၁ သ့းစၤလနံ 5:4 - Sgaw Karen Common Bible

⁴ မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုတအိၣ်လၢတၢ်ခံးတၢ်နၤအပူၤဘၣ် သတးဒီး, ကစၢ်အမုၢ်တနံၤတတုၤအိၣ်ဘၣ်သုသတူၢ်ကလာ်ဒ်တၢ်ဘျၣ်ဟဲဝဲ အသိးန့ၣ်ဘၣ်လီၤ.

၁ သ့းစၤလနံ 5:4 Iomraidhean Croise

လံာ်ယံးရမံယၤ 42:16

တၢ်ဒုးတၢ်ယၤလၢ သုပျံၤအီၤန့ၣ် ကချုးန့ၢ်သု, ဒီးတၢ်သၣ်ဝံၤလီၤဒိလၢ သုဘၣ်ယိၣ်န့ၣ်ကလူၤပိာ်ထွဲသုခံ, ဒီးသုကသံဖဲန့ၣ်လၢ ကီၢ်အဲၤကူပတူးအပူၤန့ၣ်လီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.

လံာ်သိၣ်လီၤသီလီၤတၢ် 28:15

မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:45

ကယဲၢ်တၢ်တတၢးတနါတဖၣ်အံၤခဲလၢာ်ကဟဲလီၤဘၣ်လၢသုလိၤ, ဒီးကအိၣ်ဒီးသုတုၤလီၤလၢသုဘၣ်တၢ်မၤဟးဂီၤကွံာ်သု, မ့ၢ်လၢသုတစူၢ်ဘၣ်ယွၤ, သုကစၢ်ယွၤဒီးတိၢ်န့ၢ်ဖံးဃာ်ကယဲၢ်တၢ် ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲသ့ၣ်ဟ့ၣ်လီၤတ့ၢ်သုအဃိ န့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

၁ သ့းစၤလနံ 5:2

အဂ့ၢ်ဒ်အံၤ, ကစၢ်အမုၢ်တနံၤကဟဲဝဲဒၣ်သတူၢ်ကလာ်ဒ် တၢ်ဘျၣ်ဟဲဝဲလၢမုၢ်နၤခီအသိးန့ၣ်, သုနီၢ်ကစၢ်ဒၣ်သုဝဲ သုသ့ၣ်ညါဂ့ၤဂ့ၤလီၤ.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

၁ ယိၤဟၣ် 2:8

ဘၣ်ဆၣ်သနာ်က့, တၢ်မၤလိာ်လၢယကွဲးန့ၢ်သုခဲအံၤမ့ၢ်တၢ် အသီ, အဂ့ၢ်ဒ်အံၤ အတၢ်မ့ၢ်တၢ်တီဘၣ်တၢ်ထံၣ်န့ၢ်အီၤလၢ ခရံာ်အပူၤဒီးလၢသုပူၤစ့ၢ်ကီးလီၤ. အဂ့ၢ်မ့ၢ်လၢ, တၢ်ခံးတၢ်နၤလဲၤပူၤကွံာ်ဝဲ ဒီးတၢ်ကပီၤနီၢ်နီၢ်ကပီၤထီၣ်ဝဲလံ န့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.