လံာ်ကွဲးနီၣ်တၢ်ခံဘ့ၣ်တဘ့ၣ် 12:2 - Sgaw Karen Common Bible

² လၢစီၤရဃၤဘၣ်ပၢတၢ်ယဲၢ်နံၣ်တနံၣ်အပူၤန့ၣ်, အဝဲသ့ၣ်အတၢ်သးတတီဒီးယွၤဘၣ်တၢ်စံၣ်ညီၣ်အီၤန့ၣ်လီၤ. ကီၢ်အဲၤကူပတူးအစီၤပၤၡံၡးဟဲဒုးဝ့ၢ်ယရူၤရှလ့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 12:2 Iomraidhean Croise

လံာ်စီၤပၤအခီၣ်ထံးတဘ့ၣ် 11:40

ဒီးလၢတၢ်န့ၣ်အဃိ, စီၤၡလိၤမိၤဂုာ်ကျဲးစၢးမၤသံစီၤယၤ ရၤဘၣ်န့ၣ်လီၤ. ဘၣ်ဆၣ်အဝဲဃ့ၢ်ပူၤဖျဲးကွံာ်အသးဆူကီၢ်အဲၤကူပတူးအစီၤပၤ စီၤၡံၡးအအိၣ်, ဒီးအိၣ်ဝဲဆိးဝဲဖဲန့ၣ်, တုၤလီၤလၢစီၤၡလိၤမိၤသံဝဲတစုန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:8

စီၤပၤအၤစါအိၣ်ဒီးသုးမုၢ်တဖုလၢအပှၤသုးဖိအိၣ်ဝဲ သၢကလီၢ် ဂၤလၢယူဒၤအဒူၣ်, အိၣ်ကံာ်တူာ်ထီၣ်အသးဒီးကတီၤဒီး ဘီတဖၣ်ဒီး, ပှၤ ခံကလီၢ်ဃိးကလးဂၤလၢဘံၣ်ယၤမံၣ်အဒူၣ်, အိၣ်ကံာ်တူာ်အသးဒီးကတီၤဒီးချံၣ်တဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤဒူပှၤဃိၤဒီးဘၣ်တၢ်သိၣ်လိတ့ၢ်အီၤဂ့ၤ ဂ့ၤဘၣ်ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:9

ပှၤကူၤၡးဖိလၢအမံၤမ့ၢ်စီၤစ့ရၤဟဲနုာ်လီၤဒုးကီၢ်ယူဒၤ လၢသုးမုၢ်တဖုလၢအပှၤသုးဖိအိၣ်ဝဲ အကလီၢ်တကယၤ ဂၤဒီးအလ့ၣ်ကဟၣ်ဒုးသုးအိၣ်ဝဲအဆိ သၢကယၤ ဒီးလဲၤထီၣ်ဝဲယံၤတုၤဆူဝ့ၢ်မရ့ၡၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:18

လၢတၢ်န့ၣ်အဃိပှၤဂီၢ်မုၢ်ဆိကတီၢ်ကွံာ်အတၢ်ဘူၣ်တၢ်ဘါတၢ်လၢ ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်အပူၤ, ဒီးစးထီၣ်ဘူၣ်ထီၣ်ဘါထီၣ်ဝဲတၢ်ဂီၤတၢ်ဖီၣ်တဖၣ်, ဒီးကစၢ်မုၣ်အၡ့ရၤအဂီၤတဖၣ်န့ၣ်လီၤ. အဝဲသ့ၣ်အတၢ်မၤကမၣ်လၢတၢ်ဒဲးဘးတဖၣ်အံၤအဃိန့ၣ်, ဟဲစိာ်ဃီၤယွၤအတၢ်သးထီၣ်လၢကီၢ်ယူဒၤဒီးဝ့ၢ်ယရူၤရှလ့ၣ်အဖီ ခိၣ်န့ၣ်လီၤ.

လံာ်ယၡါယၤ 18:2

လၢထံကီၢ်ဝဲန့ၣ်တခီ, ထံကီၢ်အခၢၣ်စးမီၣ်သီတဖၣ်ဟဲလီၤဝဲ လၢထံကျိနံလၤလၢချံဆှဲတဖၣ်အပူၤလီၤ. က့ၤကဒါက့ၤဆူဟံၣ်တက့ၢ်, ပှၤစိာ်တၢ်ကစီၣ်လၢအပ့ၢ်ချ့ တဖၣ်ဧၢ, က့ၤစိာ်တၢ်ကစီၣ်လၢသုထံသုကီၢ်လၢဘၣ်တၢ်နီၤဖး အီၤလၢထံကျိတဖၣ်, ဆူသုကီၢ်လၢအဂံၢ်ဆူၣ်ဒီးအိၣ်ဒီး အစိကမီၤ, ဆူသုပှၤကလုာ်လၢအနီၢ်ထီဒီးအဖံးဘျ့, လၢအဘၣ်တၢ်ပျံၤအီၤလၢဟီၣ်ခိၣ်ဒီဘ့ၣ်ညါအအိၣ်န့ၣ်တက့ၢ်.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်သးသယုၢ်တၢ် 5:15

တၢ်သးဖှံလၢာ်ကွံာ်လၢပတၢ်အိၣ်မူတဖၣ်အပူၤ, ဒီးတၢ်သူၣ်အုးသးအုးဟံးန့ၢ်တၢ်လီၢ်လၢ ပတၢ်ဂဲၤကလံာ်အလီၢ်တဖၣ်လီၤ.