လံာ်ကွဲးနီၣ်တၢ်ခံဘ့ၣ်တဘ့ၣ် 1:15 - Sgaw Karen Common Bible

¹⁵ ဖဲအဝဲပၢတၢ်အကတီၢ်န့ၣ်, စ့ဒီးထူတဖၣ်ကဲထီၣ်တၢ်လၢတမ့ၢ်တၢ် လီၤဆီလၢၤဘၣ်ဒ်ဒၣ်လၢၢ်တဖၣ်လၢဝ့ၢ်ယရူၤၡလ့ၣ်အပူၤအသိး, ဒီးသ့ၣ်ဆှိအ့ရ့းတဖၣ်အိၣ်ဝဲအါအါကလဲာ်ဒ်ဒၣ်သိးဝံၣ်ဒၢမုၢ် ဆ့ၣ်မုၢ်ဂီၤလၢအအိၣ်လၢယူဒၤအကစၢၢ်ကလိတဖၣ်အခီၣ်ထံး အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 27:28

စီၤဘဧၤလးဃနၣ်လၢဝ့ၢ်က့ဒ့ၢ်မ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲသ့ၣ်စၤယံးတဖၣ်, သ့ၣ်သိးဝံာ်ဒၢတဖၣ် (လၢအအိၣ်ဝဲ လၢကစၢၢ်မုၢ်နုာ်အခီၣ်ထံးန့ၣ်လီၤ.) စီၤယိၤအာ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲတၢ်ထုးထီၣ်သ့ၣ် စၤယံးအသိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:12

ယကဟ့ၣ်လီၤနၤတၢ်ကူၣ်သ့ဒီးတၢ်သ့ၣ်ညါန့ၣ်လီၤ. အါန့ၢ်အန့ၣ်ယကဟ့ၣ်နၤတၢ်ထူးတၢ်တီၤ, တၢ်လုၢ်ဒိၣ်ပှ့ၤဒိၣ်, ဒီးတၢ်မံၤဟူသၣ်ဖျါအါန့ၢ်ဒံးစီၤပၤတဂၤလၢ်လၢ်လၢနမဲာ်ညါ မၤန့ၢ်တ့ၢ်မ့ၢ်ဂ့ၤ, စီၤပၤတဂၤလၢ်လၢ်လၢနလီၢ်ခံကမၤန့ၢ်ကဒီးဝဲမ့ၢ်ဂ့ၤ, န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 9:27

ဖဲအဝဲပၢတၢ်အကတီၢ်န့ၣ်, စ့ကဲထီၣ်တၢ်လၢတမ့ၢ်တၢ်လီၤဆီလၢၤဒ် ဒၣ်လၢၢ်အသိးလၢဝ့ၢ်ယရူၤၡလ့ၣ်အပူၤ, ဒီးသ့ၣ်ဆှိအ့ရ့းတဖၣ်အိၣ်ဝဲအါအါကလဲာ်ဒ်ဒၣ်သိးဝံၣ်ဒၢမုၢ် ဆ့ၣ်မုၢ်ဂီၤလၢအအိၣ်လၢကီၢ်ယူဒၤအကစၢၢ်ကလိတဖၣ်အခီၣ်ထံးအသိး န့ၣ်လီၤ.

လံာ်ယၡါယၤ 60:17

ယကဟဲစိာ်န့ၢ်နၤထူလၢတိၢ်ဘီအလီၢ်, စ့ဒီးတိၢ်ဘီလၢထးဒီးသ့ၣ်အလီၢ်, ဒီးထးလၢလၢၢ်အလီၢ်န့ၣ်လီၤ. ပှၤလၢအပၢနၤတဖၣ်တမၤအၢမၤနးနၤနီတစုလၢၤဘၣ်, ယကမၢအဝဲသ့ၣ်ပၢတၢ်လၢတၢ်စံၣ်ညီၣ်တီဒီး တၢ်ဃူတၢ်ဖိးအပူၤလီၤ.

လံာ်ယၡါယၤ 9:10

“တၢ်သူၣ်ထီၣ်တဖၣ်လၢတၢ်မၤအီၤလၢဒၢးခီန့ၣ်လီၤပှီၢ်လၢာ်လံ. ဘၣ်ဆၣ်ဒီး, ပကသူၣ်ထီၣ်က့ၤလၢၢ်တၢ်သူၣ်ထီၣ်တဖၣ်လၢ အလီၢ်လီၤ. ကျိၤတဖၣ်လၢအဘၣ်တၢ်မၤအီၤလၢသ့ၣ်သိး ဝံာ်ဒၢတဖၣ်ဘၣ်တၢ်မၤတဲာ်ကွံာ်အီၤလံ. ဘၣ်ဆၣ်ဒီးလၢအလီၢ်န့ၣ်, ပကမၤက့ၤအီၤလၢ သ့ၣ်ဆှိးအ့ရ့းအဂ့ၤကတၢၢ်လီၤ.”

လံာ်ဧၤမိၣ် 7:14

ဒီးဝံဧၤမိၣ်စံးဆၢစီၤအမၤစယါ, ယတမ့ၢ်တ့ၢ်ဝံဘၣ်ဒီးယတ ဟဲလီၤစၢၤတ့ၢ်လၢဝံအဒူၣ်အထၢဘၣ်. ယမ့ၢ်တ့ၢ်ပှၤကွၢ်ဆၣ်ဖိကီၢ် ဖိ, ဒီးပှၤသူၣ်အီၣ်ဖျးအီၣ်သ့ၣ်သိးဝံာ်ဒၢတဖၣ်လီၤ.

လံာ်လူၤကၣ် 19:4

လၢတၢ်န့ၣ်အဃိ, အဝဲဒၣ်ဃ့ၢ်ဆိလၢပှၤဂီၢ်မုၢ်အမဲာ်ညါဒီးလဲၤထီၣ်ဝဲလၢ သိးဝံာ်ဒၢတထူၣ်အခံ, ဒ်သိးအကထံၣ်ဘၣ်ယ့ၣ်ၡူးလၢအကဟဲဝဲဖဲကျဲအဝဲန့ၣ်န့ၣ်လီၤ.

လံာ်သိၣ်လီၤသီလီၤတၢ် 17:17

စီၤပၤန့ၣ်တဘၣ်အိၣ်ဒီးအမါတဖၣ်အါဂၤဘၣ်, မ့ၢ်လၢတၢ်အံၤကဒုးဃၣ်ကွံာ်အီၤလၢယွၤအအိၣ်ဒီးအဝဲတဘၣ်မၤ ထူးထီၣ်တီၤထီၣ်အသးလၢစ့ဒီးထူန့ၣ်ဘၣ်.