၁ တံၤမသ့း 3:7 - Sgaw Karen Common Bible

⁷ အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

၁ တံၤမသ့း 3:7 Iomraidhean Croise

လံာ်မၢ်ကူး 4:11

ယ့ၣ်ၡူးစံးဆၢက့ၤအဝဲသ့ၣ်, “သုဝဲသ့ၣ်အံၤတၢ်ဒုးသ့ၣ်ညါ တ့ၢ်သုတၢ်ခူသူၣ်ဘၣ်ဃးဒီးကစၢ်ယွၤအဘီအမုၢ်န့ၣ်လံ. မ့မ့ၢ်ပှၤအိၣ်လၢတၢ်ချၢတဖၣ်န့ၣ်နၢ်ဟူဒၣ်ထဲတၢ်ကတိၤဒိ တဖၣ်ဧိၤလီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 22:12

ပှၤအိၣ်ဝဲတဂၤလၢအမံၤမ့ၢ် စီၤအနၤနံ, ပှၤတဂၤလၢအအဲၣ် ထူအဲၣ်ယွၤ, ဒ်တၢ်သိၣ်တၢ်သီအိၣ်ဝဲအသိး, ဒီးဘၣ်တၢ်ပာ်ကဲအီၤအဒိၣ်အအါလၢပှၤယူဒၤ ဖိအိၣ်ဖဲဝ့ၢ်ဒၤမ့ၤစ့းတဖၣ်န့ၣ်လီၤ.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

1 ကရံၣ်သူး 5:12

နီၢ်နီၢ်န့ၣ်, တမ့ၢ်ယတၢ်ဖံးတၢ်မၤလၢယကစံၣ်ညီၣ်ပှၤအိၣ်လၢတၢ်ချၢ န့ၣ်ဘၣ်. ကစၢ်ယွၤကစံၣ်ညီၣ်အဝဲသ့ၣ်လီၤ. ဘၣ်ဆၣ်ဒီးမ့ၢ်သုတကြၢးစံၣ်ညီၣ်ပှၤအိၣ်လၢသုတၢ်အိၣ်ဖှိၣ်အပူၤ ဘၣ်ဧါ. ဒ်တၢ်ကွဲးအသးစံးဝဲအသိး, “ထုးထီၣ်ကွံာ်ပှၤအၢပှၤသီလၢသုသိးသုကျါန့ၣ်တက့ၢ်.”

၂ ကရံၣ်သူး 6:3

ပတအဲၣ်ဒိးလၢပှၤတဂၤဂၤကထံၣ်န့ၢ်တၢ်ကမၣ်လၢပတၢ်ဖံး တၢ်မၤအပူၤဘၣ်အဃိဒီး, ပဂုာ်ကျဲးစၢးဒ်သိးပသုတပာ်လီၤတၢ်တြီမၤတံာ်တာ်လၢပှၤ အကျဲနီကစၢ်တဂၤတဂ့ၤန့ၣ်လီၤ.

၂ ကရံၣ်သူး 8:21

ပတၢ်တိာ်ပာ်ကွၢ်စိမ့ၢ်ဝဲ, ပကမၤတၢ်လၢအကြၢးဝဲဘၣ်ဝဲ, တမ့ၢ်ထဲလၢကစၢ်ယွၤအမဲာ်ညါဘၣ်. မ့မ့ၢ်လၢပှၤကညီ အမဲာ်ညါစ့ၢ်ကီးန့ၣ်လီၤ.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.

၁ သ့းစၤလနံ 4:12

သုမ့ၢ်မၤဒ်န့ၣ်ဒီး, သုကဒိးန့ၢ်ဘၣ်ပှၤလၢအတစူၢ်တနာ်ခရံာ်တဖၣ်အတၢ်ယူးယီၣ် ပာ်ကဲသု, ဒီးအလီၢ်တအိၣ်လၢသုကသန့ၤသုသးလၢပှၤဂုၤ ပှၤဂၤလၢသုတၢ်လိၣ်တဖၣ်အဂီၢ်န့ၣ်ဘၣ်လီၤ.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

၁ တံၤမသ့း 3:6

အဝဲတဘၣ်မ့ၢ်ပှၤကဲထီၣ်သီအပျဲၢ်အဘီၣ်ဘၣ်. မ့မ့ၢ်ကဘၣ်ဒိၣ်တုာ်ခိၣ်ပှဲၤလၢတၢ်စူၢ်တၢ်နာ် အပူၤ, ဒ်သိးအသုတပာ်ကဖၢလၢအသးဒီးဘၣ်တၢ်စံၣ်ညီၣ် အီၤဒ်မုၣ်ကီၤလံၢ်ဘၣ်တၢ်စံၣ်ညီၣ်အီၤအသိးတဂ့ၤအဂီၢ် န့ၣ်လီၤ.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

၂ တံၤမသ့း 2:26

ဒီးအဝဲသ့ၣ်ကသ့ၣ်ညါလီၤက့ၤအသးဒီးမၤထူၣ်ဖျဲးကွံာ်အသး လၢမုၣ်ကီၤလံၢ်အပျံၤသကွီၤလၢအဖီၣ်န့ၢ်အဝဲသ့ၣ်ဒ်သိးအဝဲသ့ၣ် ကစူၢ်အဝဲအတၢ်ဘၣ်အသးအဂီၢ်န့ၣ်လီၤ.

တံတူး 2:5

ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.

၃ ယိၤဟၣ် 1:12

ပှၤကိးဂၤဒဲးကတိၤဂ့ၤဘၣ်စီၤဒ့ၤမ့ၤတြံၤန့ၣ်လီၤ. တၢ်မ့ၢ်တၢ်တီအုၣ်အသးလၢအဝဲဂ့ၤအဂ့ၢ်န့ၣ်လီၤ. ဒီးပပာ်ဖှိၣ်စ့ၢ်ကီးပတၢ်အုၣ်ပသး, ဒီးသုသ့ၣ်ညါလၢတၢ်လၢပစံးန့ၣ်မ့ၢ်ဝဲတီဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:24

ဆိကတီၢ်ကွံာ်အီၤယဖိခွါသ့ၣ်ဧၢ. အဝဲအံၤမ့ၢ်တၢ်လီၤပျံၤ လီၤဖုးဒိၣ်မးလၢယွၤအပှၤဂီၢ်မုၢ်ကတိၤဝဲအဂ့ၢ်န့ၣ်လီၤ.