၁ တံၤမသ့း 6:20 - Sgaw Karen Common Bible

²⁰ စီၤတံၤမသ့းဧၢ, ပၢၤဃာ်တၢ်လၢအဘၣ်တၢ်ဟ့ၣ်လီၤနၤ လၢနကအံးက့ၤကွၢ်က့ၤအီၤတဖၣ်ဂ့ၤဂ့ၤတက့ၢ်. ပဒ့ၣ်ဟးဆှဲးတၢ်ကတိၤတရီတပါတၢ်စီတၢ်ဆှံ ဒီးတၢ်ဂ့ၢ်လိာ်ဘှီလိာ်ကလီကလီတဖၣ်လၢပှၤတနီၤနီၤကိး ကမၣ်ဝဲလၢ “တၢ်သ့ၣ်ညါ” န့ၣ်တက့ၢ်.

၁ တံၤမသ့း 6:20 Iomraidhean Croise

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 17:21

(အဂ့ၢ်ဒ်အံၤ, အၤသ့ၣ်အပှၤဝ့ၢ်ဖိဒီးပှၤထံဖိကီၢ်ဖိလၢ အအိၣ်ဖဲန့ၣ်ကိးဂၤဒဲးသးအိၣ်သူအဆၢကတီၢ်ခဲလၢာ်ခီဖျိ အတၢ်တဲသကိး, တၢ်ဒိကနၣ်သကိးတၢ်ဂ့ၢ်လီၤတိၢ်လီၤဆီလၢအပၢၢ်ထီၣ်သီ ဒီးပၢၢ်ထီၣ်လၢခံကတၢၢ်တဖၣ်န့ၣ်လီၤ.)

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၂ သ့းစၤလနံ 1:4

လၢတၢ်န့ၣ်အဃိ, ပနီၢ်ကစၢ်ဒၣ်ပဝဲပကတိၤတၢ်လၢသုဂ့ၢ် အိၣ်ဒီးတၢ်ပာ်ကဖၢလၢပသးလၢသုဃိ, လၢကစၢ်ယွၤ အတၢ်အိၣ်ဖှိၣ်တဖၣ်အပူၤ, ဘၣ်ဃးသုတၢ်အိၣ်ဂၢၢ်အိၣ်ကျၢၤဒီးသုတၢ်နာ်ဖဲသုလဲၤခီဖျိ ကယဲၢ်တၢ်မၤအၢမၤနးဒီးတၢ်နးတၢ်ဖှီၣ်တဖၣ်န့ၣ်လီၤ.

၂ သ့းစၤလနံ 2:15

လၢတၢ်န့ၣ်အဃိပဒီပုၢ်ဝဲၢ်သ့ၣ်ဧၢ, ဆၢထၢၣ်ကျၢၤကျၢၤ ဒီးဟံးဃာ်တၢ်မ့ၢ်တၢ်တီသ့ၣ်တဖၣ်လၢပသိၣ်လီၤသီလီၤ တ့ၢ်သုလၢပတၢ်စံၣ်တဲၤတဲလီၤအပူၤ, ဒီးလၢပလံာ်ပရၢအပူၤစ့ၢ်ကီးန့ၣ်တက့ၢ်.

၁ တံၤမသ့း 1:11

တၢ်သိၣ်လိသီလိအံၤဘၣ်တၢ်ထံၣ်န့ၢ်အီၤလၢတၢ်သးခု ကစီၣ်အပူၤ, လၢတၢ်ဟ့ၣ်လီၤအီၤလၢယစုပူၤဒ်သိးယကတဲ ဖျါထီၣ်အီၤအဂီၢ်, ဒီးမ့ၢ်တၢ်သးခုကစီၣ်လၢအဟဲလၢကစၢ်ယွၤလၢအအိၣ်ဒီး အလၤကပီၤဒီးဘၣ်တၢ်စံးထီၣ်ပတြၢၤအီၤတဂၤအအိၣ် န့ၣ်လီၤ.

