၁ တံၤမသ့း 5:19 - Sgaw Karen Common Bible

¹⁹ တၢ်ပာ်တၢ်ကမၣ်လၢပှၤသူၣ်က့သးပှၢ်တဂၤဂၤအလိၤန့ၣ်, ပှၤအုၣ်အသးခံဂၤ, မ့တမ့ၢ်, သၢဂၤမ့ၢ်တအိၣ်ဘၣ်ဒီး, တဘၣ်ကနၣ်ဃုာ်တဂ့ၤ.

၁ တံၤမသ့း 5:19 Iomraidhean Croise

လံာ်မးသဲ 18:16

မ့ၢ်တဒိကနၣ်နၤဒီး, ကိးဃုာ်ပှၤအဂၤတဂၤမ့ၢ်ဂ့ၤ, ခံဂၤမ့ၢ်ဂ့ၤဒီးနၤ, ဒ်သိးတၢ်ကတိၤကိးထံၣ်ဒဲး, ကဘၣ်တၢ်ပာ်ဂၢၢ်ပာ်ကျၢၤအီၤလၢပှၤအုၣ်အသးခံဂၤမ့ၢ်ဂ့ၤ, သၢဂၤမ့ၢ်ဂ့ၤန့ၣ်တက့ၢ်.

လံာ်ယိၤဟၣ် 18:29

လၢတၢ်န့ၣ်အဃိ, စီၤပံၤလးဟးထီၣ်ဆူတၢ်ချၢဆူအဝဲသ့ၣ် အအိၣ်ဒီးသံကွၢ်အီၤ, “သုပာ်တၢ်ကမၣ်မနုၤတမံၤလၢပှၤ တဂၤအံၤအလိၤလဲၣ်.”

လံာ်ယိၤဟၣ် 8:17

တၢ်ကွဲးအသးလၢသုတၢ်သိၣ်တၢ်သီအပူၤ, ဖဲပှၤခံဂၤအတၢ်အုၣ်အသးဃူဃီၣ်လီၤပလိာ်ဝဲန့ၣ်, တၢ်လၢအဝဲသ့ၣ်စံးန့ၣ်, မ့ၢ်ဝဲတီဝဲလီၤ (သိၣ်သီ ၁၉:၁၅).

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 25:16

ဘၣ်ဆၣ်ဒီးယစံးဘၣ်အဝဲသ့ၣ်လၢပဝဲပှၤရိမ့ၤဖိတဖၣ်အိၣ် ဒီးအလုၢ်အလၢ်လၢအကဒုးထံၣ်လိာ်ပှၤလၢအဘၣ်တၢ်လိာ် ကွီၢ်အီၤတဂၤဒီးပှၤလၢအလိာ်ကွီၢ်တၢ်တဖၣ်မဲာ်သကိးမဲာ်ဒ်သိး အကအိၣ်ဒီးအခွဲးအယာ်လၢအကကတိၤဒီဒၣ်အသးတချုး လၢတၢ်ဟ့ၣ်လီၤကွံာ်ပှၤလၢအဘၣ်တၢ်လိာ်ကွီၢ်အီၤတဂၤန့ၣ်လီၤ.

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

လံာ်သိၣ်လီၤသီလီၤတၢ် 17:6

မ့ၢ်နာ်သက့ဒီးအဝဲကဘၣ်တၢ်မၤသံဒၣ်အီၤဖဲပှၤအုၣ်အသးအိၣ်ဝဲ ခံဂၤမ့တမ့ၢ်အါန့ၢ်ခံဂၤလၢအအုၣ်အသးထီဒါအီၤန့ၣ်လီၤ. ပှၤအုၣ်အသးမ့ၢ်အိၣ်ဒၣ်ထဲတဂၤဧိၤန့ၣ်တၢ်တဘၣ်ကွံာ်သံအီၤဘၣ်.

လံာ်သိၣ်လီၤသီလီၤတၢ် 19:15

လၢတၢ်ကစံၣ်ညီၣ်ပှၤတဂၤအတၢ်မၤကမၣ်တမံၤအဂီၢ်န့ၣ်, ပှၤအုၣ်အသးတဂၤတမ့ၢ်တၢ်လၢတၢ်ပှဲၤဘၣ်. အစှၤကတၢၢ်ပှၤအုၣ်အသးကဘၣ်အိၣ်ခံဂၤလၢကအုၣ်အသးလၢ ပှၤတဂၤန့ၣ်အတၢ်ကမၣ်အိၣ်ဝဲအဂ့ၢ်န့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.