လံာ်ကွဲးနီၣ်တၢ်ခံဘ့ၣ်တဘ့ၣ် 10:4 - Sgaw Karen Common Bible

⁴ “နပၢ်ပာ်လီၤတၢ်ဝံတၢ်ယိးလၢအဃၢတဖၣ်လၢပလိၤန့ၣ်လီၤ. နမ့ၢ်မၤဖှံထီၣ်ပတၢ်ဝံတၢ်ယိးတဖၣ်အံၤ, ဒီးမၤညီထီၣ်တၢ်အိၣ် မူလၢပဂီၢ်န့ၣ်, ပကမ့ၢ်ပှၤသးတီတဖၣ်လၢအအိၣ်လၢနဖီလာ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:4 Iomraidhean Croise

လံာ်စီၤပၤအခီၣ်ထံးတဘ့ၣ် 12:4

“နပၢ်စီၤၡလိၤမိၤမၤဘၣ်တ့ၢ်ပှၤအၢအၢသီသီဒီးပာ်လီၤတၢ်ဝံ တၢ်ယိးအဃၢတဖၣ်လၢပဖီခိၣ်န့ၣ်လီၤ. နမ့ၢ်မၤဖှံထီၣ်ပတၢ်ဝံတၢ်ယိးတဖၣ်အံၤဒီးနမ့ၢ်မၤဘီၣ်မၤညီ ပတၢ်အိၣ်မူန့ၣ်, ပကမ့ၢ်နထံဖိကီၢ်ဖိလၢအသးတီတဖၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:13

လၢကီၢ်အံၣ်စရ့လးဒီဘ့ၣ်ညါန့ၣ်စီၤပၤၡလိၤမိၤဃုထၢမၤဆူၣ် ပှၤသၢကလးဒ်ပှၤဘၣ်တၢ်မၤဆူၣ်အီၤတဖၣ်အသိး,

လံာ်စီၤပၤအခီၣ်ထံးတဘ့ၣ် 5:15

စီၤၡလိၤမိၤအိၣ်စ့ၢ်ကီးဒီးပှၤကူးတဲာ်လၢၢ်ဃိးကလးဂၤလၢ ကစၢၢ်ခိၣ်ကလိကျါဒီးပှၤစိၢ်လၢၢ်နွံကလးဂၤ,

လံာ်စီၤပၤအခီၣ်ထံးတဘ့ၣ် 9:22

စီၤၡလိၤမိၤတမၢကဲကုၢ်ဘၣ်ပှၤအံၣ်စရ့လးဖိတဖၣ်န့ၣ်ဘၣ်. အဝဲသ့ၣ်မၤအတၢ်ဒ်အဝဲပှၤသုးဖိသံၣ်ဖိတဖၣ်အသိး, ဒ်ပဒိၣ်ပပှၢ်တဖၣ်အသိး, ဒ်သုးခိၣ်သုးနၢ်တဖၣ်အသိး, ဒ်လ့ၣ်ကဟၣ်သုးအခိၣ်တဖၣ်အသိး, ဒီးဒ်ပှၤဒိးကသ့ၣ်သုးဖိတဖၣ် အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:3

ပှၤဂီၢ်မုၢ်လၢကလံၤစိးအဒူၣ်တဖၣ်မၤလိာ်စီၤယၤရၤဘၣ်ဒီးအဝဲ သ့ၣ်ခဲလၢာ်လဲၤသကိးဆူစီၤရဃၤဘၣ်အအိၣ်ဒီးစံးဘၣ်အီၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 10:5

စီၤရဃၤဘၣ်စံးဆၢဝဲ, “ဟ့ၣ်ယၤတၢ်ဆၢကတီၢ်သၢသီလၢယကဆိ ကမိၣ်တၢ်ဂ့ၢ်အံၤန့ၣ်တက့ၢ်. အန့ၣ်ဝံၤဒီးဟဲက့ၤကဒါက့ၤတက့ၢ်.” လၢတၢ်န့ၣ်အဃိပှၤဂီၢ်မုၢ်ဟးထီၣ်ဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.