၁ တံၤမသ့း 1:2

ဆူ, စီၤတံၤမသ့း, ယဖိခွါနီၢ်နီၢ်လၢတၢ်စူၢ်တၢ်နာ်အပူၤအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤ တၢ်ဘျုးတၢ်ဖှိၣ်, တၢ်သးကညီၤ, ဒီးတၢ်ဃူတၢ်ဖိးတက့ၢ်.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 1:6

ပှၤတနီၤဃၣ်ကွံာ်အသးလၢတၢ်သ့ၣ်တဖၣ်အံၤဒီးလဲၤကမၣ် ဆူတၢ်ကတိၤသကိးတၢ်လၢအခီပညီတအိၣ်တဖၣ်အပူၤ န့ၣ်လီၤ.

၁ တံၤမသ့း 1:9

ပကဘၣ်သ့ၣ်နီၣ်ထီၣ်က့ၤလၢတၢ်သိၣ်တၢ်သီတဖၣ်ဘၣ်တၢ် ဒုးအိၣ်ထီၣ်အီၤတမ့ၢ်လၢပှၤအဂ့ၤအဝါတဖၣ်အဂီၢ်ဘၣ်. မ့မ့ၢ်တခီ, မ့ၢ်လၢပှၤမၤကမၣ်တၢ်သိၣ်တၢ်သီတဖၣ်, ပှၤအၢပှၤသီတဖၣ်, ပှၤတယူးတယီၣ်ယွၤဒီးမၤတၢ်ဒဲးဘးတဖၣ်, ပှၤလၢအတၢ် အဲၣ်ထူအဲၣ်ယွၤမ့ၢ်ဂ့ၤ, တၢ်အိၣ်မူလၢသူၣ်လၢသးမ့ၢ်ဂ့ၤ တအိၣ်ဘၣ်တဖၣ်, ပှၤလၢအမၤသံအပၢ်မ့တမ့ၢ်အမိၢ် တဖၣ်, ပှၤလၢအမၤသံပှၤကညီတဖၣ်,

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၁ တံၤမသ့း 6:14

ဒ်သိးနကတိၢ်န့ၢ်တၢ်မၤလိာ်တဖၣ်အံၤဒီးဟံးဃာ်ဂၢၢ်ကျၢၤ အီၤလၢတၢ်သူၣ်တီသးရၤအပူၤတုၤလီၤလၢမုၢ်တနံၤဖဲ ပကစၢ်ယ့ၣ်ၡူးခရံာ်ကအိၣ်ဖျါထီၣ်ဝဲန့ၣ်လီၤ.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

၂ တံၤမသ့း 2:16

ပဒ့ၣ်ဟးဆှဲးတၢ်ကတိၤတရီတပါတၢ်စီဆှံဒီးတၢ်ဂ့ၢ်လိာ်ဘှီ လိာ်ကလီကလီတဖၣ်, လၢအဆှၢပှၤဆူတၢ်တယူးတယီၣ်ယွၤအါထီၣ်အါထီၣ်န့ၣ်တက့ၢ်.

တံတူး 1:14

ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

တံတူး 3:9

ဘၣ်ဆၣ်ဒီးပဒ့ၣ်ဟးဆှဲးတၢ်ဂ့ၢ်လိာ်ဘှီလိာ်ကလီကလီ, တၢ်ယၢၤထီၣ်ဖးထီတၢ်ဟဲလီၤစၢၤတဖၣ်, တၢ်အ့ၣ်လိာ် ဆိးက့လိာ်သးဒီးတၢ်ထီဒုၣ်ထီဒါလိာ်သးလၢတၢ်သိၣ် တၢ်သီအဃိတဖၣ်န့ၣ်တက့ၢ်. တၢ်သ့ၣ်တဖၣ်အံၤအဘျုးဒီးအလုၢ်အပှ့ၤတအိၣ်ဘၣ်.

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.