၁ တံၤမသ့း 6:11 - Sgaw Karen Common Bible

¹¹ မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၁ တံၤမသ့း 6:11 Iomraidhean Croise

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:26

တုၤဝံသးပှၢ်နၢ်ဟူတၢ်မၤအသးအံၤန့ၣ်အဝဲစံးဝဲဒၣ်, “တၢ်န့ၣ်မ့ၢ်ဝံတဂၤလၢအတစူၢ်ဘၣ်ကစၢ်ယွၤအတၢ်မၤလိာ်န့ၣ်လီၤ. လၢတၢ်အံၤအဃိယွၤမၢလီၤခ့ယုၢ်တဒုလၢကဟဲထီၣ်အ့ၣ်အီၤဒီး မၤသံအီၤဒ်ယွၤစံးတ့ၢ်လၢအကမၤဝဲအသိးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 17:24

မုၣ်ကမဲစံးဆၢအီၤ, “ဒီးခဲကနံၣ်အံၤ, ယသ့ၣ်ညါလၢနမ့ၢ်ကစၢ် ယွၤအပှၤကညီတဂၤဒီးလၢယွၤကတိၤတၢ်နီၢ်နီၢ်ခီဖျိနၤလီၤ.”

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 1:13

မၤကဒီးတဘျီ, စီၤပၤဆှၢလီၤသုးခိၣ်တဂၤဒီးပှၤအဂၤယဲၢ်ဆံ န့ၣ်လီၤ. အဝဲလဲၤထီၣ်ဆူတၢ်လူၢ်ဒီခိၣ်, ဒီးတီၤလီၤကဒွံ ကျိာ်လၢစီၤအ့ၤလံယၤအမဲာ်ညါဒီးဃ့ကညးအီၤဒ်အံၤ, “ကစၢ်ယွၤအပှၤကညီဧၢ, သူၣ်ကညီၤသးကညီၤယၤဒီးယပှၤတဖၣ်န့ၣ်တ က့ၢ်. မၤပူၤဖျဲးပသးသမူတဖၣ်တက့ၢ်.

လံာ်စီၤပၤခံဘ့ၣ်တဘ့ၣ် 1:9

တုၤနုၤတစုအဝဲဆှၢလီၤသုးခိၣ်တဂၤဃုာ်ဒီးပှၤအဂၤယဲၢ်ဆံလၢ ကလဲၤကိးန့ၢ်စီၤအ့ၤလံယၤအဂီၢ်န့ၣ်လီၤ. သုးခိၣ်န့ၣ်ထံၣ်ဘၣ်စီၤအ့ၤလံယၤလၢအဆ့ၣ်နီၤဝဲလၢတၢ်လူၢ်ဒီ ခိၣ်ဒီးစံးဘၣ်အီၤ, “ကစၢ်ယွၤအပှၤကညီဧၢ, စီၤပၤဟ့ၣ်လီၤအကလုၢ်လၢနကဟဲက့ၤလီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 23:17

အဝဲသံကွၢ်ဝဲ, “တၢ်အံၤမ့ၢ်မတၤအသွၣ်ခိၣ်လဲၣ်.” ဝ့ၢ်ဘ့ၤသ့လးအပှၤဂီၢ်မုၢ်စံးဆၢဝဲ, “တၢ်အံၤမ့ၢ်ဝံတဂၤလၢ အဟဲလၢကီၢ်ယူဒၤဒီးတဲဆိတ့ၢ်ဝဲတၢ်သ့ၣ်တဖၣ်အံၤဒ်နမၤဘၣ် တ့ၢ်တၢ်လုၢ်လီၢ်အံၤ, အသွၣ်ခိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:14

ဘၣ်ဆၣ်, ကစၢ်ယွၤအပှၤကညီစီၤမိၤၡ့အဖိခွါတဖၣ်ကဘၣ်တၢ်ဂံၢ်ဃုာ် အီၤလၢပှၤလ့ၤဝံဖိတဖၣ်အကျါန့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:36

