လံာ်ကွဲးနီၣ်တၢ်ခံဘ့ၣ်တဘ့ၣ် 12:12 - Sgaw Karen Common Bible

¹² မ့ၢ်လၢအဝဲဆီၣ်လီၤအသးလၢယွၤအဖီလာ်အဃိ, ယွၤအတၢ်သးဒိၣ်ထီၣ်တမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်. ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢယူဒၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:12 Iomraidhean Croise

လံာ်တၢ်ကဲထီၣ်အခီၣ်ထံး 18:24

ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ.

လံာ်စီၤပၤအခီၣ်ထံးတဘ့ၣ် 14:13

ကယဲၢ်ကီၢ်အံၣ်စရ့လးအပှၤဂီၢ်မုၢ်, ကဘၣ်မိၢ်ဘၣ်မးလၢအဃိဒီး ကခူၣ်လီၤကွံာ်အီၤန့ၣ်လီၤ. အဝဲကမ့ၢ်ထဲပှၤတဂၤဧိၤလၢစီၤယၤရၤဘၣ်အဟံၣ်ဖိဃီဖိအပူၤလၢ ကဘၣ်တၢ်ခူၣ်လီၤကွံာ်အီၤဂ့ၤဂ့ၤန့ၣ်လီၤ. အဂ့ၢ်ဒ်အံၤ, အဝဲမ့ၢ်ပှၤထဲတဂၤဧိၤလၢယွၤ, အံၣ်စရ့လးအကစၢ်ယွၤဘၣ်သူၣ်ဘၣ်သးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:11

တဘျီလၢ်လၢ်ဖဲစီၤပၤလဲၤဃီၤဆူယွၤအတၢ်လုၢ်ဟံၣ်န့ၣ်, ပှၤခိးတၢ်ဖိတဖၣ်စိာ်ထီၣ်ကတီၤတဖၣ်, ဝံၤဒီးက့ၤပာ်ကဒါက့ၤ ဝဲလၢပှၤခိးတၢ်ဖိအဒၢးပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:3

ဘၣ်ဆၣ်ဒီးလၢနပူၤန့ၣ်တၢ်အဂ့ၤအိၣ်ဒံးဝဲတနီၤန့ၣ်လီၤ. နသုးကွံာ်တ့ၢ်ကယဲၢ်ကစၢ်မုၣ်အၡ့ရၤအတၢ်ပနီၣ်တဖၣ်လၢပှၤဂီၢ်မုၢ် ဘူၣ်ထီၣ်ဘါထီၣ်ဝဲ, ဒီးနဂုာ်ကျဲးစၢးပိာ်ထွဲတ့ၢ်ကစၢ်ယွၤအတၢ်ဘၣ်အသးအခံန့ၣ် လီၤ.”

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်သးသယုၢ်တၢ် 3:33

တမုာ်ဘၣ်အသးလၢတၢ်ဒုးလီၤဘၣ်ပှၤလၢတၢ်သးအုးမ့ၢ်ဂ့ၤတၢ်ဆူး တၢ်ဆါမ့ၢ်ဂ့ၤအပူၤန့ၣ်ဘၣ်.

လံာ်သးသယုၢ်တၢ် 3:42

“ပမၤတ့ၢ်တၢ်ဒဲးဘးဒီးပူထီၣ်တ့ၢ်တၢ်, ဒီးနဲဒၣ်ယွၤဧၢ, နတပျၢ်ဘၣ်ပတၢ်ကမၣ်ဘၣ်.

၁ ပ့းတရူး 5:6

မ့မ့ၢ်ဒ်န့ၣ်ဒီး, ဆီၣ်လီၤသုသးလၢကစၢ်ယွၤအစုကညီၢ် အဖီလာ်, ဒ်သိးအဝဲကစိာ်ထီၣ်ထီသုလၢအဆၢအကတီၢ် ဒၣ်ဝဲအဂီၢ်န့ၣ်တက့ၢ်.