၁ တံၤမသ့း 4:15 - Sgaw Karen Common Bible

¹⁵ မၤတၢ်သ့ၣ်တဖၣ်အံၤဒီးဟ့ၣ်လီၤနသးဆူအပူၤဒ်သိးဒီး နတၢ်ဒိၣ်ထီၣ်ထီထီၣ်ကဘၣ်တၢ်ထံၣ်အီၤလၢပှၤခဲလၢာ် တက့ၢ်.

၁ တံၤမသ့း 4:15 Iomraidhean Croise

စံးထီၣ်ပတြၢၤ 1:2

မုာ်လၤဝဲလၢတၢ်ဒိကနၣ်ယွၤအတၢ်သိၣ်တၢ်သီအပူၤ, ဒီးဆိကမိၣ်ဝဲယွၤအတၢ်သိၣ်တၢ်သီ, မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 104:34

မ်ယတၢ်ဆိကမိၣ်န့ၣ်ဘၣ်အသးတက့ၢ်. ဒီး, ယကသးခုလၢယွၤအပူၤလီၤ.

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 119:148

ဒီနၤညါန့ၣ်ယဆိးသီယဲဒ်သိးယကဆိကမိၣ် တၢ်လၢ နကလုၢ်ကထါအဂ့ၢ်လီၤ.

စံးထီၣ်ပတြၢၤ 119:15

ယမၤလိနတၢ်သိၣ်လီၤသီလီၤတဖၣ်, ဒီးယသမံသမိးကွၢ်နတၢ်သိၣ်လိသီလိတဖၣ်လီၤ.

စံးထီၣ်ပတြၢၤ 119:23

ပဒိၣ်ဖးဒိၣ်တဖၣ်ဒၣ်လဲာ်ဆ့ၣ်နီၤဒီးကူၣ်ထီဒါယၤလီၤ. မ့မ့ၢ်ယဲဒၣ်အံၤယကမၤလိ နတၢ်သိၣ်လိသီလိတဖၣ်န့ၣ်လီၤ.

စံးထီၣ်ပတြၢၤ 119:48

ယပာ်ကဲနတၢ်မၤလိာ်တဖၣ်လၢယအဲၣ်ဘၣ်အီၤအဃိ, ဒီးယကဆိကမိၣ်ထီၣ် နတၢ်သိၣ်တၢ်သီတဖၣ်န့ၣ်လီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

စံးထီၣ်ပတြၢၤ 119:99

ယအိၣ်ဒီးတၢ်နၢ်ပၢၢ်အါန့ၢ် ပှၤသိၣ်လိယၤခဲလၢာ်တက့ၢ်လီၤ. အဂ့ၢ်ဒ်အံၤ, ယဆိကမိၣ် နတၢ်အုၣ်နသးတဖၣ်အဂ့ၢ်အကျိၤလီၤ.

စံးထီၣ်ပတြၢၤ 143:5

ယသ့ၣ်နီၣ်ထီၣ်က့ၤမုၢ်နံၤမုၢ်သီလၢ အပူၤကွံာ်သ့ၣ်တဖၣ်, ယဆိကမိၣ်ထီၣ်က့ၤတၢ်ဂ့ၢ်လၢနမၤတ့ၢ်ခဲလၢာ်, ယသးဆိကမိၣ်ထီၣ်က့ၤ နတၢ်မၤခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 19:14

မ်ယထးခိၣ်အတၢ်ကတိၤ ဒီးယသးအတၢ်ဆိကမိၣ်န့ၣ် ဘၣ်နသးတက့ၢ်. ယလၢၢ်ဒီးတၢ်ပှ့ၤက့ၤယၤ, ယွၤဧၢ.

စံးထီၣ်ပတြၢၤ 49:3

ယထးခိၣ်ကစံးကတိၤတၢ်ကူၣ်သ့, ယသးအတၢ်ဆိကမိၣ်ကဘၣ်တၢ်နၢ်ပၢၢ်အီၤလီၤ.

စံးထီၣ်ပတြၢၤ 63:6

ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်, ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.

စံးထီၣ်ပတြၢၤ 77:12

ယကဆိကမိၣ်ထီၣ်က့ၤကယဲၢ်တၢ်လၢနမၤတ့ၢ်ခဲလၢာ် ဒီးနစိနကမီၤအတၢ်ဖံးတၢ်မၤတဖၣ်န့ၣ်လီၤ.

လံာ်တၢ်ဂံၢ် 8:26

တၢ်န့ၣ်အလီၢ်ခံအဝဲသ့ၣ်ကဘၣ်မၤစၢၤက့ၤပှၤလ့ၤဝံဖိကဒဲကဒဲ လၢတၢ်စိာ်ထီၣ်အဝဲသ့ၣ်အမူအဒါလၢဒဲစီဆှံအပူၤ, ဘၣ်ဆၣ်, အဝဲသ့ၣ်တဘၣ်မၤတၢ်ဖံးတၢ်မၤလၢအနီၢ်ကစၢ်ဒၣ်ဝဲနီတမံၤဘၣ်. တၢ်အံၤမ့ၢ်ကျဲလၢနကသိၣ်လိနဲၣ်လီၤမူဒါတဖၣ်လၢပှၤလ့ၤဝံဖိ တဖၣ်အဂီၢ်န့ၣ်လီၤ.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

မၤတၢ် 6:4

ပဝဲဒၣ်ပကစၢ်ဒၣ်ပဝဲတခီ, ပကဟ့ၣ်လီၤပဆၢကတီၢ်လၢာ်လၢာ်ဆ့ဆ့လၢတၢ်ထု ကဖၣ်ဒီးတၢ်စံၣ်တဲၤတဲလီၤယွၤကလုၢ်ကထါအဂီၢ်လီၤ.”

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

၂ ကရံၣ်သူး 4:14

ပသ့ၣ်ညါပဝဲလၢကစၢ်ယွၤလၢအဒုးဂဲၤဆၢထၢၣ်သမူထီၣ်က့ၤ ကစၢ်ယ့ၣ်ၡူးန့ၣ်, ကဒုးဂဲၤဆၢထၢၣ်သမူထီၣ်က့ၤပှၤစ့ၢ်ကီးဒီး စိာ်ဃုာ်ပှၤတပူၤဃီဒီးသုဆူအဝဲဒၣ်အမဲာ်ညါန့ၣ်လီၤ.

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.