လံာ်ကွဲးနီၣ်တၢ်ခံဘ့ၣ်တဘ့ၣ် 13:16 - Sgaw Karen Common Bible

¹⁶ ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်လၢပှၤယူဒၤဖိတဖၣ် အအိၣ်ဒီးကစၢ်ယွၤပျဲပှၤယူဒၤဖိတဖၣ်မၤနၢၤအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:16 Iomraidhean Croise

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:8

ပှၤကူၤၡးဖိဒီးပှၤလူဘးဖိတဖၣ်အိၣ်ဒီးအသုးမုၢ်ဖးဒိၣ်တဖၣ် ဃုာ်ဒီးလ့ၣ်ကဟၣ်သုးဒီးပှၤဒိးကသ့ၣ်သုးဖိအါအါဂီၢ်ဂီၢ် တမ့ၢ်ဘၣ်ဧါ. ဘၣ်ဆၣ်မ့ၢ်လၢနသန့ၤနသးလၢယွၤအဃိ, အဝဲဟ့ၣ်နၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်သိၣ်လီၤသီလီၤတၢ် 3:3

မၤသးဒ်န့ၣ်ဒီး, ယွၤဟ့ၣ်လီၤကွံာ်စ့ၢ်ကီးစီၤပၤစီၤဧိာ်ဒီး အပှၤဂီၢ်မုၢ်ဆူပစုပူၤဒီးပကျီသံကွံာ်အီၤခဲလၢာ်လီၤ.

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 1:4

ဒီးယွၤဟ့ၣ်လီၤကွံာ်ပှၤကနၤဧၣ်ဒီးပှၤပရးစၤဖိတဖၣ်လၢအဝဲ သ့ၣ်အစုပူၤဒီးအဝဲသ့ၣ်တဖၣ်မၤနၢၤမၤဃၣ်ကွံာ်ပှၤအဂၤတကလးဖဲ ဝ့ၢ်ဘ့စ့းအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:21

ဘၣ်ဆၣ်ဒီးယွၤ, အံၣ်စရ့လးအကစၢ်, ဟ့ၣ်ပှၤအံၣ်စရ့လးဖိတဖၣ်လၢတၢ်မၤနၢၤစီၤစံဃိၣ်ဒီးအသုးမုၢ်န့ၣ်လီၤ. လၢတၢ်န့ၣ်အဃိ ပှၤအံၣ်စရ့လးဖိတဖၣ်ဟံးန့ၢ် ကယဲၢ်ပှၤအမိၢ်ဖိအိၣ်လၢထံကီၢ်န့ၣ်အပူၤအလီၢ်အကျဲခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:7

စီၤစီလူးဘၣ်တၢ်တဲဘၣ်အီၤလၢစီၤဒၤဝံးလဲၤလံဝဲဆူဝ့ၢ်ကံ လၤဒီးအဝဲဒၣ်စံး, “ကစၢ်ယွၤပာ်လီၤအီၤလၢယစိကမီၤအဖီလာ်လံ. စီၤဒၤဝံးပာ်လီၤထုလၢအဂီၢ်ဒၣ်ဝဲခီဖျိအတၢ်လဲၤနုာ်လီၤဆူ ဝ့ၢ်တဝ့ၢ်လၢအအိၣ်ဒီးအခိၣ်ဒူဃုာ်ဒီးတြဲၤအဂၢၢ်အကျၢၤတဖၣ်အဃိ န့ၣ်လီၤ.”