၁ တံၤမသ့း 4:14 - Sgaw Karen Common Bible

¹⁴ သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 4:14 Iomraidhean Croise

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 13:3

အဝဲသ့ၣ်ဒုၣ်တၢ်အီၣ်တၢ်အီဒီးဃ့ဘါထုကဖၣ်တၢ်ဝံၤ အလီၢ်ခံ, ပာ်ထီၣ်အစုလၢစီၤဘၢ်နါဘၤဒီးစီၤစီလူးအလိၤဝံၤဒီး, မၢလီၤအဝဲသ့ၣ်လီၤ.

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 22:5

ပှၤလုၢ်တၢ်အခိၣ်အဒိၣ်ကတၢၢ်ဒီးကီၣ်ကးဒီဖုညါန့ၣ်အုၣ် အသးသ့ဝဲလၢယကတိၤတၢ်မ့ၢ်တၢ်တီန့ၣ်လီၤ. ယဒိးန့ၢ်ဘၣ်အဝဲသ့ၣ်အတၢ်ပရၢလၢအကွဲးဝဲဆူပှၤ ယူဒၤဖိဒ်သိးဒီးအီၤလၢအအိၣ်ဖဲဝ့ၢ်ဒၤမ့ၤစ့းတဖၣ် အအိၣ်, သတးဒီးယလဲၤဖဲန့ၣ်ဒ်သိးယကဖီၣ်ပှၤပိာ် ယ့ၣ်ၡူးခရံာ်အကျဲတဖၣ်န့ၣ်, စၢဃာ်အီၤလၢပျံၤထးဒီးဟဲက့ၤကိးအီၤဆူဝ့ၢ်ယရူၤၡလ့ၣ် လၢတၢ်စံၣ်ညီၣ်အဂီၢ်န့ၣ်လီၤ.

မၤတၢ် 6:6

အဝဲသ့ၣ်ဆှၢထီၣ်ပှၤတဖၣ်အံၤဆူပှၤတၢ်မၢဖိတဖၣ်အမဲာ်ညါ, ဒီးပှၤတၢ်မၢဖိတဖၣ်ဃ့ထုကဖၣ်ယွၤဒီးပာ်အစုလၢပှၤတဖၣ် အံၤအခိၣ်လိၤလီၤ.

မၤတၢ် 8:17

အန့ၣ်ဒီးစီၤပ့းတရူးဒီးစီၤယိၤဟၣ်ပာ်ထီၣ်အစုလၢအဝဲသ့ၣ်အခိၣ် ဖီခိၣ်, ဒီးအဝဲသ့ၣ်ဒိးန့ၢ်ဘၣ်သးစီဆှံန့ၣ်လီၤ.

၁ သ့းစၤလနံ 5:19

သုသုတမၤလီၤပံာ်ကွံာ်ယွၤအသးတဂ့ၤ, သုသုတဆိကမိၣ်ဆံးဝံတဖၣ်အတၢ်ကစီၣ်တဂ့ၤ.

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၁ တံၤမသ့း 4:15

မၤတၢ်သ့ၣ်တဖၣ်အံၤဒီးဟ့ၣ်လီၤနသးဆူအပူၤဒ်သိးဒီး နတၢ်ဒိၣ်ထီၣ်ထီထီၣ်ကဘၣ်တၢ်ထံၣ်အီၤလၢပှၤခဲလၢာ် တက့ၢ်.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

၁ တံၤမသ့း 5:19

တၢ်ပာ်တၢ်ကမၣ်လၢပှၤသူၣ်က့သးပှၢ်တဂၤဂၤအလိၤန့ၣ်, ပှၤအုၣ်အသးခံဂၤ, မ့တမ့ၢ်, သၢဂၤမ့ၢ်တအိၣ်ဘၣ်ဒီး, တဘၣ်ကနၣ်ဃုာ်တဂ့ၤ.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

၂ တံၤမသ့း 1:6

လၢတၢ်ဂ့ၢ်အံၤအဃိ, ယဒုးသ့ၣ်နီၣ်ထီၣ်နၤလၢနကထိၣ် ဂဲၤထီၣ်တၢ်ဟ့ၣ်လၢကစၢ်ယွၤဟ့ၣ်လီၤတ့ၢ်နၤ, ဖဲယပာ်ယစုလၢနလိၤအခါန့ၣ်လီၤ.