လံာ်ကွဲးနီၣ်တၢ်ခံဘ့ၣ်တဘ့ၣ် 1:11 - Sgaw Karen Common Bible

¹¹ ကစၢ်ယွၤစံးဆၢစီၤၡလိၤမိၤ, “နဃုထၢတ့ၢ်လံတၢ်လၢအဘၣ်လီၤ. လၢနကဃ့တၢ်ထူးတၢ်တီၤမ့ၢ်ဂ့ၤ, တၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ, တၢ်မံၤဟူသၣ်ဖျါမ့ၢ်ဂ့ၤ, နဒုၣ်ဒါတဖၣ်အတၢ်သံမ့ၢ်ဂ့ၤ, ဒီးလၢနကစၢ်ဒၣ်နဲအတၢ်အိၣ်ကၢအိၣ်ခိးအဂီၢ်မ့ၢ်ဂ့ၤ, အလီၢ်န့ၣ်နဃ့တၢ်ကူၣ်သ့ဒီးတၢ်သ့ၣ်ညါဒ်သိးနကပၢယပှၤဂီၢ်မုၢ် လၢယဒုးကဲထီၣ်နၤလၢစီၤပၤလၢအဝဲသ့ၣ်အဖီခိၣ်, ကသ့န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:11 Iomraidhean Croise

လံာ်စီၤပၤအခီၣ်ထံးတဘ့ၣ် 10:24

ဒီးပှၤအိၣ်လၢဟီၣ်ခိၣ်ဒီဘ့ၣ်ညါသးအိၣ်ဟဲဒီးဒိကနၣ်အဝဲ အတၢ်ကူၣ်သ့လၢကစၢ်ယွၤဟ့ၣ်လီၤတ့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:18

ဘၣ်ဆၣ်ယွၤစံးဘၣ်အီၤ, နသးအိၣ်သူၣ်ထီၣ်တၢ်လုၢ်ဟံၣ်တဖျၢၣ်လၢ ယဂီၢ်န့ၣ်ဘၣ်ဝဲလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:2

စီၤဒၤဝံးဆၢထၢၣ်လၢအဝဲသ့ၣ်အမဲာ်ညါ, ဒီးကတိၤလီၤတၢ်ဆူ အဝဲသ့ၣ်အအိၣ်, “ယပှၤထံဖိကီၢ်ဖိသ့ၣ်ဧၢ, ဒိကနၣ်ယၤတက့ၢ်. တၢ်မိၢ်သူၣ်ထီၣ်တ့ၢ်ဘၣ်ယသးလၢဟံၣ်အဂၢၢ်အကျၢၤတဖျၢၣ်လၢယွၤ အတလါစီဆှံ, ယွၤပကစၢ်ယွၤအခီၣ်ယီၢ်လီၤအလီၢ်အဂီၢ်န့ၣ်လီၤ. လၢတၢ်မၤလၤမၤကပီၤအီၤအဂီၢ်, ယကတဲာ်ကတီၤတ့ၢ်တၢ်တဖၣ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 1:12

ယကဟ့ၣ်လီၤနၤတၢ်ကူၣ်သ့ဒီးတၢ်သ့ၣ်ညါန့ၣ်လီၤ. အါန့ၢ်အန့ၣ်ယကဟ့ၣ်နၤတၢ်ထူးတၢ်တီၤ, တၢ်လုၢ်ဒိၣ်ပှ့ၤဒိၣ်, ဒီးတၢ်မံၤဟူသၣ်ဖျါအါန့ၢ်ဒံးစီၤပၤတဂၤလၢ်လၢ်လၢနမဲာ်ညါ မၤန့ၢ်တ့ၢ်မ့ၢ်ဂ့ၤ, စီၤပၤတဂၤလၢ်လၢ်လၢနလီၢ်ခံကမၤန့ၢ်ကဒီးဝဲမ့ၢ်ဂ့ၤ, န့ၣ်လီၤ.”

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 23:7

အဝဲစံးဝဲ, “ဟဲဒီးအီၣ်အါထီၣ်တက့ၢ်,” ဘၣ်ဆၣ်လၢအသးအကံၢ်အလဲန့ၣ်, တမ့ၢ်ဒ်န့ၣ်ဘၣ်. အနီၢ်ကစၢ်ဒၣ်ဝဲမ့ၢ်ဒ်တၢ်လၢအဆိကမိၣ်ဝဲအသိးန့ၣ်လီၤ.

တၢ်ကတိၤဒိ. 8:15

ယမၤစၢၤစီၤလိၣ်စီၤပၤတဖၣ်လၢကပၢတၢ်, ဒီးပှၤပၢတၢ်တဖၣ်လၢကမၤအိၣ်ထီၣ်တၢ်သိၣ်တၢ်သီအဂ့ၤတဖၣ်လီၤ.

မၤတၢ် 5:4

တချုးနဆါကွံာ်ဒံး နစုလီၢ်ခီၣ်ခိၣ်ဘၣ်န့ၣ်, မ့ၢ်နတၢ်ဒၣ်နဲတမ့ၢ်ဘၣ်ဧါ. ဒီးတုၤနဆါကွံာ်ဝံၤဒီး, စ့လၢနန့ၢ်ဘၣ်န့ၣ်မ့ၢ်နတၢ်ဒၣ်နဲလီၤ. သတးဒီးဘၣ်မနုၤနပာ်လီၤနသးလၢ နကမၤတၢ်ဒ်သိးအံၤတမံၤန့ၣ်လဲၣ်. တမ့ၢ်နလီန့ၢ်ပှၤကညီအတၢ်ဘၣ်, မ့မ့ၢ်နလီန့ၢ်ကစၢ်ယွၤအတၢ်တခီလီၤ.”

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”