၁ တံၤမသ့း 6:1 - Sgaw Karen Common Bible

¹ ပှၤလၢအမ့ၢ်ကုၢ်တဖၣ်န့ၣ်ကဘၣ်ပာ်ကဲအကစၢ်တဖၣ်, ဒ်ပှၤလၢအကြၢးဒီးတၢ်လီၤယူးယီၣ်ပာ်ကဲလၢာ်လၢာ်ဆ့ဆ့ အသိး, ဒ်သိးကစၢ်ယွၤအမံၤဒီးပတၢ်သိၣ်လိသီလိအံၤပှၤသု တဒုၣ်ဒွဲၣ်စံးအၢအီၤနီတဂၤတဂ့ၤအဂီၢ်န့ၣ်လီၤ.

၁ တံၤမသ့း 6:1 Iomraidhean Croise

လံာ်တၢ်ကဲထီၣ်အခီၣ်ထံး 16:9

ဒီးယွၤအကလူးန့ၣ်စံးဘၣ်အီၤ, “က့ၤကဒါက့ၤဆူနကစၢ်မုၣ် အအိၣ်ဒီးကဲအကုၢ်တက့ၢ်.”

လံာ်တၢ်ကဲထီၣ်အခီၣ်ထံး 24:12

အဝဲဘါထုကဖၣ်တၢ်, “ယွၤ, ယကစၢ်စီၤအၤဘြၤဟၣ်အကစၢ်ယွၤဧၢ, ဟ့ၣ်ယၤတၢ်မၤနၢၤလၢတနံၤအံၤဒီးဟံးဃာ်နတၢ်အၢၣ်လီၤဒီးယကစၢ် စီၤအၤဘြၤဟၣ်တက့ၢ်.

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 12:14

ဘၣ်ဆၣ်ဒီးမ့ၢ်လၢနဒုးကဲထီၣ်ယွၤလၢတၢ်ဒုၣ်ဒွဲၣ်စံးအၢ, ခီဖျိတၢ်မၤတၢ်ဒဲးဘးအံၤအဃိဒီး, နဖိကသံဝဲလီၤ.”

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယၡါယၤ 52:5

ဒီးခဲအံၤလၢကီၢ်ဘၤဘူၤလိၣ်န့ၣ်တၢ်တမံၤဃီမၤတ့ၢ်အသးလီၤ. သုဘၣ်တၢ်စိာ်မၢကဲကုၢ်သုဒီးတၢ်တဟ့ၣ်တၢ်အပှ့ၤနီ တမံၤလၢသုဂီၢ်ဘၣ်. ပှၤတဖၣ်လၢအပၢသုန့ၣ်ပာ်ထီၣ်ထီ ကတိၤဒိၣ်လီၤအသးဒီးဒုးနဲၣ်အတၢ်သူၣ်က့ၣ်သးကါဘၣ်ယၤ တထံၣ်ဃီလီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယဃ့းစက့လး 36:20

ဖဲအဝဲသ့ၣ်လဲၤတပူၤလၢ်လၢ်န့ၣ်အဝဲသ့ၣ်ဒုးအိၣ်ထီၣ်တၢ်မၤမဲာ်ဆှး ယမံၤစီဆှံမ့ၢ်လၢ, ပှၤဂီၢ်မုၢ်ကစံးလၢ, ပှၤဂီၢ်မုၢ်တဖၣ်အံၤဘၣ်ဟးထီၣ်ကွံာ်လၢကီၢ်လၢ အဝဲသ့ၣ်အကစၢ်ဒၣ်ဝဲအကစၢ်ယွၤဟ့ၣ်လီၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 36:23

တုၤမ့ၢ်ယဒုးနဲၣ်ဖျါထီၣ်ယမံၤအဒိၣ်အမုၢ်အတၢ်စီဆှံလၢပှၤကလုာ် တဖၣ်အမဲာ်ညါ, မံၤလၢသုမၤမဲာ်ဆှးတ့ၢ်အီၤလၢအဝဲသ့ၣ်အကျါ န့ၣ်ဒီး, အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ. ယကသူသုဒ်သိး ယကဒုးနဲၣ်ပှၤကလုာ်တဖၣ်လၢယမ့ၢ်တၢ်စီဆှံန့ၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 11:30

အဂ့ၢ်ဒ်အံၤ, ယနီၣ်ယိးဘိမ့ၢ်တၢ်လၢပယိးအီၤညီဒီးယတၢ်ဝံတၢ် ယိးမ့ၢ်တၢ်လၢအဖှံလီၤ.”

လံာ်မးသဲ 11:9

မ့မ့ၢ်ဒ်န့ၣ်ဒီး မ့ၢ်သုလဲၤလၢသုကထံၣ်ဘၣ်တၢ်မနုၤအဂီၢ်လဲၣ်. မ့ၢ်ဒ်သိးသုကထံၣ်ဘၣ်ဝံတဂၤန့ၣ်ဧါ. မ့မ့ၢ်ဒ်န့ၣ်ဒီးဘၣ်မး လီၤ. ဘၣ်ဆၣ်သုထံၣ်ဘၣ်တ့ၢ်လံပှၤလၢအဒိၣ်န့ၢ်ဒံးဝံတဂၤတက့ၢ်လီၤ.

လံာ်လူၤကၣ် 17:1

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “တၢ်သ့ၣ်တဖၣ်လၢအဒုးလီၤနုာ်ပှၤကညီဆူတၢ်ဒဲးဘးအပူၤန့ၣ် ကမၤအသးလီၤ. ဘၣ်ဆၣ်ဒီးပှၤတဂၤလၢအဒုးအိၣ်ထီၣ်တၢ်သ့ၣ် တဖၣ်န့ၣ်, ဘၣ်အဖှီၣ်ဆံးဒိၣ်လဲၣ်.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 10:7

ဖဲကလူးလၢအကတိၤတၢ်တဂၤဟးထီၣ်ကွံာ်ဝံၤအလီၢ်ခံန့ၣ်, စီၤကန့လံးကိးထီၣ်အခ့အပှၤလၢအမၤတၢ်လၢအဟံၣ်အကျါခံဂၤ ဒီးသုးဖိတဂၤလၢအယူးယီၣ်ဒီးပျံၤယွၤဒီးမ့ၢ်ပှၤမၤတၢ်လၢ အဂီၢ်ထီဘိအကျါတဂၤန့ၣ်လီၤ.

မၤတၢ် 15:10

မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

ရိမ့ၤ 2:24

တၢ်ကွဲးအသးစီဆှံစံးဝဲဒၣ်, လၢသုဝဲပှၤယူဒၤဖိတဖၣ်အဃိ, ပှၤကလုာ်ဂၤတဖၣ်ကတိၤတရီတပါကစၢ်ယွၤအမံၤန့ၣ်လီၤ.”

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

တံတူး 2:5

ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.