၁ တံၤမသ့း 6:6 - Sgaw Karen Common Bible

⁶ မ့ၢ်လံ, ပှၤတဂၤမ့ၢ်သးမံလၢတၢ်လၢအအိၣ်ဒီးအီၤန့ၣ်, တၢ်ယူးယီၣ်ယွၤဒုးထူးထီၣ်တီၤထီၣ်အီၤစဲဃဲၤန့ၣ်လီၤ.

၁ တံၤမသ့း 6:6 Iomraidhean Croise

လံာ်စီၤပၤခံဘ့ၣ်တဘ့ၣ် 6:2

ဟ့ၣ်ပှၤအခွဲးလၢပကလဲၤဆူထံကျိယၢ်ဒ့ၣ်ဒီးကူာ်လီၤသ့ၣ်တနီၤ ဒ်သိးပသူၣ်ထီၣ်တၢ်လီၢ်လၢပကအိၣ်ဆိးအဂီၢ်ကသ့န့ၣ်တက့ၢ်. စီၤအလံၤၡါစံးဆၢဝဲဒၣ်, “ဂ့ၤလံ. လဲၤတက့ၢ်.”

စံးထီၣ်ပတြၢၤ 37:16

တၢ်တစဲးဖိလၢအအိၣ်ဝဲဒီးပှၤအဂ့ၤအဝါန့ၣ်, ဂ့ၤန့ၢ်ဒံးပှၤအၢပှၤသီအတၢ်အိၣ်လၢအိၣ်ပှဲၤ တက့ၢ်န့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်တၢ်ဟးထီၣ်ကွံာ် 2:21

ဒီးစီၤမိၤၡ့ပာ်လီၤအသးလၢကအိၣ်ဝဲဖဲန့ၣ်ဒီးစီၤယံးသ ရိၤ, ဒီးစီၤယံးသရိၤဒိးတ့ဒိးဖျီအီၤဒီးအဖိမုၣ်နီၢ်စံးဖိ ရၤန့ၣ်လီၤ.

တၢ်ကတိၤဒိ. 15:16

ဂ့ၤတက့ၢ်လၢပဖှီၣ်ဒီးပျံၤယွၤဒိၣ်န့ၢ်ပထူးပတီၤဒီးအိၣ်လၢ တၢ်ကီတၢ်ခဲအပူၤန့ၣ်လီၤ.

တၢ်ကတိၤဒိ. 16:8

တၢ်အိၣ်ဒီးတၢ်တစဲးဖိလၢတၢ်မၤန့ၢ်အီၤလၢတၢ်တီတၢ်လိၤအပူၤ န့ၣ်, ဂ့ၤဒိၣ်န့ၢ်ဒံးတၢ်အိၣ်ဒီးတၢ်အါလၢတၢ်မၤန့ၢ်အီၤလၢတၢ်တတီ တလိၤအပူၤတက့ၢ်န့ၣ်လီၤ.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

လံာ်ယံးရမံယၤ 35:9

ပတသူၣ်လီၤဟံၣ်ဧိၤဃီဧိၤတဖၣ် ဒ်ပအိၣ်ပဆိး အလီၢ်တဖၣ်အသိးဘၣ်. ပအိၣ်ဆိးဒၣ်လၢ ဒဲတဖၣ် အပူၤဒီးပတအိၣ်ဒီးစပံးလီၢ်, စံာ်ပျီဒီးဘုဧိၤဟုဧိၤနီတမံၤဘၣ်.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

ဖံလံးပံၤ 1:21

အဂ့ၢ်ဒ်အံၤတၢ်မူမ့ၢ်တၢ်မနုၤလဲၣ်. လၢယဂီၢ်, မ့ၢ်ခရံာ်န့ၣ်လီၤ. မ့မ့ၢ်ဒ်န့ၣ်ဒီး, တၢ်သံကဟဲစိာ်တၢ်ဘျုးအါဒိၣ်တက့ၢ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၁ တံၤမသ့း 6:8

မ့မ့ၢ်ဒ်န့ၣ်ဒီး, ပမ့ၢ်အိၣ်ဒီးတၢ်အီၣ်တၢ်အီဒီးတၢ်ကူတၢ်ကၤတဖၣ် ဒီးပကြၢးသူၣ်မံသးမံလံလီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”