၁ တံၤမသ့း 3:3 - Sgaw Karen Common Bible

³ အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 3:3 Iomraidhean Croise

တၢ်ကတိၤဒိ. 1:19

တၢ်တမျိၤတမျာ်တၢ်ထီဘိန့ၣ်, ဃ့တမျာ်အသးသမူဒီးအဝဲအံၤမ့ၢ် တၢ်လၢအမၤအသးဒီးပှၤတဂၤဂ့ၤတဂၤဂ့ၤလၢအအိၣ်မူလၢ တၢ်မၤအၢမၤသီအပူၤန့ၣ်လီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယဃ့းစက့လး 44:21

ပှၤလုၢ်တၢ်အခိၣ်တဖၣ်တချုးလၢအနုာ်ဆူတၢ်လုၢ်ဟံၣ်အဂၢၤ လၢတၢ်အိပူၤန့ၣ်တဘၣ်အီစပံးထံနီတမံၤဘၣ်.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မးသဲ 21:13

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံစံးဝဲလၢကစၢ်ယွၤစံးဝဲဒၣ်, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီး, သုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ်ခူ သူၣ်အလီၢ်တပူၤလီၤ” (ၡါ. ၅၆:၇; ယံး ၇:၁၁).

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၁ တံၤမသ့း 3:8

ပှၤမၤစၢၤတၢ်လၢတၢ်အိၣ်ဖှိၣ်အပူၤတဖၣ်စ့ၢ်ကီးကဘၣ်အိၣ် ဒီးသကဲာ်ပဝးလၢအဂ့ၤဒီးကတိၤတၢ်တီတီလိၤလိၤန့ၣ် လီၤ. အဝဲသ့ၣ်တဘၣ်အီစပံးထံအါကဲၣ်ဆိးဒီးတဘၣ် သူၣ်လီသးကွံစ့န့ၣ်ဘၣ်.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

တံတူး 3:2

စံးဘၣ်အဝဲသ့ၣ်လၢအသုတကတိၤအၢကတိၤသီပှၤနီတဂၤ တဂ့ၤ, မ့မ့ၢ်တခီကအိၣ်ဃူအိၣ်ဖိးဒီးရ့တံၤရ့သကိး, ဒီးထီဘိဒၣ်တၢ်ကဒုးနဲၣ်တၢ်ပာ်သးခုၣ်ခုၣ်မုာ်မုာ်လၢပှၤကိး ဂၤဒဲးအဖီခိၣ်န့ၣ်တက့ၢ်.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.