၁ တံၤမသ့း 4:13 - Sgaw Karen Common Bible

¹³ တချုးယဟဲဒံးဘၣ်ဒီး, ဟ့ၣ်လီၤနတၢ်ဆၢကတီၢ်ဒီးတၢ်ကျဲးစၢးလၢတၢ်ဖးန့ၢ်ပှၤဂီၢ်မုၢ် လၢတၢ်ကွဲးအသးစီဆှံတဖၣ်, ဒီးလၢတၢ်စံၣ်တဲၤတဲလီၤတၢ်ဒီးလၢတၢ်သိၣ်လိသီလိတၢ် အဂီၢ်န့ၣ်တက့ၢ်.

၁ တံၤမသ့း 4:13 Iomraidhean Croise

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 6:4

ပဝဲဒၣ်ပကစၢ်ဒၣ်ပဝဲတခီ, ပကဟ့ၣ်လီၤပဆၢကတီၢ်လၢာ်လၢာ်ဆ့ဆ့လၢတၢ်ထု ကဖၣ်ဒီးတၢ်စံၣ်တဲၤတဲလီၤယွၤကလုၢ်ကထါအဂီၢ်လီၤ.”

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:3

မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

1 ကရံၣ်သူး 14:6

လၢတၢ်န့ၣ်အဃိ, ဖဲယဟဲယဲဆူသုအိၣ်အဆၢကတီၢ်န့ၣ်, ယမ့ၢ်ကတိၤတၢ်လၢပျ့ၤလီၤဆီတဖၣ်ဒီး, ယဘျုးကအိၣ် ဝဲလၢသုဂီၢ်မနုၤတမံၤလဲၣ်. မ့တမ့ၢ်ယဟဲစိာ်န့ၢ်သုတၢ်လီၣ်ဖျါတမံၤမံၤလၢကစၢ် ယွၤအအိၣ်, မ့တမ့ၢ်တၢ်သ့ၣ်ညါနၢ်ပၢၢ်တမံၤမံၤ, မ့တမ့ၢ်တၢ်ကတိၤလၢဝံအကျိာ်, မ့တမ့ၢ်တၢ်သိၣ်လီၤသီလီၤတမံၤမံၤဒီးယဘျုးတအိၣ်နီ တမံၤဘၣ်.

လံာ်သိၣ်လီၤသီလီၤတၢ် 17:19

အဝဲကဘၣ်ပာ်လံာ်အံၤဘူးဒီးအီၤဒီးဖးအီၤလၢအသးသမူ ဒီစိၤညါဒ်သိးအဝဲကမၤလိန့ၢ်တၢ်ယူးယီၣ်ယွၤဒီးစူၢ်ကယဲၢ်တၢ်မၤလိာ်တဖၣ်လၢအအိၣ်လၢလံာ်န့ၣ်အပူၤလၢတၢ်ကလုၢ်တီန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.