လံာ်ကွဲးနီၣ်တၢ်ခံဘ့ၣ်တဘ့ၣ် 1:14 - Sgaw Karen Common Bible

¹⁴ အဝဲမၤထီၣ်လ့ၣ်ကဟၣ်သုးအဆိတကထိလွံၢ်ကယၤ, ဒီးဃုထၢထီၣ်ပှၤဒိးကသ့ၣ်, သုးဖိတကလးခံကထိဂၤန့ၣ်လီၤ. အကျါတနီၤန့ၣ်ပာ်ဝဲဖဲဝ့ၢ်ယရူၤၡလ့ၣ်အပူၤဒီးအဂၤတဖၣ်ပာ်လီၤ ဝဲလၢဝ့ၢ်အဂၤတဖၣ်အပူၤစုာ်စုာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:14 Iomraidhean Croise

လံာ်စီၤပၤအခီၣ်ထံးတဘ့ၣ် 10:16

စီၤၡလိၤမိၤမၤဝဲကတီၤဖးဒိၣ်အဘ့ၣ်ခံကယၤ, ဒီးတဘ့ၣ်ဘၣ်တဘ့ၣ်န့ၣ်ကျးဘၢဝဲဒီးထူလီၤတယၢၢ်ၡက့လးဃုကယၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:26

စီၤၡလိၤမိၤအိၣ်ဒီးတၢ်ဘုၣ်ကသ့ၣ်အလီၢ်လွံၢ်ကထိလၢအလ့ၣ်ကဟၣ် ကသ့ၣ်တဖၣ်အဂီၢ်, ဒီးကသ့ၣ်ဒုးသုးတကလးခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:6

ဝ့ၢ်ဘဧၤလး, ကယဲၢ်ဝ့ၢ်ခဲလၢာ်လၢ, အဝဲပဒၢးဃာ်တၢ်လၢပှၤသူအီၤ အလီၢ်အိၣ်တဖၣ်, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်လီၤအီၤ န့ၣ်လီၤ. အဝဲမၤဝံၤကယဲၢ်တၢ်ကူၣ်ကျဲၤခဲလၢာ်လၢတၢ်သူၣ်ထီၣ်လၢဝ့ၢ်ယရူၤ ၡလ့ၣ်အပူၤအဂီၢ်, လၢကီၢ်လဘၤနိၣ်အပူၤအဂီၢ်ဒီးလၢကယဲၢ်တၢ်လီၢ်ကဝီၤလၢအဝဲပၢ ဘၣ်ဝဲခဲလၢာ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:25

စီၤပၤၡလိၤမိၤအိၣ်စ့ၢ်ကီးဒီးတၢ်ပာ်လ့ၣ်ကဟၣ်တဖၣ်ဒီးကသ့ၣ် တဖၣ်အလီၢ်အခါလွံၢ်ကထိ, ဒီးအိၣ်ဒီးပှၤဒိးကသ့ၣ်သုးဖိ တကလးခံကထိ ဂၤန့ၣ်လီၤ. အကျါတနီၤန့ၣ်, အဝဲပာ်ဝဲဖဲဝ့ၢ်ယရူၤၡလ့ၣ်အပူၤဒီးအအိၣ်လီၤတဲာ်တဖၣ်န့ၣ်ပာ် ဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.