လံာ်ကွဲးနီၣ်တၢ်ခံဘ့ၣ်တဘ့ၣ် 1:6 - Sgaw Karen Common Bible

⁶ လၢယွၤအဒဲစီဆှံအမဲာ်ညါန့ၣ်စီၤပၤဘူၣ်ထီၣ်ဘါထီၣ်ယွၤခီ ဖျိလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်လၢတၢ်လုၢ်လီၢ်တိၢ်ဘီအဖိ ခိၣ်န့ၣ်လီၤ. အဝဲအိၣ်ဒီးဆၣ်ဖိကီၢ်ဖိအဒုတကထိ လၢအဘၣ်တၢ်မၤသံအီၤဒီးဆူးကဲၤထီၣ်အီၤဒီတဒုခဲလၢာ်လၢတၢ် လုၢ်လီၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:6 Iomraidhean Croise

လံာ်စီၤပၤအခီၣ်ထံးတဘ့ၣ် 3:4

တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ် ဖျါကတၢၢ်အိၣ်ပာ်ဝဲအဃိန့ၣ်လီၤ. အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:5

စီၤပၤၡလိၤမိၤဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် အိၣ်ဖှိၣ်ရိဖှိၣ်ဝဲလၢယွၤအတၢ်အၢၣ်လီၤအီလီၤအတလါအမဲာ်ညါ, ဒီးလုၢ်ထီၣ်ပာ်ထီၣ်သိ, ဒီးဂီၤဖံးအါအါကလဲာ်, အါတုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:21

မုၢ်ဆ့ၣ်ထီၣ်တနံၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်ဒ်တၢ် လုၢ်တၢ်ပာ်တဖၣ်အသိး, ပာ်စီဆှံထီၣ်ဝဲဆူယွၤဝံၤဒီးဟ့ၣ်နီၤလီၤဝဲဆူပှၤဂီၢ်မုၢ် လၢကအီၣ်ဝဲအဂီၢ်န့ၣ်လီၤ. အါန့ၢ်အန့ၣ်, အဝဲသ့ၣ်လုၢ်ထီၣ်တ့ၢ်ဂီၤဖံးဖါအဒုတကထိ, သိဖါအဒုတကထိ, လၢအဆိၣ်ကဲၤထီၣ်ဝဲခဲလၢာ်ခဲဆ့လၢတၢ်လုၢ် လီၢ်အဖီခိၣ်န့ၣ်လီၤ. အဝဲသ့ၣ်ဟဲစိာ်စ့ၢ်ကီးတၢ်လုၢ်စပံးထံတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:12

စီၤၡလိၤမိၤလုၢ်ထီၣ်ပာ်ထီၣ်ဝဲတၢ်လုၢ်တၢ်ပာ်တဖၣ်ဆူယွၤအအိၣ် လၢတၢ်လုၢ်လီၢ်လၢအသူၣ်ထီၣ်ဝဲအဖီခိၣ်, ဖဲတၢ်လုၢ်ဟံၣ်အမဲာ်ညါန့ၣ်လီၤ.

လံာ်ယၡါယၤ 40:16

ကယဲၢ်ဆၣ်ဖိကီၢ်ဖိခဲလၢာ်လၢလဘၤနိၣ်အသ့ၣ်ဒိၣ်ပှၢ်တီၢ်တဖၣ်အ ပူၤ တလၢတလီၣ်ဝဲလၢတၢ်ကလုၢ်ထီၣ်တၢ်ဆူပကစၢ်ယွၤအ အိၣ်အဂီၢ်ဘၣ် ဒီးအသ့ၣ်တဖၣ်စှၤကဲၣ်ဆိးလၢတၢ်ဆိၣ်ကဲၤထီၣ်မ့ၣ်အူအဂီၢ်လီၤ.