၁ တံၤမသ့း 1:18 - Sgaw Karen Common Bible

¹⁸ ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၁ တံၤမသ့း 1:18 Iomraidhean Croise

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

1 ကရံၣ်သူး 9:7

မ့ၢ်သုးဖိတဂၤဂၤဟ့ၣ်ဘၣ်အတၢ်လၢာ်ဘူၣ်လၢာ်စ့ၤလၢအနီၢ်ကစၢ်ဒၣ်ဝဲအဂီၢ် ဖဲအိၣ်လၢသုးပူၤအဆၢကတီၢ်န့ၣ်တစုစုဧါ. ပှၤသူၣ်တၢ်ဖျးတၢ်ဖိမတၤတဂၤလၢအတအီၣ်စပံးသၣ်လၢ အစပံးလီၢ်ဒၣ်ဝဲအပူၤန့ၣ်လဲၣ်. ပှၤကွၢ်သိမတၤတဂၤလၢအတသူ တၢ်နုၢ်ထံလၢအသိဒၣ်ဝဲအကျါန့ၣ်လဲၣ်.

ဖံလံးပံၤ 2:22

ဒီးသုနီၢ်ကစၢ်ဒၣ်သုဝဲသုသ့ၣ်ညါလၢအဝဲမ့ၢ်ပှၤလုၢ်ဒိၣ် ပှ့ၤဒိၣ်ဒ်လဲၣ်တဂၤဒီးအဝဲဒီးယၤဒ်ဖိဒီးပၢ်အသိး, ပမၤသကိးတၢ်တပူၤဃီလၢတၢ်သးခုကစီၣ်အတၢ်ဒိၣ်ထီၣ်လဲၢ်ထီၣ် အဂီၢ်ဒ်လဲၣ်အဂ့ၢ်န့ၣ်လီၤ.

၁ တံၤမသ့း 1:2

ဆူ, စီၤတံၤမသ့း, ယဖိခွါနီၢ်နီၢ်လၢတၢ်စူၢ်တၢ်နာ်အပူၤအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤ တၢ်ဘျုးတၢ်ဖှိၣ်, တၢ်သးကညီၤ, ဒီးတၢ်ဃူတၢ်ဖိးတက့ၢ်.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 4:4

တၢ်ကိးမံၤဒဲးလၢကစၢ်ယွၤတ့လီၤပာ်လီၤန့ၣ်ဂ့ၤဝဲဒၣ်လီၤ. တၢ်တဂ့ၤညိကွံာ်အီၤနီတမံၤဘၣ်. တၢ်ကိးမံၤဒဲးန့ၣ်ကြၢးဘၣ်တၢ်တူၢ်လိာ်အီၤလၢတၢ် စံးထီၣ်ပတြၢၤတၢ်အဘျုးအဖှိၣ်အပူၤ,

၁ တံၤမသ့း 6:20

စီၤတံၤမသ့းဧၢ, ပၢၤဃာ်တၢ်လၢအဘၣ်တၢ်ဟ့ၣ်လီၤနၤ လၢနကအံးက့ၤကွၢ်က့ၤအီၤတဖၣ်ဂ့ၤဂ့ၤတက့ၢ်. ပဒ့ၣ်ဟးဆှဲးတၢ်ကတိၤတရီတပါတၢ်စီတၢ်ဆှံ ဒီးတၢ်ဂ့ၢ်လိာ်ဘှီလိာ်ကလီကလီတဖၣ်လၢပှၤတနီၤနီၤကိး ကမၣ်ဝဲလၢ “တၢ်သ့ၣ်ညါ” န့ၣ်တက့ၢ်.

၂ တံၤမသ့း 1:2

ဆူ စီၤတံၤမသ့း, ယဖိခွါသးဘိအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤတၢ်ဘျုး တၢ်ဖှိၣ်, တၢ်သးကညီၤဒီးတၢ်ဃူတၢ်ဖိးတက့ၢ်.

၂ တံၤမသ့း 4:7

တၢ်ဒုးလၢအဂ့ၤန့ၣ်ယဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ်လံ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

ဖံၤလ့မိၣ် 1:10

ယဃ့ကညးနၤလၢစီၤအီးန့ၤစံမူးအခၢၣ်စးလီၤ. အဝဲမ့ၢ်ယဖိခွါဒၣ်ယဲလၢခရံာ်အပူၤလၢယထီၣ်ဖိန့ၢ်အီၤဒီးကဲ ထီၣ်အပၢ်လၢသူၣ်လၢသးဖဲယမ့ၢ်ယဲပှၤဃိာ်ဖိအခါန့ၣ်လီၤ.