လံာ်ကွဲးနီၣ်တၢ်ခံဘ့ၣ်တဘ့ၣ် 12:3 - Sgaw Karen Common Bible

³ ဒီးသုးမုၢ်တဖုလၢအအိၣ်ဝဲဒီးလ့ၣ်ကဟၣ်အဆိ တကထိခံကယၤ, ပှၤဒိးကသ့ၣ်သုးဖိ ဃုကလး ဂၤ, ဒီးသုးဖိအါအါဂီၢ်ဂီၢ်လၢတၢ်ဂံၢ်အီၤတသ့ဘၣ်, လၢအကျါအိၣ်ဃုာ်ဝဲဒီးပှၤလူဘးဖိ, ပှၤစူၤကံၤဖိဒီးပှၤကူၤၡးအသုးဖိတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:12

ယွၤမၤနၢၤကွံာ်ပှၤကူၤၡးဖိအသုးမုၢ်, ဖဲစီၤအၤစါဒီးပှၤ ယူဒၤသုးမုၢ်ဟဲထီၣ်ဒုးအဝဲသ့ၣ်န့ၣ်လီၤ. အဝဲသ့ၣ်ထွးထီၣ်ဃ့ၢ်ကွံာ်ဝဲ,

လံာ်ကွဲးနီၣ်တၢ်ခံဘ့ၣ်တဘ့ၣ် 14:8

စီၤပၤအၤစါအိၣ်ဒီးသုးမုၢ်တဖုလၢအပှၤသုးဖိအိၣ်ဝဲ သၢကလီၢ် ဂၤလၢယူဒၤအဒူၣ်, အိၣ်ကံာ်တူာ်ထီၣ်အသးဒီးကတီၤဒီး ဘီတဖၣ်ဒီး, ပှၤ ခံကလီၢ်ဃိးကလးဂၤလၢဘံၣ်ယၤမံၣ်အဒူၣ်, အိၣ်ကံာ်တူာ်အသးဒီးကတီၤဒီးချံၣ်တဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤဒူပှၤဃိၤဒီးဘၣ်တၢ်သိၣ်လိတ့ၢ်အီၤဂ့ၤ ဂ့ၤဘၣ်ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:9

ပှၤကူၤၡးဖိလၢအမံၤမ့ၢ်စီၤစ့ရၤဟဲနုာ်လီၤဒုးကီၢ်ယူဒၤ လၢသုးမုၢ်တဖုလၢအပှၤသုးဖိအိၣ်ဝဲ အကလီၢ်တကယၤ ဂၤဒီးအလ့ၣ်ကဟၣ်ဒုးသုးအိၣ်ဝဲအဆိ သၢကယၤ ဒီးလဲၤထီၣ်ဝဲယံၤတုၤဆူဝ့ၢ်မရ့ၡၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:8

ပှၤကူၤၡးဖိဒီးပှၤလူဘးဖိတဖၣ်အိၣ်ဒီးအသုးမုၢ်ဖးဒိၣ်တဖၣ် ဃုာ်ဒီးလ့ၣ်ကဟၣ်သုးဒီးပှၤဒိးကသ့ၣ်သုးဖိအါအါဂီၢ်ဂီၢ် တမ့ၢ်ဘၣ်ဧါ. ဘၣ်ဆၣ်မ့ၢ်လၢနသန့ၤနသးလၢယွၤအဃိ, အဝဲဟ့ၣ်နၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယဃ့းစက့လး 30:5

တၢ်ဒုးအဝဲန့ၣ် ကမၤသံကွံာ်စ့ၢ်ကီးသုးဖိတဖၣ် လၢအဘၣ်တၢ်ဒိးလဲအီၤလၢ ကီၢ်ကူၤၡး, ကီၢ်လံးဘယၣ်, ကီၢ်အရ့ဘယၣ်, ကီၢ်လူၤဒံ, ကီၢ်ကူာ်ဒီးလၢယပှၤဂီၢ်မုၢ်ဒၣ်ယဲအကျါဒၣ်လဲာ်န့ၣ်လီၤ.”

လံာ်ဒၤနံးယ့လး 11:43

ကစိာ်ကွံာ်ဝဲကီၢ်အဲၤကူပတူးအတၢ်ထူးတၢ်တီၤတဖၣ်, ထူ, စ့ဒီးတၢ်လုၢ်ဒိၣ်ပှ့ၤဒိၣ်ခဲလၢာ်လၢတၢ်ခူသူၣ်အလီၢ်အပူၤန့ၣ်လီၤ. ဒီးကမၤနၢၤပှၤလံးဘယၣ်ဖိအကီၢ်ဒီးပှၤကူၤၡးဖိအကီၢ် န့ၣ်လီၤ.

လံာ်နၤဃူၣ် 3:9

ကီၢ်ကူၤၡးဒီးကီၢ်အဲၤကူပတူးမ့ၢ်အဂံၢ်အဘါဒီး အတၢ်စိတၢ်ကမီၤန့ၣ်အကတၢၢ်ကတာ်တအိၣ်ဘၣ်. ပှၤပူၤတၤဖိဒီးပှၤလံးဘယၣ်ဖိမ့ၢ်အသိၣ်အမှံၤတဖၣ်လီၤ.

လံာ်လီၣ်ဖျါ 9:16

ယဘၣ်တၢ်စံးဘၣ်တဲဘၣ်ယၤလၢကသ့ၣ်သုးဖိအနီၣ်ဂံၢ်လီၤ. အဝဲန့ၣ်မ့ၢ်အကကွဲၢ်ခံကယၤလီၤ.

လံာ်ပှၤစံၣ်ညီၣ်ကွီၢ် 4:13

အဝဲကိးဖှိၣ်အလ့ၣ်ကဟၣ်ဒုးသုးထးအဆိခွံကယၤဒီးအပှၤတဖၣ်ခဲလၢာ်ဒီး ဆှၢအီၤစးထီၣ်လၢပှၤကလုာ်ဂၤတဖၣ်အဝ့ၢ်ဃရိၡ့းတုၤဆူ ထံကျိကံၡိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.