၁ တံၤမသ့း 3:6 - Sgaw Karen Common Bible

⁶ အဝဲတဘၣ်မ့ၢ်ပှၤကဲထီၣ်သီအပျဲၢ်အဘီၣ်ဘၣ်. မ့မ့ၢ်ကဘၣ်ဒိၣ်တုာ်ခိၣ်ပှဲၤလၢတၢ်စူၢ်တၢ်နာ် အပူၤ, ဒ်သိးအသုတပာ်ကဖၢလၢအသးဒီးဘၣ်တၢ်စံၣ်ညီၣ် အီၤဒ်မုၣ်ကီၤလံၢ်ဘၣ်တၢ်စံၣ်ညီၣ်အီၤအသိးတဂ့ၤအဂီၢ် န့ၣ်လီၤ.

၁ တံၤမသ့း 3:6 Iomraidhean Croise

လံာ်စီၤပၤခံဘ့ၣ်တဘ့ၣ် 14:10

ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်လူၤကၣ် 10:18

ယ့ၣ်ၡူးစံးဆၢအဝဲသ့ၣ်, “ယထံၣ်မုၣ်ကီၤလံၢ်ဟဲလီၤတဲာ်လၢမူခိၣ်ဒ်လီဝၢ်ဒံးအသိးလီၤ.

1 ကရံၣ်သူး 3:1

မ့မ့ၢ်သုဝဲသ့ၣ်အံၤ, ယဒီပုၢ်ဝဲၢ်သ့ၣ်ဧၢ, ယကတိၤတၢ်ဒီးသုဒ်ယကတိၤတၢ်ဒီးပှၤတဖၣ်လၢအအိၣ်ဒီးသးစီဆှံ န့ၣ်တသ့ဘၣ်. ယဘၣ်ကတိၤတၢ်ဒီးသုဒ်သုဘၣ်ထွဲလၢဟီၣ်ခိၣ် တဘ့ၣ်အံၤ, ဒ်ပှၤဖိဒံဖိသၣ်လၢခရံာ်ဖိအတၢ်စူၢ်တၢ်နာ်အပူၤ အသိးန့ၣ်လီၤ.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

၁ တံၤမသ့း 3:7

အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

၁ တံၤမသ့း 6:4

ပာ်ကဖၢလၢအသးဒီးတသ့ၣ်ညါတၢ်နီတမံၤဘၣ်. အဝဲအိၣ်ဒီးသးလၢအတလိၤဘၣ်လၢအအဲၣ်ဒိးဂ့ၢ်လိာ်ဘှီ လိာ်ဒီးအ့ၣ်လိာ်ဆိးက့လိာ်အသးဘၣ်ဃးတၢ်ကတိၤတဖၣ်, ဒီးတၢ်ဝဲအံၤ ဒုးအိၣ်ထီၣ်တၢ်သူၣ်က့ၣ်သးကါ, တၢ်အ့ၣ်လိာ်ဆိးက့လိာ်, တၢ်ဒုၣ်ဒွဲၣ်စံးအၢ, ဒီးတၢ်ဆိကမိၣ်ကမၣ်အအၢအသီတဖၣ်,

၂ တံၤမသ့း 3:4

အဝဲသ့ၣ်ကကူၣ်အၢတၢ်, ကမၤကြီတၢ်, ဒီးကပာ်ကဖၢလၢ အသး, ကအဲၣ်တၢ်မုာ်တၢ်လၤဒိၣ်န့ၢ်ဒံးတၢ်အဲၣ်ကစၢ်ယွၤ တက့ၢ်လီၤ.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.