လံာ်ကွဲးနီၣ်တၢ်ခံဘ့ၣ်တဘ့ၣ် 10:11 - Sgaw Karen Common Bible

¹¹ တဲဘၣ်အဝဲသ့ၣ်တက့ၢ်. ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသု ဖီခိၣ်လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲ, ယကတီၢ်သုလၢနီၣ်တီၢ်တဖၣ်လၢ ပှၤတီၢ်ဂီၤဖံးတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:10

အဝဲသ့ၣ်စံးဆၢဝဲ, “တၢ်အံၤမ့ၢ်တၢ်လၢနကြၢးတဲဘၣ်အဝဲ သ့ၣ်န့ၣ်လီၤ. ယစုမုၢ်ဆၣ်အံၤတီၣ်န့ၢ်ဒံးယပၢ်အယီၢ်ဒ့တက့ၢ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:12

သၢသီဝံၤအလီၢ်ခံန့ၣ်, စီၤယၤရၤဘၣ်ဒီးကယဲၢ်ပှၤဂီၢ်မုၢ်ခဲ လၢာ်က့ၤကဒါက့ၤဆူစီၤပၤရဃၤဘၣ်အအိၣ်, ဒ်အဝဲမၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 5:18

ဒီးခဲကနံၣ်အံၤလဲၤမၤတၢ်တက့ၢ်. သုတဘၣ်တၢ်ဟ့ၣ်သုလၢဘု လီၢ်ဘၣ်. ဘၣ်ဆၣ်ဒီးသုကဘၣ်မၤတၢးခီအနီၣ်ဂံၢ်ဒ်နီၣ်ဂံၢ်လၢညါ အသိးန့ၣ်လီၤ.”

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်လူၤကၣ် 10:19

ကနၣ်တက့ၢ်. ယဟ့ၣ်စိဟ့ၣ်ကမီၤလံသုဒ်သိးသုယီၢ်သုခါဂုၢ်ဧိၤဒးဧိၤတဖၣ်, ပတ့ၤချဲးတဖၣ်ဒီးဒုၣ်ဒါအစိကမီၤခဲလၢာ်ကသ့ဝဲအဂီၢ် ဒီးတၢ်တမၤဆူးမၤဆါသုနီတမံၤဘၣ်လီၤ.

လံာ်လီၣ်ဖျါ 9:10

အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.

လံာ်လီၣ်ဖျါ 9:3

ဒွဲၣ်တဖၣ်ဟဲထီၣ်လၢမ့ၣ်အူလၣ်အကျါဆူဟီၣ်ခိၣ်လိၤဒီး အဝဲသ့ၣ်ဘၣ်တၢ်ဟ့ၣ်အီၤတၢ်စိကမီၤတမံၤဃီလၢအအိၣ်ဒီး ပတ့ၤချဲးတဖၣ်န့ၣ်လီၤ.

လံာ်လီၣ်ဖျါ 9:5

တၢ်တဟ့ၣ်ဒွဲၣ်တဖၣ်န့ၣ်အခွဲးလၢအကမၤသံပှၤသ့ၣ်တဖၣ် န့ၣ်ဘၣ်. မ့မ့ၢ်, ကဘၣ်မၤဆူးမၤဆါဒၣ်အီၤနးနးကလဲာ်လၢယဲၢ်လါ အတီၢ်ပူၤလီၤ. တၢ်မၤဆူးမၤဆါတၢ်နးနးကလဲာ်တမံၤ အံၤဆါဝဲဒ်သိးပတ့ၤချဲးဆဲးပှၤဆါအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:18

ဖဲအဆၢကတီၢ်န့ၣ်တုၤဃီၤဒီး, သုက, ကဒူးကဒ့ၣ်တၢ်ခၣ်ဟ့သးလၢ သုစီၤပၤ, စီၤပၤလၢသုနီၢ်ကစၢ်ဒၣ်ဝဲဃုထၢတ့ၢ်အီၤအဃိလီၤ. ဘၣ်ဆၣ်ယွၤတဒိကနၣ်ဘၣ်သုတၢ်ကဒူးကဒ့ၣ်တဖၣ်ဘၣ်.”