၁ တံၤမသ့း 1:20 - Sgaw Karen Common Bible

²⁰ လၢအဝဲသ့ၣ်အကျါမ့ၢ်စီၤဟူၤမ့းနဲဒီးစီၤအလ့းစၣ်ဒြူးလၢ ယစံၣ်ညီၣ်တ့ၢ်ဒီးဟ့ၣ်လီၤကွံာ်အီၤဆူမုၣ်ကီၤလံၢ်အစုပူၤ, ဒ်သိးတၢ်အံၤကကဲထီၣ်တၢ်သိၣ်လိအဝဲသ့ၣ်လၢကဆိကတီၢ် အတၢ်ကတိၤတရီတပါယွၤအဂီၢ်န့ၣ်လီၤ.

၁ တံၤမသ့း 1:20 Iomraidhean Croise

လံာ်မးသဲ 18:17

ဒီးမ့ၢ်တဒိကနၣ်ဘၣ်အဝဲသ့ၣ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်လၢတၢ်ဂ့ၢ်တၢ်ကျိၤခဲလၢာ်တက့ၢ်. ဒီး, မ့ၢ်တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤဒ်ပှၤတစူၢ်တနာ်ဘၣ်ယွၤဒီး, ဒ်ပှၤဃ့သွဲတဂၤအသိးန့ၣ်တက့ၢ်.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 19:33

ပှၤတနီၤဆိကမိၣ်လၢစီၤအလ့းစၣ်ဒြူးဘၣ်ထွဲလၢတၢ်ဂ့ၢ် အံၤမ့ၢ်လၢပှၤယူဒၤဖိတဖၣ်ဆီၣ်ထီၣ်အီၤဆူတၢ်မဲာ်ညါ အဃိန့ၣ်လီၤ. တုၤနုၤတစုစီၤအလ့းစၣ်ဒြူးယူာ်ထီၣ်အစု, ဒီးဝံၢ်ဝၢ်ဝဲဆူကမျၢၢ်အအိၣ်, ဒီးဂုာ်ကျဲးစၢးတဲနၢ်ပၢၢ်အဝဲသ့ၣ်လၢတၢ်ဂ့ၢ်တၢ်ကျိၤန့ၣ်လီၤ.

1 ကရံၣ်သူး 11:32

ဘၣ်ဆၣ်ဒီးပဘၣ်တၢ်စံၣ်ညီၣ်ဒီးသိၣ်ဃီၣ်ပှၤလၢကစၢ်, ဒ်သိးပသုတဘၣ်တၢ်စံၣ်ညီၣ်ဃုာ်ပှၤတပူၤဃီဒီးဟီၣ်ခိၣ် တဂ့ၤအဂီၢ်န့ၣ်လီၤ.

၂ ကရံၣ်သူး 10:6

ဒီးဖဲသုပာ်ဖျါတၢ်အုၣ်အသးဘၣ်ဃးသုတၢ်သူၣ်တီသးတီ လၢာ်လၢာ်ဆ့ဆ့အဂ့ၢ်လံန့ၣ်, ပကအိၣ်ကတဲာ်ကတီၤပသးလၢပကစံၣ်ညီၣ်တၢ်သးတတီ အတၢ်ဖံးတၢ်မၤတမံၤလၢ်လၢ်န့ၣ်လီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ သ့းစၤလနံ 3:15

ဘၣ်ဆၣ်ဒီး တဘၣ်ပာ်သူၣ်ပာ်သးလၢအဖီခိၣ်ဒ်ဒုၣ်ဒါတဂၤ အသိးတဂ့ၤ. မ့မ့ၢ်ဟ့ၣ်ပလီၢ်ပဒီအီၤဒ်ဒီပုၢ်ဝဲၢ်တဂၤအသိးန့ၣ် တက့ၢ်.

၁ တံၤမသ့း 5:15

မ့ၢ်အဂ့ၢ်ဒ်လဲၣ်န့ၣ်, မုၣ်ကမဲတနီၤဃၣ်ဒူချၢတ့ၢ်လံအသးလၢခရံာ်ဒ်သိးအကပိာ်ထီၣ် မုၣ်ကီၤလံၢ်အခံအဂီၢ်န့ၣ်လီၤ.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

၂ တံၤမသ့း 2:17

တၢ်သိၣ်လိဒ်န့ၣ်အသိးတဖၣ်လီၤဂာ်ဒီးတၢ်ပူၤလီၢ်ပူၤဃဲးလၢ အအီၣ်လီၤကလိၤကွံာ်တၢ်န့ၣ်လီၤ. ပှၤခံဂၤလၢအသိၣ်လိ တၢ်ဒ်သိးအံၤတဖၣ်မ့ၢ်ဝဲစီၤဟူၤမ့းနဲဒီးစီၤဖံလ့ၤတူးန့ၣ်လီၤ.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.

ဧ့ၤဘြံၤ 12:5

မ့ၢ်သုသးပ့ၤနီၣ်တၢ်ကတိၤဟ့ၣ်ဂံၢ်ဟ့ၣ်ဘါလၢကစၢ်ယွၤ ကတိၤတၢ်ဒီးသုဒ်အဖိတဖၣ်အသိးန့ၣ်လံဧါ. စံးဝဲ, “ယဖိဧၢ, သုတပာ်ကစၢ်အတၢ်သိၣ်တၢ်သီလၢ တၢ်ကလီကလီတဂ့ၤ. တုၤအသိၣ်ဃီၣ်နၤဒီးတဘၣ်သးဟးဂီၤတဂ့ၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.