၁ တံၤမသ့း 6:2 - Sgaw Karen Common Bible

² ကုၢ်လၢအဘၣ်ဃးဒီးကစၢ်တဖၣ်လၢအစူၢ်က့ၤနာ်က့ၤတၢ်န့ၣ်, တဘၣ်မၤဆံးလီၤစှၤလီၤတၢ်ယူးယီၣ်ပာ်ကဲအဝဲသ့ၣ်မ့ၢ်လၢ အမ့ၢ်အဒီပုၢ်ဝဲၢ်တဖၣ်အဃိန့ၣ်တဂ့ၤ. မ့မ့ၢ်, အဝဲသ့ၣ်ကဘၣ်မၤတၢ်ဂ့ၤဒိၣ်ဒၣ်တၢ်တက့ၢ်, မ့ၢ်လၢပှၤတဖၣ်လၢအဘၣ်ဘျုးလၢအဝဲသ့ၣ်အတၢ်မၤန့ၣ်, မ့ၢ်ပှၤစူၢ်က့ၤနာ်က့ၤတၢ်တဖၣ်လၢအဝဲသ့ၣ်အဲၣ်ဘၣ်အီၤ အဃိန့ၣ်လီၤ. နဘၣ်သိၣ်လိသီလိဒီးသဆၣ်ထီၣ်အဝဲသ့ၣ်အခံဒ်သိးအကမၤ တၢ်သ့ၣ်တဖၣ်အံၤလီၤ.

၁ တံၤမသ့း 6:2 Iomraidhean Croise

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

အ့းဖ့းစူး 1:15

လၢတၢ်ဂ့ၢ်အံၤအဃိ, စးထီၣ်လၢယနၢ်ဟူဘၣ်သုတၢ်စူၢ်တၢ်နာ်က့ၤကစၢ်ယ့ၣ်ၡူး အဂ့ၢ်ဒီးလၢသုတၢ်အဲၣ်ဘၣ်ကစၢ်ယွၤအပှၤဂီၢ်မုၢ်ခဲလၢာ် အဂ့ၢ်လံၤလံၤန့ၣ်,

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

ကလီးစဲ 1:2

ဆူ, ပှၤစီဆှံလၢဝ့ၢ်ကလီးစဲ, ဒီပုၢ်ဝဲၢ်လၢခရံာ်အပူၤလၢ အကလုၢ်တီဝဲတဖၣ်အအိၣ်, တၢ်ဘျုးတၢ်ဖှိၣ် ဒီးတၢ်ဃူတၢ်ဖိးလၢအဟဲလၢပပၢ်ကစၢ်ယွၤ အအိၣ်န့ၣ်မ်အဘၣ်လၢ်သုတက့ၢ်.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

ကလီးစဲ 4:1

ကစၢ်သ့ၣ်ဧၢ, လၢသုတၢ်ဘၣ်ထွဲဒီးသုကုၢ်သုပှၤအပူၤန့ၣ်မၤ သုဝဲတီတီတအိၣ်ဘၣ်ဒီးတၢ်ကွၢ်မဲာ်တၢ်ဘၣ်န့ၣ်တက့ၢ်. သ့ၣ်ညါလၢသုဝဲစ့ၢ်ကီးသုအိၣ်ဒီးသုကစၢ်တဂၤလၢမူခိၣ်န့ၣ် တက့ၢ်.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ တံၤမသ့း 4:11

မၤလိာ်ဒီးသိၣ်လိအဝဲသ့ၣ်လၢတၢ်သ့ၣ်တဖၣ်အံၤတက့ၢ်.

၁ တံၤမသ့း 5:1

တဘၣ်ဒူပှၤလၢအသးပှၢ်န့ၢ်နၤအလိၤတဂ့ၤ. မ့မ့ၢ်ဃ့ကညးအီၤဒ် နကဃ့ကညးနပၢ်အသိးန့ၣ်တက့ၢ်. ပာ်ပှၤလၢအသးစၢ်န့ၢ်နၤဒ်နဒီပုၢ်ဝဲၢ်တဖၣ်အသိး,

တံတူး 2:1

မ့မ့ၢ်နဲဒၣ်အံၤ, သိၣ်လိတၢ်လၢအဃူဃီၣ်လီၤပလိာ်ဒီးတၢ်သိၣ်လိသီလိ အမ့ၢ်အတီတက့ၢ်.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

ယူဒၤ 1:8

လၢကျဲဒ်အံၤအသိးစ့ၢ်ကီး, ပှၤသ့ၣ်တဖၣ်အံၤအိၣ်ဒီးတၢ်ထံၣ် လၢညါခီတဖၣ်လၢအလီန့ၢ်အဝဲသ့ၣ်ဒီးဒုးမၤအီၤလၢတၢ်ဒဲးဘး ထီဒါက့ၤအကစၢ်ဒၣ်ဝဲအနီၢ်ခိတဖၣ်န့ၣ်လီၤ. အဝဲသ့ၣ်မၤတရီတပါကစၢ်ယွၤအတၢ်စိတၢ်ကမီၤဒီးဒုၣ်ဒွဲၣ်မူ ခိၣ်တၢ်လၤကပီၤတဖၣ်န့ၣ်လီၤ.