လံာ်ကွဲးနီၣ်တၢ်ခံဘ့ၣ်တဘ့ၣ် 1:4 - Sgaw Karen Common Bible

⁴ ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:17

အဝဲသ့ၣ်ဟဲစိာ်ဃီၤတလါစီဆှံန့ၣ်ဒီးပာ်ထီၣ်အီၤလၢအလီၢ်ဖဲ ယွၤအဒဲစီဆှံပူၤ, တၢ်လီၢ်ဖဲစီၤဒၤဝံးမၤပာ်န့ၢ်အလီၢ်န့ၣ်လီၤ. အန့ၣ်ဝံၤဒီးအဝဲလုၢ်ထီၣ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဃူမၤဖိးတဖၣ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:2

ဒီးလဲၤကိးအီၤဆူကီၢ်ယူဒၤအဝ့ၢ်ဘၤလ့ၤဒ်သိးကဟဲက့ၤစိာ် ကစၢ်ယွၤအတၢ်အၢၣ်လီၤအီလီၤအတလါစီဆှံ, လၢတၢ်ကိးအီၤလၢယွၤသ့တၢ်လၢာ်အမံၤ ဒီးဘၣ်တၢ်ပာ်ထီၣ်တ့ၢ်အီၤလၢလီၢ်ပစိာ်လၢအအိၣ်ခ့ရူာ်တဖၣ်အလိၤ, လၢအအိၣ်ဖဲန့ၣ်, န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:1

စီၤဒၤဝံးမၤဟံၣ်တဖၣ်လၢကသူဝဲလၢအဂီၢ်ဒၣ်ဝဲလၢစီၤဒၤဝံး အဝ့ၢ်ပူၤန့ၣ်လီၤ. အဝဲကတဲာ်ကတီၤစ့ၢ်ကီးတၢ်လီၢ်တတီၤလၢကစၢ်ယွၤအတၢ်အၢၣ်လီၤအီ လီၤအတလါအဂီၢ်ဒီးမၤထီၣ်ဝဲဒဲတဖျၢၣ်လၢတလါအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:1

အဝဲသ့ၣ်လဲၤစိာ်တၢ်အၢၣ်လီၤအီလီၤအတလါစီဆှံဆူဒဲလၢစီၤ ဒၤဝံးကတဲာ်ကတီၤတ့ၢ်ဝဲဒီးပာ်ဝဲလၢအပူၤန့ၣ်လီၤ. ဒီးအဝဲသ့ၣ်လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤ ဖိးတဖၣ်ဆူကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2

အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:2

ခဲကနံၣ်အံၤယသူၣ်ထီၣ်တ့ၢ်လံတၢ်လုၢ်ဟံၣ်လီၤဘီလီၤမုၢ်တဖျၢၣ် လၢနဂီၢ်, တၢ်လီၢ်တတီၤလၢနကအိၣ်နဲဆိးနဲလၢအပူၤ လီၤစိၤလီၤထီန့ၣ်လီၤ.”

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.