လံာ်ကွဲးနီၣ်တၢ်ခံဘ့ၣ်တဘ့ၣ် 13:11 - Sgaw Karen Common Bible

¹¹ ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:11 Iomraidhean Croise

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:10

မ့မ့ၢ်, ပဝဲပမၤဒံးယွၤ, ပကစၢ်ယွၤအတၢ်မၤဒီးတလဲၤသဒၣ်ဘၣ်အီၤ ဘၣ်. ပှၤလုၢ်တၢ်အခိၣ်တဖၣ်လၢအဟဲလီၤစၢၤလၢစီၤအၤဟရိၣ်, မၤဝဲအတၢ်မူအဒါတဖၣ်, ဒီးပှၤလ့ၤဝံဖိတဖၣ်မၤစၢၤအဝဲသ့ၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

လံာ်တၢ်ဟးထီၣ်ကွံာ် 29:38

လုၢ်ထီၣ်ပာ်ထီၣ်သိဖိတနံၣ်ဖိခံဒုလၢတၢ်လုၢ်လီၢ်အဖီခိၣ်ကိး မုၢ်နံၤဒဲးတဘိယူၢ်ဃီလၢဆၢကတီၢ်လၢအကဟဲန့ၣ်တက့ၢ်.

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်ယဃ့းစက့လး 44:8

အဝဲသ့ၣ်တဟံးန့ၢ်ဘၣ်မူဒါလၢတၢ်ဘူၣ်တၢ်ဘါအလုၢ်အလၢ်စီဆှံ တဖၣ်လၢယတၢ်လုၢ်ဟံၣ်ပူၤအဂီၢ်ဘၣ်. အခိၣ်တလိာ်အဝဲသ့ၣ် ပာ်လီၤမူဒါလၢပှၤတခီဘီမုၢ်ဖိတဖၣ်အစုပူၤန့ၣ်လီၤ.

လံာ်ယဃ့းစက့လး 48:11

တၢ်လီၢ်ကဝီၤစီဆှံအံၤန့ၣ်ကဘၣ်မ့ၢ်ဝဲဒၣ်ပှၤလုၢ်တၢ်အခိၣ်တဖၣ် လၢအလီၤစၢၤလီၤသွဲၣ်လၢစီၤစၤဒိးအဂီၢ်န့ၣ်လီၤ. အဝဲသ့ၣ် တဖၣ်မၤတ့ၢ်ယတၢ်မၤလၢတၢ်သူၣ်တီသးတီအပူၤဒီးတမၤဃုာ် သကိးတၢ်ကမၣ်ဒီးပှၤအံၣ်စရ့လးဖိအဂၤတဖၣ်ဒ်ပှၤအဂၤတဖၣ် လၢလ့ၤဝံအဒူၣ်အပူၤမၤတ့ၢ်ဝဲအသိးန့ၣ်ဘၣ်.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 16:46

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်နသပၢၤမ့ၣ်အူ, ဒၢနုာ်မ့ၣ်အူအ့ၣ်တဖၣ်လၢနမၤန့ၢ်လၢတၢ်လုၢ်လီၢ်န့ၣ် အပူၤဒီးပာ်ထီၣ်တၢ်နၢမူတနီၤလၢအဖီခိၣ်တက့ၢ်. အန့ၣ်ဝံၤဒီးလဲၤစိာ်အီၤချ့ချ့ဆူပှၤဂီၢ်မုၢ်အအိၣ်ဒီးမၤ တၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢအဝဲသ့ၣ်အဂီၢ်တက့ၢ်. မၤချ့ချ့တက့ၢ်. ယွၤအတၢ်သးဒိၣ်ဖျိးထီၣ်ဝဲလံဒီးတၢ်သံ သတြိာ်တမံၤစးထီၣ်မၤအသးလံ.”

လံာ်တၢ်ဂံၢ် 16:6

ခဲမုၢ်ဆ့ၣ်ဂီၤခီန့ၣ်နၤဒီးပှၤလၢအပိာ်နခံတဖၣ်ဟံးန့ၢ်သပၢၤ မ့ၣ်အူတဖၣ်

လံာ်တၢ်ဂံၢ် 9:19

ဖဲတၢ်အၢၣ်အိၣ်ဒံးလၢဒဲစီဆှံအဖီခိၣ်ဖးယံာ်န့ၣ်, အဝဲသ့ၣ်စူၢ်ယွၤအကလုၢ်ဒီးတသုးဘၣ်အသးဆူညါဘၣ်.

လံာ်လူၤကၣ် 1:9

ဒ်ပှၤလုၢ်တၢ်အခိၣ်တဖၣ်အလုၢ်အလၢ်အိၣ်ဝဲအသိးန့ၣ်, အဝဲဒၣ်ဘၣ်တၢ်ဃုထၢထီၣ်အီၤခီဖျိတၢ်ဖီၣ်တၢ်ဖးလၢ အကဆိၣ်ကဲၤတၢ်နၢမူလၢတၢ်လုၢ်လီၢ်အဖီခိၣ်လီၤ. လၢတၢ်န့ၣ်အဃိ အဝဲဒၣ်လဲၤနုာ်ဆူကစၢ်ယွၤအတၢ်လုၢ်ဟံၣ် အပူၤ