အဝဲဘၣ်တၢ်ပိာ်ထွဲထီၣ်အခံလၢပှၤအဂၤလၢအဝဲအဒူၣ်ထၢ အကျါလၢအမ့ၢ်, စီၤၡမါယၤ, စီၤဧစၤရ့လး, စီၤမံလလဲၤ, စီၤကံလလဲၤ, စီၤမၤဧၤ, စီၤနၤသန့လး, စီၤယူဒၤဒီးစီၤ ဃနၤနံတဖၣ်န့ၣ်လီၤ. အဝဲသ့ၣ်ခဲလၢာ်စိာ်ဝဲတၢ်ဒ့တၢ်အူ အပီးအလီအကလုာ်တဖၣ်လၢကစၢ်ယွၤအခ့အပှၤစီၤဒၤဝံးဒ့တ့ၢ်ဝဲ တဖၣ်န့ၣ်လီၤ. ပှၤကူၣ်သ့ကူၣ်ဘၣ်စီၤဧ့စြၤဆှၢကရူၢ်အံၤလၢတၢ် ဟးထီၣ်အပူၤန့ၣ်လီၤ.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 38:20

ပှၤလၢအဟ့ၣ်ဆၢက့ၤယၤ တၢ်အၢလၢတၢ်ဂ့ၤအဂီၢ်တဖၣ်န့ၣ် ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.

တၢ်ကတိၤဒိ. 15:9

ယွၤသးဟ့ပှၤအအၢအသီတဖၣ်အကျဲတဖၣ်လီၤ. မ့မ့ၢ်အဲၣ်ပှၤတဖၣ်လၢအမၤတၢ်အဘၣ်န့ၣ်လီၤ.

လံာ်ယၡါယၤ 51:1

ယွၤစံးဝဲ, “ဒိကနၣ်ယၤ, သုဝဲလၢအသးအိၣ်န့ၢ် ဘၣ်တၢ်အုၣ်က့ၤခီၣ်က့ၤ, သုဝဲလၢအဟဲဆူယအိၣ်လၢ တၢ်မၤစၢၤအဂီၢ်သ့ၣ်ဧၢ. ဆိကမိၣ်ထီၣ်လၢၢ်လၢပှၤစိးပျၤဒုးကဲထီၣ်သုဒီး လၢၢ်ပူၤဖဲသုဘၣ်တၢ်ခူၣ်ထုးထီၣ်သုန့ၣ်တက့ၢ်.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

1 ကရံၣ်သူး 10:14

လၢတၢ်န့ၣ်အဃိယတံၤသကိးသးဘိသ့ၣ်ဧၢ, ဟးဆှဲးတၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်တက့ၢ်.

1 ကရံၣ်သူး 14:1

မ့မ့ၢ်ဒ်န့ၣ်ဒီးတၢ်လၢသုကြၢးဂုာ်ကျဲးစၢးဒီးဒိးန့ၢ်အီၤန့ၣ်, မ့ၢ်ဝဲတၢ်အဲၣ်တၢ်ကွံလီၤ. ပာ်သုသးသပှၢ်ပှၢ်လၢသုကဒိးန့ၢ်ဘၣ်သးစီဆှံအတၢ်ဟ့ၣ် တဖၣ်, လီၤဆီဒၣ်တၢ်, တၢ်ဟ့ၣ်ဘၣ်ဃးဒီးတၢ်ကတိၤတၢ်လၢဝံအကျိာ်န့ၣ်တက့ၢ်.

1 ကရံၣ်သူး 6:18

ဟးဆှဲးတၢ်မၤကမၣ်မုၣ်ကမၣ်ခွါတက့ၢ်. တၢ်ဒဲးဘးအဂၤတမံၤမံၤလၢပှၤကညီတဂၤမၤဝဲန့ၣ်, တမၤဘၣ်ဒိဘၣ်ထံးအနီၢ်ခိဘၣ်. မ့မ့ၢ်ပှၤတဂၤလၢအမၤ ကမၣ်မုၣ်ကမၣ်ခွါန့ၣ်, မၤဘၣ်တၢ်ဒဲးဘးထီဒါအနီၢ်ခိဒၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 16:20

ထီဘိမၤတၢ်တီတီလိၤလိၤဒီးစံၣ်ညီၣ်တီတၢ်ဒ်သိးသုကမၤန့ၢ် ကီၢ်န့ၣ်လၢယွၤသုကစၢ်ဟ့ၣ်သုဒီးကအိၣ်ဆိးထွဲဘၣ်ဒံးဖဲန့ၣ် အဂီၢ်တက့ၢ်.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

