၁ တံၤမသ့း 6:21 - Sgaw Karen Common Bible

²¹ အဂ့ၢ်ဒ်အံၤ, ပှၤတနီၤစံးဝဲလၢအအိၣ်ဒီးတၢ်အံၤ, ဒီးလၢတၢ်န့ၣ်အဃိတၢ်စူၢ်တၢ်နာ်အကျဲလီၤမၢ်ကွံာ်လၢ အဂီၢ်လီၤ. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

၁ တံၤမသ့း 6:21 Iomraidhean Croise

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 1:6

ပှၤတနီၤဃၣ်ကွံာ်အသးလၢတၢ်သ့ၣ်တဖၣ်အံၤဒီးလဲၤကမၣ် ဆူတၢ်ကတိၤသကိးတၢ်လၢအခီပညီတအိၣ်တဖၣ်အပူၤ န့ၣ်လီၤ.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

၂ တံၤမသ့း 2:18

အဝဲသ့ၣ်ဟးသဒၣ်ကွံာ်တၢ်မ့ၢ်တၢ်တီအကျဲဒီးမၤကဒံကဒါကွံာ် ပှၤတနီၤအတၢ်စူၢ်တၢ်နာ်, ခီဖျိအစံးဝဲလၢတၢ်ဂဲၤဆၢထၢၣ်သမူထီၣ်က့ၤန့ၣ်မၤတ့ၢ်လံ အသးအဃိန့ၣ်လီၤ.

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

တံတူး 3:15

ပှၤလၢအအိၣ်ဒီးယၤခဲလၢာ်ဆှၢအတၢ်ဆၢဂ့ၤဆၢဝါဆူ နအိၣ်လီၤ. ဆှၢဘၣ်ပတၢ်ဆၢဂ့ၤဆၢဝါတဖၣ်ဆူပတံၤသကိးလၢ အအိၣ်လၢတၢ်စူၢ်တၢ်နာ်အပူၤတဖၣ်အအိၣ်တက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

ဧ့ၤဘြံၤ 13:25

မ်ကစၢ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်. အၤမ့ၣ်.