လံာ်ကွဲးနီၣ်တၢ်ခံဘ့ၣ်တဘ့ၣ် 10:16 - Sgaw Karen Common Bible

¹⁶ တုၤပှၤဂီၢ်မုၢ်ထံၣ်တ့ၢ်လၢစီၤပၤတဒိကနၣ်အဝဲသ့ၣ်ဘၣ်ဒီး, အဝဲသ့ၣ်ကိးထီၣ်ဝဲ, “ထုးလီၤကွံာ်, စီၤဒၤဝံးဒီးအဟံၣ်ဖိ ဃီဖိလၢစီၤပၤအလီၢ်န့ၣ်တက့ၢ်. အဝဲသ့ၣ်မၤတ့ၢ်တၢ်လၢပဂီၢ်မနုၤ လဲၣ်. အံၣ်စရ့လးအပှၤသ့ၣ်ဧၢ, မ်ပက့ၤဆူဟံၣ်န့ၣ်တက့ၢ်. မ်စီၤရဃၤဘၣ်ကွၢ်လီၤက့ၤဒၣ်အသးဒၣ်ဝဲန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:13

ပှၤစိာ်တၢ်ကစီၣ်တဂၤတဲဘၣ်စီၤဒၤဝံးဒ်အံၤ, “ပှၤအံၣ်စရ့လးဖိတဖၣ်မၤလံတၢ်သူၣ်တီသးရၤအတၢ်အၢၣ်လီၤအီလီၤဒီး စီၤအးဘၡါလိၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 16:11

ဒီးစီၤဒၤဝံးစံးဘၣ်စီၤအဘံၡဲၤဒီးပဒိၣ်ပပှၢ်ခဲလၢာ်ဒ်အံၤ, “ယဖိခွါဒၣ်ယဲန့ၣ်ကျဲးစၢးဝဲဒ်သိးကမၤသံယၤလီၤ. လၢတၢ်န့ၣ်အဃိဘၣ်မနုၤလၢသုကဘၣ်ကမၢကမၣ်လၢပှၤဘံၣ်ယၤမံၣ်ဖိ တဂၤအံၤအဃိန့ၣ်လဲၣ်. ယွၤတဲတ့ၢ်အီၤလၢကဆိၣ်အၢတၢ်အဃိ, ပာ်တ့ၢ်အီၤထဲတဂၤဧိၤဒီးပျဲအမၤတၢ်န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:14

ယကပာ်အီၤလၢယပှၤဂီၢ်မုၢ်ဒီးယဘီယမုၢ်အခိၣ်လီၤစိၤလီၤထီ န့ၣ်လီၤ. အဝဲအလီၢ်ပစိာ်အကတၢၢ်တအိၣ်နီတဘျီဘၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:17

လၢတၢ်န့ၣ်အဃိ, အံၣ်စရ့လးအပှၤဂီၢ်မုၢ်ပူထီၣ်တၢ်, ဒီးပာ်တီၢ်စီၤရဃၤဘၣ်ဒ်စီၤပၤထဲဒၣ်လၢပှၤဂီၢ်မုၢ်လၢအအိၣ် ဆိးတ့ၢ်လၢယူဒၤအလီၢ်ကဝီၤတဖၣ်အဂီၢ်ဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:19

စးထီၣ်လၢန့ၣ်လံၤလံၤအံၣ်စရ့လးအကလံၤစိးအပှၤဂီၢ်မုၢ်တဖၣ် အိၣ်ဝဲလၢတၢ်ပူထီၣ်ထီဒါစီၤဒၤဝံးအစၢၤအသွဲၣ်အတၢ်ပၢတၢ် ပြးအပူၤန့ၣ်လီၤ.

စံးထီၣ်ပတြၢၤ 132:17

ယကဒုးကဲထီၣ်စီၤဒၤဝံးအစၢၤအသွဲၣ်တဖၣ် အကျါတဂၤလၢ စီၤပၤဖးဒိၣ်ဖဲအံၤ, ဒီးယကကတီၤဃာ် ယစီၤပၤလၢ ယဃုထၢအီၤ အတၢ်ပၢတၢ်ပြးန့ၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်ယိၤဟၣ် 6:66

လၢတၢ်အံၤအဃိ, ယ့ၣ်ၡူးအပျဲၢ်အဘီၣ်အါဂၤက့ၤကဒါ က့ၤဒီးတပိာ်လၢၤအခံဘၣ်န့ၣ်လီၤ.