၁ တံၤမသ့း 6:20

စီၤတံၤမသ့းဧၢ, ပၢၤဃာ်တၢ်လၢအဘၣ်တၢ်ဟ့ၣ်လီၤနၤ လၢနကအံးက့ၤကွၢ်က့ၤအီၤတဖၣ်ဂ့ၤဂ့ၤတက့ၢ်. ပဒ့ၣ်ဟးဆှဲးတၢ်ကတိၤတရီတပါတၢ်စီတၢ်ဆှံ ဒီးတၢ်ဂ့ၢ်လိာ်ဘှီလိာ်ကလီကလီတဖၣ်လၢပှၤတနီၤနီၤကိး ကမၣ်ဝဲလၢ “တၢ်သ့ၣ်ညါ” န့ၣ်တက့ၢ်.

၂ တံၤမသ့း 2:21

ပှၤတဂၤဂၤမ့ၢ်မၤကဆှီထီၣ်ကွံာ်အသးလၢတၢ်အၢတၢ်သီ တဖၣ်န့ၣ်ဒီး, အဝဲဒၣ်ကဘၣ်တၢ်သူအီၤလၢတၢ်အကတီၢ် လီၤဆီတဖၣ်အဂီၢ်, မ့ၢ်လၢအပာ်စီဆှံအသးဒီးကဲဘျုးလၢအကစၢ်အဂီၢ်ဒီး ကတဲာ်ကတီၤအသးလၢကယဲၢ်တၢ်မၤအဂ့ၤအဂီၢ်အဃိလီၤ.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

၂ တံၤမသ့း 3:10

မ့မ့ၢ်နဲဒၣ်အံၤနပိာ်ထွဲယတၢ်သိၣ်လိသီလိအခံ, ယတၢ်အိၣ်မူအကျဲဒီးယတၢ်တိာ်လၢတၢ်အိၣ်မူအပူၤန့ၣ်လီၤ. နထံၣ်ဘၣ်တ့ၢ်ယတၢ်စူၢ်တၢ်နာ်, ယတၢ်ဝံသးစူၤ, ယတၢ်အဲၣ်တၢ်ကွံ, ယတၢ်သ့တူၢ်တၢ်,

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

၁ ပ့းတရူး 3:11

အဝဲကဘၣ်ဃၣ်ကွံာ်အသးလၢတၢ်အၢတၢ်သီ ဒီးမၤတၢ်ဂ့ၤန့ၣ်လီၤ. အဝဲကဘၣ်ဂဲၤပျုၢ်လၢတၢ်ဃူတၢ်ဖိးအဂီၢ် လၢအသးဒီဖျၢၣ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:27

ဝံတဂၤဟဲဆူစီၤဧ့လံၤအအိၣ်ဃုာ်ဒီးတၢ်ကစီၣ်အံၤလၢယွၤအအိၣ်လီၤ. “ဖဲနမိၢ်ပၢ်ဖံဖုလၢပျၢၤ, စီၤအၤဟရိၣ်ဒီးအဟံၣ်ဖိဃီဖိ တဖၣ်မ့ၢ်ကီၢ်အဲၤကူပတူးအစီၤပၤအကုၢ်တဖၣ်န့ၣ်ယလီၣ်ဖျါထီၣ် ယသးလၢစီၤအၤဟရိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:6

ဒီးအကုၢ်စံးဆၢအီၤ, “အိၣ်ခိးဒၣ်ကလိာ်တက့ၢ်. လၢဝ့ၢ်အံၤအပူၤန့ၣ်ပှၤစီဆှံ လၢအဘၣ်တၢ်ပာ်ကဲအီၤဒိၣ်မးလၢအလၢကယဲၢ်အတၢ်ကတိၤကိးထံၣ်ဒဲး လၢထီၣ်ပှဲၤထီၣ်န့ၣ်, အိၣ်တဂၤလီၤ. မ်ပလဲၤသကိးဆူအအိၣ်တက့ၢ်. ဘၣ်သ့ၣ်သ့ၣ်အဝဲတဲပှၤလၢပထံၣ်က့ၤကသ့ၣ်ယီၤတဖၣ်ကသ့ဝဲ ဖဲလဲၣ်န့ၣ်လီၤ.”