၁ တံၤမသ့း 1:10 - Sgaw Karen Common Bible

¹⁰ ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

၁ တံၤမသ့း 1:10 Iomraidhean Croise

လံာ်တၢ်ကဲထီၣ်အခီၣ်ထံး 19:5

အဝဲသ့ၣ်ကိးထီၣ်စီၤလိာ်ဒီးသံကွၢ်ဝဲ, “ပှၤပိာ်ခွါလၢအဟဲ လၢကအိၣ်ဒီးနၤတနၤအံၤတဖၣ်န့ၣ်အိၣ်ဖဲလဲၣ်. ဟဲစိာ်ထီၣ်အဝဲသ့ၣ်ဆူပအိၣ်တက့ၢ်.” ဝ့ၢ်စဒိၣ်အပှၤပိာ်ခွါသ့ၣ် တဖၣ်အဲၣ်ဒိးမံဃုာ်ဂဲၤဃုာ်ဒီးအဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:27

မ်ပကဆါကွံာ်အီၤဆူပှၤယံးၡမၤဧ့လးဖိသ့ၣ်တဖၣ်အအိၣ်န့ၣ်တ က့ၢ်. အန့ၣ်ဒီးပတမၤဆါဘၣ်အီၤဘၣ်. နီၢ်နီၢ်တခီ, အဝဲမ့ၢ်ဒၣ်ပဒီပုၢ်ဝဲၢ်ခွါ, ပဖံးပညၣ်ဒီးပသွံၣ်ပထံဒၣ်ဝဲလီၤ.” အဒီပုၢ်ဝဲၢ်ခွါတဖၣ်ဘၣ်သူၣ်ဘၣ်သးဝဲ,

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်တၢ်ဟးထီၣ်ကွံာ် 21:16

ပှၤတဂၤလၢ်လၢ်မ့ၢ်ဟုၣ်န့ၢ်ပှၤကညီလၢကဆါအီၣ်အီၤအဂီၢ်မ့ၢ်ဂ့ၤ, ကမၢကဲကုၢ်အီၤအဂီၢ်မ့ၢ်ဂ့ၤန့ၣ်ကဘၣ်တၢ်မၤသံကွံာ်အီၤလီၤ.

လံာ်ဟိၤၡ့ 10:4

အဝဲသ့ၣ်တဖၣ်ကတိၤတၢ်ကတိၤကလီကလီသ့ၣ်တဖၣ်, မၤတၢ်အၢၣ်လီၤတတီတလိၤတဖၣ်ဒီးလံာ်ဃံၤဃာ်တဖၣ်လၢ အဘျုးတအိၣ်န့ၣ်လီၤ. တၢ်စံၣ်ညီၣ်တီကဲထီၣ်တၢ်စံၣ်ညီၣ်တတီဘၣ်, ဒိၣ်ထီၣ်ဝဲဒ်နီၣ်လၢအအိၣ်ဒီးအစုၣ်တဖၣ်အသိးလၢစံာ်ပျီလၢပှၤ ထဲၣ်တ့ၢ်အီၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:22

ပိာ်ခွါတဘၣ်မံဃုာ်ဒီးပိာ်ခွါဒ်အမံဃုာ်ဒီး ပိာ်မုၣ်တဂၤအသိးန့ၣ်ဘၣ်. မ့ၢ်တၢ်သးဘၣ်အၢလၢယွၤလီၤ.

လံာ်တၢ်ဘူၣ်ထီၣ်ဘါထီၣ် 20:13

ဒီးပှၤပိာ်ခွါတဂၤလၢအမံဃုာ်ဒီးပိာ်ခွါအဂၤတဂၤန့ၣ်မ့ၢ်အမၤတၢ်လီၤသးဘၣ်အၢလီၤ. ဒီးပှၤခံဂၤလိာ်အံၤကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

ရိမ့ၤ 1:26

မ့ၢ်လၢပှၤကညီမၤတၢ်အံၤအဃိဒီး, ကစၢ်ယွၤဟ့ၣ်လီၤကွံာ်အဝဲသ့ၣ်ဆူတၢ်သူၣ်ကတၢသးကတၢလၢ အလီၤမဲာ်ဆှးတဖၣ်အပူၤန့ၣ်လီၤ. ပိာ်မုၣ်တဖၣ်ဒၣ်လဲာ်ဘိးဃၣ်ကဒါ ကွံာ်တၢ်သူပိာ်မုၣ်အက့ၢ်အဂီၤလၢကျဲအဘၣ်ဆူတၢ်သူအီၤလၢ အတမ့ၢ်ဘၣ်န့ဆၢၣ်အကျဲအကပူၤန့ၣ်လီၤ.

လံာ်သိၣ်လီၤသီလီၤတၢ် 24:7

ပှၤတဂၤလၢ်လၢ်လၢအစိာ်ဟုၣ်ကွံာ်အပှၤအံၣ်စရ့လးဖိကဒဲကဒဲ ဒီးဒုးကဲထီၣ်အီၤလၢအကုၢ်အပှၤမ့တမ့ၢ်ဆါလီၤကွံာ်အီၤဆူ ကုၢ်အလီၢ်န့ၣ်, ကဘၣ်တၢ်မၤသံအီၤန့ၣ်လီၤ. လၢကျဲဒ်အံၤအသိးန့ၣ်သုကမၤပူၤဖျဲးသုသးဒီးတၢ်အၢတၢ်သီ အံၤန့ၣ်လီၤ.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၁ တံၤမသ့း 6:3

ပှၤတဂၤဂ့ၤတဂၤဂ့ၤလၢအသိၣ်လိသီလိတၢ်စူၢ်တၢ်နာ်လီၤ ဆီလၢအတလီၤပလိာ်ဒီးပကစၢ်ယ့ၣ်ၡူးခရံာ်အတၢ်ကတိၤ အမ့ၢ်အတီတဖၣ်, ဒီးတလီၤပလိာ်ဒီးပတၢ်ဘူၣ်တၢ်ဘါ အတၢ်သိၣ်လိသီလိန့ၣ်,

၂ တံၤမသ့း 1:13

ဟံးဃာ်ဂၢၢ်ကျၢၤတၢ်ကတိၤအမ့ၢ်အတီတဖၣ်လၢယသိၣ် လိတ့ၢ်နၤ, ဒ်အမ့ၢ်တၢ်ဒိတၢ်တဲာ်လၢနကပိာ်ထွဲအီၤအဂီၢ်, ဒီးအိၣ်ဂၢၢ်ဆိးကျၢၤလၢတၢ်စူၢ်တၢ်နာ်ဒီးတၢ်အဲၣ်တၢ်ကွံ လၢအမ့ၢ်ပတၢ်လၢယ့ၣ်ၡူးခရံာ်အပူၤန့ၣ်တက့ၢ်.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 18:13

ဒီးသ့ၣ်ကဒါရၤအဖံး, တၢ်နၢမူမၤဝံၣ်မၤဘဲကသူ, တၢ်နၢမူနၢဆှီ, မူရၣ်ဒီးလီၢ်ဘၣ်, စပံးထံဒီးသိ, ကိၣ်ကမူၣ်ဒီးဘုကၠူၣ်, ကျီၢ်, ဒီးသိတဖၣ်, ကသ့ၣ်တဖၣ်ဒီးလ့ၣ်ကဟၣ်တဖၣ်, ကုၢ်တဖၣ်, ဒီးပှၤကညီအသးသမူတဖၣ်ဒၣ်လဲာ်န့ၣ်လီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.