လံာ်ယိၤဟၣ် 7:53

ထဲန့ၣ်ဒီး, ပှၤကိးဂၤဒဲးက့ၤက့ၤဆူအဟံၣ်ဒၣ်ဝဲလီၤ. ဒီးယ့ၣ်ၡူးလဲၤဆူကစၢၢ်သ့ၣ်စၤယံးလီၤ.

မၤတၢ် 2:30

ဒ်အဝဲမ့ၢ်တ့ၢ်ဝံတဂၤအသိး, အဝဲသ့ၣ်ညါတၢ်လၢကစၢ်ယွၤအၢၣ်လီၤတ့ၢ်အီၤလၢအကမၤဝဲလၢ အဂီၢ်န့ၣ်လီၤ. ကစၢ်ယွၤမၤတၢ်အၢၣ်လီၤအီလီၤဒီးအီၤလၢ အကဒုးကဲထီၣ်အစၢၤအသွဲၣ်တဂၤလၢစီၤပၤ, ဒ်အဝဲကဲဘၣ်ဝဲအသိးန့ၣ်လီၤ.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 8:35

ဒီးအဝဲသ့ၣ်တစံးဘျုးစီၤကံးဒဧိၣ်အဒူၣ်ဖိထၢဖိလၢကယဲၢ်တၢ်ဂ့ၤလၢစီၤကံးဒဧိၣ်မၤတ့ၢ်ဝဲလၢ အံၣ်စရ့လးအဂီၢ်အဃိဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:27

လၢခံတနံၤ, ဖဲလါထီၣ်သီအမူးဝံၤဝဲန့ၣ်, စီၤဒၤဝံးအလီၢ်လီၤဟိဒံးဝဲဒီးစီၤစီလူးသံကွၢ်စီၤယိ နၤသၣ်, “ဘၣ်မနုၤလၢစီၤဒၤဝံးတဟဲဘၣ်ဆူတၢ်အီၣ်သကိးလၢမဟါတနံၤ ဒီးတနံၤညါအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 22:13

စီၤစီလူးသံကွၢ်အီၤ, “ဘၣ်မနုၤလၢနၤဒီးစီၤဒၤဝံးကူၣ် ထီၣ်ဖးလီၤတၢ်ထီဒါယၤန့ၣ်လဲၣ်. ဘၣ်မနုၤလၢနဟ့ၣ်အီၤတၢ်အီၣ်တနီၤဒီးနးတဘ့ၣ်ဒီးသံကွၢ်တၢ်လၢ ကစၢ်ယွၤလၢအဂီၢ်န့ၣ်လဲၣ်. ခဲအံၤအဝဲဃၣ်အသးထီဒါယၤဒီးအိၣ်ခိးဝဲတၢ်အခွဲးဂ့ၤယာ်ဘၣ် လၢကမၤသံယၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:7

ဒီးအဝဲစံးဘၣ်အသုးနၢ်တဖၣ်, “ဒိကနၣ်တၢ်တက့ၢ်, စီၤဘံၣ်ယၤမံၣ်အပှၤကညီဧၢ, မ့ၢ်သုဆိကမိၣ်လၢစီၤဒၤဝံး ကဟ့ၣ်စံၣ်ပျီဒီးစပံးအလီၢ်တဖၣ် ဆူသုဝဲခဲလၢာ်အအိၣ်ဒီးဒုးကဲသု လၢသုးခိၣ်သုးနၢ်လၢအသုးမုၢ်ပူၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 22:9

စီၤဒိအ့းအိၣ်ဆၢထၢၣ်ဖဲန့ၣ်ဃုာ်ဒီးစီၤစီလူးအသုးခိၣ်သုး နၢ်တဖၣ်ဒီးစံးဝဲ, “ယထံၣ်တ့ၢ်စီၤဒၤဝံးဖဲအလဲၤဆူစီၤအဃံးတူာ် အဖိခွါစီၤအဃံၤမ့လ့းလၢအအိၣ်လၢဝ့ၢ်နိဘးန့ၣ်လီၤ.