၁ တံၤမသ့း 5:25 - Sgaw Karen Common Bible

²⁵ ဒ်န့ၣ်အသိး, တၢ်မၤဂ့ၤတဖၣ်ဘၣ်တၢ်ထံၣ်န့ၢ်အီၤဖျါဖျါ, ဒီးလၢအတအိၣ်ဖျါတဖၣ်ဒၣ်လဲာ်န့ၣ် တၢ်ပာ်ခူသူၣ်အီၤတန့ၢ်ဘၣ်.

၁ တံၤမသ့း 5:25 Iomraidhean Croise

တၢ်ကတိၤဒိ. 10:9

ပှၤအတီအလိၤတဖၣ်လဲၤတၢ်ဂၢၢ်ဂၢၢ်ကျၢၤကျၢၤလီၤ. မ့မ့ၢ်ပှၤလၢအမၤဒၢက့ၣ်ဒၢကူအကျဲတဖၣ်န့ၣ်, ကဘၣ်တၢ်ဖီၣ်န့ၢ်အီၤလီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 11:33

ပှၤတဒွဲၣ်ထီၣ်မ့ၣ်အူဒၢဝံၤဒီးပာ်ခူသူၣ်ဝဲ, မ့တမ့ၢ်ပာ်ဝဲလၢနာ်အဖီလာ်နီတဂၤန့ၣ်ဘၣ်. မ့မ့ၢ်, အဝဲဒၣ်ပာ်ထီၣ်အီၤလၢတၢ်ပာ်မ့ၣ်အူဒၢအလီၢ်, ဒ်သိးပှၤကထံၣ်ဘၣ်တၢ်ကပီၤဖဲပှၤဟဲနုာ်လီၤအဆၢကတီၢ်န့ၣ်လီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 22:12

ပှၤအိၣ်ဝဲတဂၤလၢအမံၤမ့ၢ် စီၤအနၤနံ, ပှၤတဂၤလၢအအဲၣ် ထူအဲၣ်ယွၤ, ဒ်တၢ်သိၣ်တၢ်သီအိၣ်ဝဲအသိး, ဒီးဘၣ်တၢ်ပာ်ကဲအီၤအဒိၣ်အအါလၢပှၤယူဒၤ ဖိအိၣ်ဖဲဝ့ၢ်ဒၤမ့ၤစ့းတဖၣ်န့ၣ်လီၤ.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

၁ တံၤမသ့း 3:7

အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”