝဲသ့ၣ်မ့ၢ်ပှၤဟးဂီၤဖိအဖိ, ပှၤလၢအမံၤတအိၣ်ဘၣ်အဖိဒီး မ့ၢ်ပှၤလၢအဘၣ်တၢ်ဟီထီၣ်ကွံာ်အီၤလၢကီၢ်ပူၤန့ၣ်လီၤ.

စံးထီၣ်ပတြၢၤ 26:4

ယတဆ့ၣ်နီၤဒီးပှၤလီတၢ်ဘၣ်, ယတမၤဘၣ်ထွဲယသးဒီး ပှၤပာ်မၤအသးသ့ၣ်တဖၣ်န့ၣ်ဘၣ်.

တၢ်ကတိၤဒိ. 12:11

ပှၤထူစံာ်ဖိလၢအမၤတၢ်ဆူၣ်ဆူၣ်တဂၤအိၣ်ဒီးတၢ်အီၣ်တၢ်အီ လၢလၢပှဲၤပှဲၤလီၤ. မ့မ့ၢ်တၢ်မၤလၢာ်တၢ်ဆၢကတီၢ်လၢတၢ်မၤတဂီာ် တသီၣ်တဖၣ်အဂီၢ်န့ၣ်မ့ၢ်တၢ်သူၣ်တထံသးတဆးန့ၣ်လီၤ.

တၢ်ကတိၤဒိ. 28:19

ပှၤထူစံာ်ဖိလၢအမၤတၢ်ဆူၣ်တဂၤန့ၣ်, အိၣ်ဒီးတၢ်အါအါကလဲာ်လၢတၢ်အီၣ်အဂီၢ်လီၤ. မ့မ့ၢ်, ပှၤလၢအမၤလၢာ်ကလီတၢ်ဆၢကတီၢ်တဖၣ်န့ၣ်, ကဖှီၣ်ဝဲယာ်ဝဲထီဘိလီၤ.

လံာ်ပှၤစံၣ်တဲၤတဲလီၤတၢ် 10:16

ထံကီၢ်တဘ့ၣ်အိၣ်လၢတၢ်ကိၢ်တၢ်ဂီၤအပူၤဖဲစီၤပၤမ့ၢ်ပှၤသးစၢ် တဂၤဒီးအခိၣ်အနၢ်တဖၣ်အီၣ်တၢ်အီတၢ်တဲာ်နၤန့ၣ်လီၤ.

လံာ်ယၡါယၤ 3:4

ယွၤကပျဲပိာ်ခွါဖိသၣ်လၢတဒိၣ်တုာ်ခိၣ်ပှဲၤ တဖၣ်ကပၢပှၤဂီၢ်မုၢ်န့ၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

လံာ်သိၣ်လီၤသီလီၤတၢ် 13:13

ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

ဧ့ၤဘြံၤ 5:12

နီၢ်နီၢ်တခီ, တုၤလၢဆၢကတီၢ်ခဲအံၤန့ၣ်သုဂ့ၤကဲထီၣ်တ့ၢ်လံ သရၣ်တဖၣ်လံ. မ့ၢ်နာ်သက့ဒ်န့ၣ်ဒီး သုလိၣ်ဘၣ်ဒံးပှၤလၢအကသိၣ်လိသုလၢကစၢ်ယွၤ အကလုၢ်ကထါကစၢ်အခီၣ်ထံးခီၣ်ဘိကဒီးန့ၣ်လီၤ. လၢသုဘၣ်အီၣ်တၢ်အသံးအကာ်အလီၢ်န့ၣ်သုဘၣ်အီ ဒံးဒၣ်တၢ်နုၢ်ထံလီၤ.

လံာ်ပှၤစံၣ်ညီၣ်ကွီၢ် 11:3

ဒီးစီၤယံးဖသးဟးထီၣ်ကွံာ်လၢအဒီပုၢ်ဝဲၢ်တဖၣ်အအိၣ်ဒီးလဲၤ အိၣ်ဝဲလၢကီၢ်တိာ်အပူၤလီၤ. ဖဲန့ၣ်ပှၤကလီကလီဖိတဖၣ်ဟဲအိၣ်ဖှိၣ် ရိဖှိၣ်လၢအအိၣ်ဒီးအဝဲသ့ၣ်လဲၤသကိးတၢ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:4

ဒီးအဝဲသ့ၣ်ဟ့ၣ်လီၤစီၤအဘံၤမ့လ့းလၢစ့နီၢ်အဘ့ၣ်နွံဆံလၢ အအိၣ်ဝဲလၢတၢ်အၢၣ်လီၤအီလီၤ အဘဧၤလးအတၢ်လုၢ်ဟံၣ်အပူၤန့ၣ် လီၤ. ဒီးအဝဲဒိးလဲန့ၢ်ပှၤအၢပှၤသီတဖၣ်လၢတိၢ်စ့အဝဲန့ၣ်ဒ်သိးကပိာ်အခံအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.