၁ သ့းစၤလနံ 5:27 - Sgaw Karen Common Bible

²⁷ ယမၢန့ၢ်ဆီၣ်ခံသုလၢကစၢ်အမံၤအပူၤ, လၢသုကဖးဖျါထီၣ်လံာ်ပရၢ တဘ့ၣ်အံၤလၢဒီပုၢ်ဝဲၢ်ပှၤစူၢ်က့ၤနာ်က့ၤတၢ်ကိးဂၤဒဲးအမဲာ်ညါန့ၣ်လီၤ.

၁ သ့းစၤလနံ 5:27 Iomraidhean Croise

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:15

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤဖဲ ယွၤအမံၤအပူၤန့ၣ်, တဲတၢ်မ့ၢ်တၢ်တီတက့ၢ်. မ့ၢ်ယကဘၣ်တဲနၤတၢ်န့ၣ်ပှဲၤဘျီလဲၣ်.”

လံာ်ယံးရမံယၤ 51:61

ယတဲဘၣ်တ့ၢ် စီၤစရါယၤဒ်အံၤ, “ဖဲနလဲၤတုၤဆူ ကီၢ်ဘၤဘူလိၣ်န့ၣ်, တၢ်ကိးမံၤဒဲးလၢ တၢ်ကွဲးလီၤတ့ၢ်အီၤ ဖဲအံၤန့ၣ်, ဖးန့ၢ်ပှၤဂီၢ်မုၢ်လၢ နကလုၢ်ဖးဒိၣ်သပှၢ်တၢၢ်န့ၣ်တက့ၢ်.

လံာ်တၢ်ဂံၢ် 27:23

ဒ်ယွၤမၤလိာ်တ့ၢ်ဝဲအသိး, စီၤမိၤၡ့ပာ်ထီၣ်အစုတဖၣ်လၢစီၤ ယိၤၡူအခိၣ်ဖီခိၣ်ဒီးဘိးဘၣ်သ့ၣ်ညါထီၣ်အီၤဒ်ပှၤတဂၤလၢ ကထီၣ်က့ၤလၢအလီၢ်န့ၣ်လီၤ.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 19:13

ပှၤယူဒၤဖိတနီၤလၢအဟးဝ့ၤဝီၤဒီးဟီထီၣ်ကွံာ်တၢ်နါတဖၣ်ဂုာ် ကျဲးစၢးသူစ့ၢ်ကီးကစၢ်ယ့ၣ်ၡူးအမံၤလၢကဟီထီၣ်ကွံာ်တၢ်နါ အဂီၢ်လီၤ. အဝဲသ့ၣ်စံးဘၣ်တၢ်ဝံတၢ်နါတဖၣ်, “လၢယ့ၣ်ၡူးလၢစီၤပီလူးစံၣ်တဲၤတဲလီၤအီၤတဂၤအမံၤ န့ၣ်, ယဟ့ၣ်လီၤနၤယကလုၢ်န့ၣ်လီၤ.”

ကလီးစဲ 4:16

တုၤပှၤဖးလံာ်ပရၢအံၤဝံၤဒီးမၤဒ်သိးဝ့ၢ်လီၤဒံၤကံအတၢ် အိၣ်ဖှိၣ်စ့ၢ်ကီးကဖးဘၣ်ဝဲသပှၢ်ကတၢၢ်တက့ၢ်. သုဝဲစ့ၢ်ကီးဖးဘၣ်လံာ်ပရၢလၢယကွဲးန့ၢ်အဝဲသ့ၣ်လၢအဝဲသ့ၣ် ကဆှၢလီၤန့ၢ်သုတက့ၢ်.

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၂ သ့းစၤလနံ 3:14

ပှၤမ့ၢ်အိၣ်ဝဲတဂၤဂၤလၢအဂ့ၢ်လိာ်လၢအကပိာ်ထွဲတၢ်သိၣ် လီၤသီလီၤလၢပဆှၢလီၤလၢတၢ်ပရၢတဘ့ၣ်အံၤအပူၤန့ၣ်, ပာ်သူၣ်ပာ်သးဒီးမၤဘၣ်ထွဲသုသးလၢအီၤနီတမံၤတဂ့ၤ. သုကဘၣ်မၤဒ်အံၤ, မ့ၢ်ဒ်သိးအဝဲကမဲာ်ဆှးလီၤက့ၤအသး အဂီၢ်န့ၣ်လီၤ.

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၁ တံၤမသ့း 1:3

ယအဲၣ်ဒိးလၢနကအိၣ်လၢဝ့ၢ်အ့းဖ့းစူးအပူၤ, ဒ်ယမၢန့ၢ်ဆီၣ်ခံနၤဖဲယလဲၤဆူကီၢ်မၤက့းဒနံအခါအသိးန့ၣ် လီၤ. ပှၤအိၣ်ဖဲန့ၣ်တနီၤ သိၣ်လီၤသီလီၤတၢ်စူၢ်ကမၣ်နာ်ကမၣ် တဖၣ်, သတးဒီးနကဘၣ်ဟ့ၣ်လီၤနကလုၢ်လၢ အဝဲသ့ၣ်ကဆိကတီၢ်ကွံာ်ဝဲအဂီၢ်လီၤ.

၁ တံၤမသ့း 5:21

လၢကစၢ်ယွၤ, ဒီးယ့ၣ်ၡူးခရံာ်, ဒီးကလူးစီဆှံတဖၣ်အမဲာ်ညါ န့ၣ်, ယမၤလိာ်နၤလၢတၢ်သညူးသပှၢ်အပူၤလၢနကစူၢ်တၢ်သိၣ် တၢ်သီတဖၣ်အံၤ, တအိၣ်ဘၣ်ဒီးတၢ်အဲၣ်ဒိၣ်ဆံးအါစှၤတၢ်ဒီး တၢ်ကွၢ်မဲာ်တၢ်လၢနမၤတၢ်တမံၤဂ့ၤတမံၤဂ့ၤအပူၤန့ၣ် ဘၣ်လီၤ.

၁ တံၤမသ့း 5:7

မၤလိာ်အဝဲသ့ၣ်လၢတၢ်သိၣ်လိသီလိတဖၣ်အံၤ, ဒ်သိးပှၤသုတပာ်တၢ်ကမၣ်လၢအဝဲသ့ၣ်အလိၤနီတဂၤတဂ့ၤ အဂီၢ်န့ၣ်တက့ၢ်.

၁ တံၤမသ့း 6:13

လၢကစၢ်ယွၤလၢအဒုးမူတၢ်ခဲလၢာ်တဂၤအမဲာ်ညါ, ဒီးပှၤလၢအအၢၣ်လီၤဒီးမၤဂၢၢ်မၤကျၢၤအတၢ်စူၢ်တၢ်နာ်လၢ စီၤပီၢ်တံၤပံၤလးအမဲာ်ညါ, လၢအမ့ၢ်ယ့ၣ်ၡူးခရံာ်တဂၤန့ၣ် အမဲာ်ညါ, ယမၤလိာ်နၤ,

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၂ တံၤမသ့း 4:1

လၢကစၢ်ယွၤဒီးယ့ၣ်ၡူးခရံာ်လၢအကစံၣ်ညီၣ်ပှၤအမူဒီးပှၤအသံ တဂၤအမဲာ်ညါ, ဒီးမ့ၢ်လၢအဝဲကဟဲပၢတၢ်ဒ်စီၤပၤတဂၤအသိးအဃိ, ယမၤလိာ်နၤလၢတၢ်သညူးသပှၢ်အပူၤ,

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.