၁ တံၤမသ့း 1:5 - Sgaw Karen Common Bible

⁵ တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 1:5 Iomraidhean Croise

စံးထီၣ်ပတြၢၤ 24:4

မ့ၢ်ဒၣ်ပှၤလၢအစုစီဆှံဝဲဒီးအသးကဆှီဝဲ, ပှၤလၢအတဘါထီၣ်ဘၣ် တၢ်ဂီၤတၢ်ဖီၣ်တဖၣ် ဒီးတဆိၣ်ဘၣ်တၢ်လၢ တၢ်လီတၢ်ဝ့ၤအပူၤဘၣ်န့ၣ်လီၤ.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.

လံာ်မးသဲ 5:8

ပှၤလၢအသးကဆှီတဖၣ်န့ၣ်, မ့ၢ်ပှၤတဖၣ်လၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကထံၣ်ဘၣ်ကစၢ်ယွၤလီၤ.

မၤတၢ် 15:9

အဝဲဒၣ်တပာ်လီၤဆီပဝဲပှၤယူဒၤဖိတဖၣ်ဒီးအဝဲသ့ၣ်ပှၤကလုာ်ဂၤ တဖၣ်န့ၣ်ဘၣ်. အဝဲပျၢ်ကွံာ်အဝဲသ့ၣ်အတၢ်ဒဲးဘးမ့ၢ်လၢ အစူၢ်က့ၤနာ်က့ၤတၢ်အဃိန့ၣ်လီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 14:15

သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

1 ကရံၣ်သူး 13:1

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 3:9

အဝဲသ့ၣ်ကြၢးဟံးဃာ်တၢ်စူၢ်တၢ်နာ်အတၢ်မ့ၢ်တၢ်တီလၢ အဘၣ်တၢ်လီၣ်ဖျါထီၣ်အီၤ, လၢသးလၢအသ့ၣ်ညါဒၣ်တၢ် ဆှံဆှံအပူၤန့ၣ်လီၤ.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

၂ တံၤမသ့း 1:5

ယသ့ၣ်နီၣ်ထီၣ်တၢ်စူၢ်တၢ်နာ်တံၢ်နီၢ်လၢအအိၣ် လၢနပူၤ, တၢ်စူၢ်တၢ်နာ်တကလုာ်လၢအအိၣ်တ့ၢ်လၢနဖံနီၢ် လိၤအ့ၣ်ဒီးနမိၢ်နီၢ်အူၤနံက့ၤအပူၤန့ၣ်လီၤ. ဒီးယနာ်နီၢ်နီၢ်လၢအအိၣ်စ့ၢ်ကီးလၢနပူၤန့ၣ်လီၤ.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

၂ ပ့းတရူး 1:7

လၢတၢ်အဲၣ်ထူအဲၣ်ယွၤအမဲာ်ညါပာ်ဖှိၣ်အါထီၣ်တၢ်အဲၣ် ပုၢ်အဲၣ်ဝဲၢ်, ဒီးလၢတၢ်အဲၣ်ပုၢ်အဲၣ်ဝဲၢ်အမဲာ်ညါပာ်ဖှိၣ်အါထီၣ် တၢ်အဲၣ်တၢ်ကွံတက့ၢ်.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.

၁ ယိၤဟၣ် 3:3

ပှၤတဂၤဂ့ၤတဂၤဂ့ၤလၢအအိၣ်ဒီးတၢ်မုၢ်လၢ်ဒ်အံၤလၢ ခရံာ်အပူၤန့ၣ်, အိၣ်စီအိၣ်ဆှံအသးဒ်ခရံာ်စီဝဲဆှံဝဲ အသိးန့ၣ်လီၤ.