လံာ်ကွဲးနီၣ်တၢ်ခံဘ့ၣ်တဘ့ၣ် 11:4 - Sgaw Karen Common Bible

⁴ “ဒုးတၢ်ဒီးသုပှၤအံၣ်စရ့လးဖိသကိးသကိးဒီးသုန့ၣ်တ ဂ့ၤ. က့ၤကဒါက့ၤဆူသုဟံၣ်ကိးဂၤန့ၣ်တက့ၢ်. တၢ်လၢအမၤတ့ၢ်အသးအံၤ, မ့ၢ်ယတၢ်ဘၣ်ယသးန့ၣ်လီၤ.” အဝဲသ့ၣ်စူၢ်တ့ၢ်ယွၤအတၢ်မၤလိာ်ဒီးတလဲၤထီၣ်ဒုးစီၤယၤရၤဘၣ် န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 11:4 Iomraidhean Croise

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်စီၤပၤအခီၣ်ထံးတဘ့ၣ် 22:36

ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 11:3

လၢကတဲဘၣ်တၢ်ကစီၣ်အံၤဆူစီၤပၤရဃၤဘၣ်ဒီးဆူကယဲၢ်ဒူၣ်တဖၣ် လၢဘံၣ်ယၤမံၣ်ဒီးယူဒၤအပူၤ, အပှၤဂီၢ်မုၢ်တဖၣ်အအိၣ်န့ၣ်လီၤ.

စံးထီၣ်ပတြၢၤ 33:11

ဘၣ်ဆၣ်ယွၤအတၢ်ကူၣ်ထီၣ်ဖးလီၤတဖၣ် အိၣ်ဂၢၢ်ဆိးကျၢၤလီၤစိၤလီၤထီ ဒီးအတၢ်ပာ်လီၤအသး အိၣ်ဝဲအစိၤစိၤအဃၣ်ဃၣ်လီၤ.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

ဧ့ၤဘြံၤ 13:1

တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.