၁ တံၤမသ့း 1:7 - Sgaw Karen Common Bible

⁷ အဝဲသ့ၣ်အဲၣ်ဒိးကဲထီၣ်ကစၢ်ယွၤအတၢ်သိၣ်တၢ်သီအသရၣ် တဖၣ်, ဘၣ်ဆၣ်ဒီးအဝဲသ့ၣ်တနၢ်ပၢၢ်က့ၤအတၢ်ကတိၤဒၣ်ဝဲ တဖၣ်မ့ၢ်ဂ့ၤ, တၢ်ဂ့ၢ်တၢ်ကျိၤတဖၣ်လၢအဝဲသ့ၣ်စံးကတိၤ ဝဲလၢအဂ့ၢ်လၢတၢ်စူၢ်ဂၢၢ်နာ်ကျၢၤအပူၤတဖၣ်မ့ၢ်ဂ့ၤန့ၣ်ဘၣ်.

၁ တံၤမသ့း 1:7 Iomraidhean Croise

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 21:27

လၢတၢ်န့ၣ်အဃိ, အဝဲသ့ၣ်စံးဆၢယ့ၣ်ၡူးဒီးစံး, “ပတသ့ၣ်ညါဘၣ်.” ဒီးယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ယဲစ့ၢ်ကီးယမၤတၢ်တဖၣ်အံၤလၢမတၤအစိကမီၤလဲၣ်န့ၣ်, ယတတဲသုဘၣ်.

လံာ်လူၤကၣ် 2:46

ဖဲသၢသီတသီန့ၣ်အဝဲသ့ၣ်ထံၣ်အီၤလၢတၢ်လုၢ်ဟံၣ်အပူၤ, ဆ့ၣ်နီၤလၢယူဒၤအသရၣ်သမါတဖၣ်အသိးအကျါ, ဒိကနၣ်အဝဲသ့ၣ်အတၢ်စံးတၢ်ကတိၤ, ဒီးသံကွၢ်တၢ်သံကွၢ်တဖၣ်လီၤ.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလၤတံ 4:21

ပျဲယသံကွၢ်သုဝဲလၢအအဲၣ်ဒိးအိၣ်လၢတၢ်သိၣ်တၢ်သီအဖီလာ် တဖၣ်ဒ်အံၤတက့ၢ်. တၢ်သိၣ်တၢ်သီစံးဝဲဒ်လဲၣ်န့ၣ်မ့ၢ်သုတနၢ် ဟူဘၣ်ဧါ.

၁ တံၤမသ့း 6:4

ပာ်ကဖၢလၢအသးဒီးတသ့ၣ်ညါတၢ်နီတမံၤဘၣ်. အဝဲအိၣ်ဒီးသးလၢအတလိၤဘၣ်လၢအအဲၣ်ဒိးဂ့ၢ်လိာ်ဘှီ လိာ်ဒီးအ့ၣ်လိာ်ဆိးက့လိာ်အသးဘၣ်ဃးတၢ်ကတိၤတဖၣ်, ဒီးတၢ်ဝဲအံၤ ဒုးအိၣ်ထီၣ်တၢ်သူၣ်က့ၣ်သးကါ, တၢ်အ့ၣ်လိာ်ဆိးက့လိာ်, တၢ်ဒုၣ်ဒွဲၣ်စံးအၢ, ဒီးတၢ်ဆိကမိၣ်ကမၣ်အအၢအသီတဖၣ်,

၂ တံၤမသ့း 3:7

အဝဲသ့ၣ်မၤလိတၢ်တထံၣ်ဃီသနာ်က့, တတုၤထီၣ်ထီၣ်ဘးလၢတၢ်သ့ၣ်ညါတၢ်မ့ၢ်တၢ်တီနီတဘျီ ဘၣ်န့ၣ်လီၤ.

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.

၂ ပ့းတရူး 2:12

မ့မ့ၢ်ပှၤသ့ၣ်တဖၣ်အံၤမၤတၢ်လၢတၢ်တဆိကမိၣ်ဆိကမး အပူၤဒ်ဆၣ်ဖိကီၢ်ဖိအရၢၢ်တဖၣ်လၢအဘၣ်တၢ်ဖှံလီၤအီၤလၢ တၢ်ကဖီၣ်န့ၢ်ဒီးမၤသံအီၤအဂီၢ်အသိးန့ၣ်လီၤ. အဝဲသ့ၣ်ကတိၤဒုၣ်ဒွဲၣ်စံးအၢတၢ်လၢအတနၢ်ပၢၢ်ဝဲတဖၣ်န့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဒ်ဆၣ်ဖိကီၢ်ဖိအရၢၢ်တဖၣ် အသိး,