၁ သ့းစၤလနံ 5:5 - Sgaw Karen Common Bible

⁵ သုဝဲခဲလၢာ်သုမ့ၢ်ပှၤတဖၣ်လၢအဘၣ်ဃးဒီးတၢ်ကပီၤဒီးမုၢ် ဆါခီန့ၣ်လီၤ. ပတဘၣ်ဃးဒီးမုၢ်နၤခီမ့ၢ်ဂ့ၤ, တၢ်ခံးတၢ်နၤမ့ၢ်ဂ့ၤန့ၣ်ဘၣ်.

၁ သ့းစၤလနံ 5:5 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

၁ သ့းစၤလနံ 5:8

မ့မ့ၢ်, ပမ့ၢ်ပှၤတဖၣ်လၢအဘၣ်ဃးဒီးမုၢ်ဆါခီ ဒီးပဘၣ်မ့ၢ်ပှၤလၢအတမူၤတဘှီးဘၣ်တဖၣ်လီၤ. မ်ပသိးထီၣ်တၢ်နာ်ဒီးတၢ်အဲၣ်တၢ်ကွံအသဃိးဒီး ကုာ်ထီၣ်တၢ်မုၢ်လၢ်ဘၣ်ဃးတၢ်အုၣ်က့ၤခီၣ်က့ၤအခိၣ်ကုာ်သုး န့ၣ်တက့ၢ်.

၁ ယိၤဟၣ် 2:8

ဘၣ်ဆၣ်သနာ်က့, တၢ်မၤလိာ်လၢယကွဲးန့ၢ်သုခဲအံၤမ့ၢ်တၢ် အသီ, အဂ့ၢ်ဒ်အံၤ အတၢ်မ့ၢ်တၢ်တီဘၣ်တၢ်ထံၣ်န့ၢ်အီၤလၢ ခရံာ်အပူၤဒီးလၢသုပူၤစ့ၢ်ကီးလီၤ. အဂ့ၢ်မ့ၢ်လၢ, တၢ်ခံးတၢ်နၤလဲၤပူၤကွံာ်ဝဲ ဒီးတၢ်ကပီၤနီၢ်နီၢ်ကပီၤထီၣ်ဝဲလံ န့ၣ်လီၤ.