၁ တံၤမသ့း 3:5 - Sgaw Karen Common Bible

⁵ အဂ့ၢ်ဒ်လဲၣ်န့ၣ်, ပှၤတဂၤလၢအတသ့ၣ်ညါပၢဆှၢအဟံၣ် ဖိဃီဖိဒၣ်ဝဲန့ၣ်, အံးထွဲကွၢ်ထွဲယွၤအတၢ်အိၣ်ဖှိၣ်ကသ့လၢကျဲဒ်လဲၣ်.

၁ တံၤမသ့း 3:5 Iomraidhean Croise

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

အ့းဖ့းစူး 1:22

ကစၢ်ယွၤပာ်တၢ်ခဲလၢာ်လၢခရံာ်အခီၣ်အဖီလာ်, ဒီးဒ်ကစၢ် အဒိၣ်ကတၢၢ်,

အ့းဖ့းစူး 5:24

လၢတၢ်န့ၣ်အဃိမါတဖၣ်ကဘၣ်ဒိးပၢဒိးဆှၢအသးလၢအဝၤ တဖၣ်လၢတၢ်ကိးမံၤဒဲးအပူၤ, ဒ်တၢ်အိၣ်ဖှိၣ်ဒိးပၢဒိးဆှၢအသးလၢခရံာ်အသိးန့ၣ်လီၤ.

အ့းဖ့းစူး 5:32

လၢတၢ်အံၤအပူၤတၢ်မ့ၢ်တၢ်တီခူသူၣ်ဘၣ်တၢ်လီၣ်ဖျါထီၣ်အီၤ လီၤ. ယနၢ်ပၢၢ်လၢတၢ်အံၤမ့ၢ်တၢ်ဘၣ်ဃးဒီးခရံာ်ဒီးတၢ်အိၣ်ဖှိၣ် အဂ့ၢ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.