၁ တံၤမသ့း 3:8 - Sgaw Karen Common Bible

⁸ ပှၤမၤစၢၤတၢ်လၢတၢ်အိၣ်ဖှိၣ်အပူၤတဖၣ်စ့ၢ်ကီးကဘၣ်အိၣ် ဒီးသကဲာ်ပဝးလၢအဂ့ၤဒီးကတိၤတၢ်တီတီလိၤလိၤန့ၣ် လီၤ. အဝဲသ့ၣ်တဘၣ်အီစပံးထံအါကဲၣ်ဆိးဒီးတဘၣ် သူၣ်လီသးကွံစ့န့ၣ်ဘၣ်.

၁ တံၤမသ့း 3:8 Iomraidhean Croise

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

စံးထီၣ်ပတြၢၤ 50:19

နဟ့ၣ်နထးခိၣ်ဆူတၢ်အၢတၢ်သီ, ဒီးနပျုၤဆူတၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

လံာ်ယဃ့းစက့လး 44:21

ပှၤလုၢ်တၢ်အခိၣ်တဖၣ်တချုးလၢအနုာ်ဆူတၢ်လုၢ်ဟံၣ်အဂၢၤ လၢတၢ်အိပူၤန့ၣ်တဘၣ်အီစပံးထံနီတမံၤဘၣ်.

ရိမ့ၤ 3:13

အဝဲသ့ၣ်အကိာ်ပူၤတဖၣ်လီၤဂာ်ဒ် တၢ်သွၣ်ခိၣ်အပူၤအိၣ်အိးထီၣ်အသးအသိး, တၢ်လီတၢ်ဝ့ၤအအၢအသီတဖၣ် ဟဲထီၣ်လၢအပျ့ၤအလိၤ, ဒီးတၢ်ကတိၤအအၢအသီဒ် ဂုၢ်အၢအစုၣ်အပျၢ်အသိးတဖၣ်န့ၣ် ဟးထီၣ်လၢအထးခိၣ်,

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

၁ တံၤမသ့း 3:12

ပှၤမၤစၢၤတၢ်အိၣ်ဖှိၣ်တဂၤန့ၣ်ကဘၣ်အိၣ်ဒီးအမါထဲတဂၤဧိၤ, ဒီးကဘၣ်သ့ပၢဆှၢအဖိအလံၤဒီးအဒူၣ်ဖိထၢဖိဂ့ၤဂ့ၤဘၣ်ဘၣ် န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 5:23

တဘၣ်အီထဲထံတဂ့ၤ, မ့မ့ၢ်အီစပံးထံတဆံးတက့ၢ်လၢကမၤစၢၤ နကဖုအဂီၢ်, မ့ၢ်လၢနဆိးက့တလီၢ်လီၢ်အဃိန့ၣ်တက့ၢ်.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

ယၤကိာ် 3:10

တၢ်စံးဘျုးစံးဖှိၣ်ဒီးတၢ်ဆိၣ်အၢအတၢ်ကတိၤတဖၣ်ဟး ထီၣ်လၢအထးခိၣ်တပူၤဃီလီၤ. ယဒီပုၢ်ဝဲၢ်သ့ၣ်ဧၢ, တၢ်အံၤတကြၢးမၤအသးဘၣ်.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.