၁ တံၤမသ့း 5:7 - Sgaw Karen Common Bible

⁷ မၤလိာ်အဝဲသ့ၣ်လၢတၢ်သိၣ်လိသီလိတဖၣ်အံၤ, ဒ်သိးပှၤသုတပာ်တၢ်ကမၣ်လၢအဝဲသ့ၣ်အလိၤနီတဂၤတဂ့ၤ အဂီၢ်န့ၣ်တက့ၢ်.

၁ တံၤမသ့း 5:7 Iomraidhean Croise

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

၁ တံၤမသ့း 1:3

ယအဲၣ်ဒိးလၢနကအိၣ်လၢဝ့ၢ်အ့းဖ့းစူးအပူၤ, ဒ်ယမၢန့ၢ်ဆီၣ်ခံနၤဖဲယလဲၤဆူကီၢ်မၤက့းဒနံအခါအသိးန့ၣ် လီၤ. ပှၤအိၣ်ဖဲန့ၣ်တနီၤ သိၣ်လီၤသီလီၤတၢ်စူၢ်ကမၣ်နာ်ကမၣ် တဖၣ်, သတးဒီးနကဘၣ်ဟ့ၣ်လီၤနကလုၢ်လၢ အဝဲသ့ၣ်ကဆိကတီၢ်ကွံာ်ဝဲအဂီၢ်လီၤ.

၁ တံၤမသ့း 4:11

မၤလိာ်ဒီးသိၣ်လိအဝဲသ့ၣ်လၢတၢ်သ့ၣ်တဖၣ်အံၤတက့ၢ်.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၂ တံၤမသ့း 4:1

လၢကစၢ်ယွၤဒီးယ့ၣ်ၡူးခရံာ်လၢအကစံၣ်ညီၣ်ပှၤအမူဒီးပှၤအသံ တဂၤအမဲာ်ညါ, ဒီးမ့ၢ်လၢအဝဲကဟဲပၢတၢ်ဒ်စီၤပၤတဂၤအသိးအဃိ, ယမၤလိာ်နၤလၢတၢ်သညူးသပှၢ်အပူၤ,

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.