၁ တံၤမသ့း 1:13 - Sgaw Karen Common Bible

¹³ ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

၁ တံၤမသ့း 1:13 Iomraidhean Croise

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:16

ဘၣ်ဆၣ်ဒီးတၢ်အပူၤလီၢ်မ့ၢ်ဘျါဝဲဒီးဝါထီၣ်က့ၤကဒီးဝဲန့ၣ်, ပှၤတဂၤန့ၣ်ကဘၣ်လဲၤဆူပှၤလုၢ်တၢ်အခိၣ်အအိၣ်,

လံာ်တၢ်ဂံၢ် 15:30

ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်လူၤကၣ် 12:47

တၢ်ခ့တၢ်ပှၤလၢအသ့ၣ်ညါအကစၢ်အဲၣ်ဒိးအမၤတၢ်မနုၤ, ဘၣ်ဆၣ်ဒီး တအိၣ်ကတဲာ်ကတီၤအသးဒီးမၤတၢ်လၢအကစၢ်အဲၣ်ဒိးဝဲန့ၣ်, ကဘၣ်တၢ်စံၣ်ညီၣ်ဒီးဖျ့အီၤနးနးကလဲာ်လီၤ.

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 3:17

ဒီးခဲကနံၣ်အံၤယဒီပုၢ်ဝဲၢ်သ့ၣ်ဧၢ, ယသ့ၣ်ညါလၢတၢ်လၢသုဝဲဒီးသုခိၣ်သုနၢ်တဖၣ်မၤဘၣ်ယ့ၣ်ၡူး န့ၣ်, မ့ၢ်ဒၣ်လၢသုတသ့ၣ်ညါဘၣ်အဃိလီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:1

အကတီၢ်ဖဲန့ၣ်, စီၤစီလူးကတိၤပျံၤကတိၤဖုးဒံးကစၢ်အပျဲၢ်အဘီၣ် တဖၣ်လၢအကမၤသံအဝဲသ့ၣ်န့ၣ်လီၤ. အဝဲဒၣ်လဲၤဝဲဆူပှၤလုၢ်တၢ်အခိၣ်အဒိၣ်ကတၢၢ်အအိၣ်,

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

1 ကရံၣ်သူး 15:9

အဂ့ၢ်ဒ်အံၤ, ယမ့ၢ်ပှၤအဆံးကတၢၢ်လၢပှၤတၢ်မၢဖိခဲလၢာ်အကျါ လီၤ. ယတကြၢးဘၣ်တၢ်ကိးဒၣ်လဲာ်ယၤလၢပှၤတၢ်မၢဖိတဂၤဘၣ်. အဂ့ၢ်မ့ၢ်လၢယမၤအၢမၤနးကစၢ်ယွၤအတၢ်အိၣ်ဖှိၣ်အဃိလီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

ကလၤတံ 1:13

သုနၢ်ဟူဘၣ်တ့ၢ်လံလၢဖဲယဟ့ၣ်လီၤယသးဆူယူဒၤအတၢ် ဘူၣ်တၢ်ဘါအဂီၢ်အဆၢကတီၢ်န့ၣ်ယအိၣ်မူယဲဒ်လဲၣ်, လၢတၢ်တအိၣ်ဒီးတၢ်သးကညီၤအပူၤယမၤအၢမၤနးကစၢ်ယွၤ အတၢ်အိၣ်ဖှိၣ်ဒ်လဲၣ်, ဒီးယဂုာ်ကျဲးစၢးလၢာ်သးလၢယကမၤဟးဂီၤကွံာ်တၢ်အိၣ်ဖှိၣ်ဒ် လဲၣ်အဂ့ၢ်န့ၣ်လီၤ.

ဖံလံးပံၤ 3:6

ဒီးယသူၣ်ဆူၣ်သးဂဲၤယဲဒိၣ်မးတုၤဒၣ်လဲာ်ယမၤအၢမၤနး တၢ်အိၣ်ဖှိၣ်န့ၣ်လီၤ. ဖဲလၢအဘၣ်ဃးဒီးပှၤကညီတဂၤတီဝဲလိၤဝဲလၢအတၢ်စူၢ်တၢ်သိၣ် တၢ်သီအတၢ်မၤလိာ်တဖၣ်န့ၣ်, တၢ်ပာ်တၢ်ကမၣ်လၢယလိၤအလီၢ် တအိၣ်ဘၣ်.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).