၁ တံၤမသ့း 2:2 - Sgaw Karen Common Bible

² လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.

၁ တံၤမသ့း 2:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:19

ပဝ့ၢ်အံၤမ့ၢ်ဝ့ၢ်ဖးဒိၣ်လၢကီၢ်အံၣ်စရ့လးအပူၤတဖၣ်အကျါတဝ့ၢ်, လၢအအိၣ်ဒီးအပှၤဝ့ၢ်ဖိတဖၣ်လၢအအဲၣ်တၢ်ဃူတၢ်ဖိးဒီးအိၣ်ဒီး တၢ်သူၣ်တီသးရၤန့ၣ်လီၤ. ဘၣ်မနုၤလၢနကျဲးစၢးမၤဟးဂီၤအီၤန့ၣ်လဲၣ်. မ့ၢ်နအဲၣ်ဒိးမၤဟးဂီၤတၢ်လၢအဘၣ်ဃးဒီးယွၤန့ၣ်ဧါ.”

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

တၢ်ကတိၤဒိ. 24:21

ယဖိခွါဧၢ, ယူးယီၣ်ယွၤတက့ၢ်. ဒီးပာ်ကဲစီၤပၤတက့ၢ်. မၤဃါဃုာ်နသးဒီးပှၤလၢအပူထီၣ်ထီဒါအဝဲသ့ၣ်တဂ့ၤ.

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 12:18

မ့မ့ၢ်သုဝဲတခီ, ဖဲသုသ့န့ၣ်အိၣ်ဃူလိာ်ဖိးလိာ်သုသး ဒီးပှၤခဲလၢာ်တက့ၢ်.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ သ့းစၤလနံ 4:11

ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.