၁ တံၤမသ့း 5:13 - Sgaw Karen Common Bible

¹³ အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

၁ တံၤမသ့း 5:13 Iomraidhean Croise

တၢ်ကတိၤဒိ. 11:13

ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, နနာ်န့ၢ်အီၤလၢတၢ်ခူသူၣ်အဂ့ၢ်တမံၤတသ့ဘၣ်. မ့မ့ၢ်နပာ်တၢ်နာ်န့ၢ်လၢပှၤလၢအလီၤနာ်တဂၤသ့ဝဲလီၤ.

တၢ်ကတိၤဒိ. 20:19

တၢ်သီၣ်ဝံသဲကလၤတမံၤန့ၣ်ပၢၤဃာ်တၢ်ခူသူၣ်တမံၤတန့ၢ်နီတစု ဘၣ်. အိၣ်ယံၤဒီးပှၤလၢအတၢ်ကတိၤအါကဲာ်ဆိးတဖၣ်န့ၣ်တက့ၢ်.

တၢ်ကတိၤဒိ. 31:27

အဝဲအတၢ်မၤအါထီဘိဒီးကွၢ်ထွဲအဟံၣ်ဖိဃီဖိအတၢ်လိၣ်တဖၣ် န့ၣ်လီၤ.

တၢ်ကတိၤဒိ. 7:11

အဝဲမ့ၢ်ပိာ်မုၣ်တဂၤလၢအမဲာ်ကဲၤဒီးတၢ်မဲာ်ဆှးတအိၣ်ဘၣ်, ထီဘိလဲၤဝ့ၤဝီၤတၢ်လၢကျဲမုၢ်တဖၣ်အဖီခိၣ်,

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်လူၤကၣ် 10:7

အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

၁ တံၤမသ့း 5:12

ဒီး ကကဲထီၣ်ပှၤမၤကမၣ်တၢ်တဖၣ် မ့ၢ်လၢအလုၣ်သ့ၣ်ခါပတာ်အတၢ်အၢၣ်လီၤလၢညါဒီးအီၤ အဃိန့ၣ်လီၤ.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

ယၤကိာ် 3:10

တၢ်စံးဘျုးစံးဖှိၣ်ဒီးတၢ်ဆိၣ်အၢအတၢ်ကတိၤတဖၣ်ဟး ထီၣ်လၢအထးခိၣ်တပူၤဃီလီၤ. ယဒီပုၢ်ဝဲၢ်သ့ၣ်ဧၢ, တၢ်အံၤတကြၢးမၤအသးဘၣ်.

၁ ပ့းတရူး 4:15

သုမ့ၢ်တူၢ်ဘၣ်တၢ်တဂၤဂၤဒီး, တကြၢးမ့ၢ်ဒ်ပှၤမၤသံပှၤကညီ တဂၤ, မ့တမ့ၢ်တၢ်ဘျၣ်တဂၤ, မ့တမ့ၢ်ပှၤမၤအၢမၤသီတၢ် တဂၤ, မ့တမ့ၢ်ပှၤဂိာ်စုဂိာ်ခီၣ်လၢပှၤဂၤအတၢ်ဂ့ၢ်တဂၤအသိး န့ၣ်ဘၣ်.

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.