လံာ်ကွဲးနီၣ်တၢ်ခံဘ့ၣ်တဘ့ၣ် 13:5 - Sgaw Karen Common Bible

⁵ မ့ၢ်သုတသ့ၣ်ညါလၢယွၤ, အံၣ်စရ့လးအကစၢ်ယွၤ, မၤတ့ၢ်တၢ်အၢၣ်လီၤအီလီၤလၢတၢ်မၤဟးဂီၤအီၤတန့ၢ်ဘၣ်တမံၤဒီးစီၤဒၤဝံး, ဒီးဟ့ၣ်လီၤအီၤဒီးအစၢၤအသွဲၣ်တဖၣ်လၢစီၤပၤအလီၢ်အလၤ, လၢအံၣ်စရ့လးအဖီခိၣ်လီၤစိၤလီၤထီန့ၣ်ဘၣ်ဧါ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:13

စီၤယိၤအာ်ဒီးအပှၤတဖၣ်လဲၤထီၣ်ဆူညါလၢကဒုးတၢ်အဂီၢ်ဒီးပှၤ စူၤရံဖိတဖၣ်ထွးထီၣ်ဃ့ၢ်ကွံာ်ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 8:20

ဒီးခဲကနံၣ်အံၤယွၤဟံးဃာ်ဂၢၢ်ကျၢၤအတၢ်အၢၣ်လီၤန့ၣ်လံ. ယကဲထီၣ်လံအံၣ်စရ့လးအစီၤပၤလၢယပၢ်အလီၢ်ဒီးယသူၣ်ထီၣ်ဘၣ်လံ ယွၤအတၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:11

တုၤအသံဒီးဘၣ်တၢ်ခူၣ်လီၤကွံာ်အီၤဃုာ်ဒီးအမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်အဖိခွါအကျါတဂၤလၢစီၤပၤဒီးဒုးအိၣ်ဂၢၢ်ဆိး ကျၢၤအဘီအမုၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:14

ယကပာ်အီၤလၢယပှၤဂီၢ်မုၢ်ဒီးယဘီယမုၢ်အခိၣ်လီၤစိၤလီၤထီ န့ၣ်လီၤ. အဝဲအလီၢ်ပစိာ်အကတၢၢ်တအိၣ်နီတဘျီဘၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:16

ခဲကနံၣ်အံၤယွၤ, အံၣ်စရ့လးအကစၢ်ယွၤဧၢ, ဟံးဃာ်ဂၢၢ်ကျၢၤတၢ်အၢၣ်လီၤအီလီၤအဂၤတမံၤလၢနမၤတ့ၢ်ဒီးယ ပၢ်, ဖဲနတဲဘၣ်တ့ၢ်အီၤလၢ, ထီဘိအဝဲအစၢၤအသွဲၣ်တဖၣ်အကျါတဂၤကအိၣ် ဝဲလၢကပၢတၢ်ဒ်အံၣ်စရ့လးအစီၤပၤ, ဖဲအဝဲသ့ၣ်မ့ၢ်စူၢ်နတၢ်သိၣ်တၢ်သီလၢနဟ့ၣ်လီၤပှၤယူဒၤဖိ လီၤတံၢ်လီၤဆဲးဒ်နမၤတ့ၢ်ဝဲအသိးန့ၣ်တက့ၢ်.

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

တၢ်ကတိၤဒိ. 1:29

သုတလိၣ်ဘၣ်တ့ၢ်တၢ်သ့ၣ်ညါလၢသုကသူအီၤဘၣ်, ဒီးတၢ်စူၢ်ယွၤန့ၣ်သုဂ့ၢ်လိာ်တ့ၢ်တဘိယူၢ်ဃီလီၤ.

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယဃ့းစက့လး 43:24

ဒီးဟဲစိာ်အီၤဆူယအိၣ်တက့ၢ်. ပှၤလုၢ်တၢ်အခိၣ်တဖၣ်ကဖှံလီၤ အံသၣ်လၢအဝဲသ့ၣ်အဖီခိၣ်ဒီးဆိၣ်ကဲၤထီၣ်အီၤဒ်တၢ်လုၢ်တၢ်ပာ် တမံၤအသိးဆူယအိၣ်န့ၣ်လီၤ.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:13

ဒီးတၢ်လုၢ်မၤဘူၣ်ခဲလၢာ်န့ၣ်ကဘၣ်ပာ်ဃုာ်ဒီးအံသၣ်န့ၣ်လီၤ. အဂ့ၢ်ဒ်အံၤ, အံသၣ်မ့ၢ်တၢ်အၢၣ်လီၤအီလီၤလၢယွၤမၤဒီးသုအဃိန့ၣ်လီၤ. တၢ်လုၢ်မၤဘူၣ်ခဲလၢာ်ကဘၣ်ပၣ်ဃုာ်ဒီးအံသၣ်န့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

၂ ပ့းတရူး 3:5

အဝဲသ့ၣ်ပာ်သးပ့ၤနီၣ်စဲဃဲၤဒၣ်အသးလၢတၢ်မ့ၢ်တၢ်တီ တမံၤလၢအမ့ၢ်ဝဲလၢထံးလၢသီလံၤလံၤကစၢ်ယွၤခါလီၤ အကလုၢ်ဒီးမူခိၣ်ဒီးဟီၣ်ခိၣ်ကဲထီၣ်ဝဲန့ၣ်လီၤ. ဟီၣ်ခိၣ်ဟဲကဲထီၣ်လၢထံကျါဒီးခီဖျိထံအံၤ,

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:12

မၤသးဒ်န့ၣ်ဒီး, စီၤယံးၡဲမၢပှၤလဲၤကိးအီၤလီၤ. အဝဲမ့ၢ်ပှၤဒိၣ်တၢ်ဂ့ၤ, ပှၤသးစၢ်လၢအအိၣ်ဆူၣ်အိၣ်ချ့ ဒီးအမဲာ်ချံတဖၣ်ကပြုၢ်ကပြီၤဝဲလီၤ. ယွၤစံးဘၣ်စီၤၡမူၤအ့လး, “အဝဲအံၤမ့ၢ်ပှၤတဂၤန့ၣ်လီၤ. ဖှူအီၤတက့ၢ်.”