၁ တံၤမသ့း 3:14 - Sgaw Karen Common Bible

¹⁴ ဖဲယကွဲးလံာ်ပရၢအံၤဆူနအိၣ်အဖၢမုၢ်န့ၣ်, ယမုၢ်လၢ်လၢတယံာ်လၢၤဘၣ်ဒီးယကဟဲထံၣ်ဘၣ်နၤ န့ၣ်လီၤ.

၁ တံၤမသ့း 3:14 Iomraidhean Croise

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

၁ သ့းစၤလနံ 2:18

ပအဲၣ်ဒိးလဲၤအိၣ်သကိးကဒီးသုလီၤ. ယနီၢ်ကစၢ်ဒၣ်ယဲ, ယဂုာ်ကျဲးစၢးလဲၤကဒါက့ၤဆူသုအိၣ်အါန့ၢ်တဘျီ, ဘၣ်ဆၣ်မုၣ်ကီၤလံၢ်တြီပှၤလီၤ.

၁ တံၤမသ့း 3:13

ပှၤမၤစၢၤတၢ်လၢအမၤအတၢ်မၤဂ့ၤဂ့ၤဘၣ်ဘၣ်တဖၣ်န့ၣ်, အနီၢ်ကစၢ်ဒၣ်ဝဲကဒိးန့ၢ်ဘၣ်တၢ်ပာ်ဒိၣ်ပာ်ထီအီၤဒီးတၢ်သ့ ကတိၤတၢ်ဒူဒူဘၣ်ဃးဒီးအတၢ်စူၢ်တၢ်နာ်လၢယ့ၣ်ၡူးခရံာ် အပူၤန့ၣ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ တံၤမသ့း 4:13

တချုးယဟဲဒံးဘၣ်ဒီး, ဟ့ၣ်လီၤနတၢ်ဆၢကတီၢ်ဒီးတၢ်ကျဲးစၢးလၢတၢ်ဖးန့ၢ်ပှၤဂီၢ်မုၢ် လၢတၢ်ကွဲးအသးစီဆှံတဖၣ်, ဒီးလၢတၢ်စံၣ်တဲၤတဲလီၤတၢ်ဒီးလၢတၢ်သိၣ်လိသီလိတၢ် အဂီၢ်န့ၣ်တက့ၢ်.

ဖံၤလ့မိၣ် 1:22

တဘျီဃီဝံသးစူၤကတဲာ်ကတီၤဆိပာ်စၢၤဒၢးတဖျၢၣ်လၢ ယဂီၢ်, အဂ့ၢ်ဒ်အံၤယမုၢ်လၢ်လၢကစၢ်ယွၤကစံးဆၢသုခဲလၢာ် အတၢ်ထုကဖၣ်ဒီးဆှၢက့ၤယၤဆူသုအိၣ်န့ၣ်လီၤ.

ဧ့ၤဘြံၤ 13:23

ယအဲၣ်ဒိးသုသ့ၣ်ညါလၢပဒီပုၢ်ဝဲၢ်စီၤတံၤမသ့းဘၣ်တၢ် ပျၢ်ပူၤဖျဲးအီၤလၢဃိာ်ပူၤလံ. အဝဲမ့ၢ်ဟဲဆိဆိဒီးအဝဲကအိၣ်ဒီးယၤဖဲယထံၣ်သုအဆၢ ကတီၢ်န့ၣ်လီၤ.

၂ ယိၤဟၣ် 1:12

ယအိၣ်ဒီးတၢ်အါမးလၢယသးအိၣ်စံးဘၣ်တဲဘၣ်သု, ဘၣ်ဆၣ်ယတသးအိၣ်ကွဲးအီၤလၢစးခိဒီးမဲၣ်ထံန့ၣ်ဘၣ်. မ့မ့ၢ်, ယမုၢ်လၢ်လၢယကလဲၤဆူသုအိၣ်ဒီးကတိၤ တၢ်ဒီးသုလၢမဲာ်သကိးမဲာ်, ဒ်သိးပကအိၣ်ဒီးတၢ်သးခု အလၢအပှဲၤအဂီၢ်န့ၣ်လီၤ.

၃ ယိၤဟၣ် 1:14

တယံာ်လၢၤဘၣ်ဒီးယမုၢ်လၢ်လၢယကထံၣ်ဘၣ်နၤ, ဒီးထဲန့ၣ်တဘျီပကကတိၤသကိးတၢ်လၢမဲာ်သကိးမဲာ် န့ၣ်လီၤ.